Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 40;1-31

40  Abasi mbufo ọdọhọ ete: “Ẹdọn̄ ikọt mi esịt, ẹdọn̄ ikọt mi esịt.”+  “Ẹtịn̄ ikọ emi otụkde Jerusalem+ esịt ẹnyụn̄ ẹfiori ẹkot enye ẹte ke utom ekọn̄ esie omokụre,+ ẹte ke ẹmefen ndudue esie.+ Koro enye ọmọbọ ke ubọk Jehovah ọyọhọ utịp oro ekemde ye kpukpru idiọkn̄kpọ esie.”+  Ẹkpan̄ utọn̄! Owo ke ofiori ke wilderness+ ete: “Mbufo ẹdiọn̄ usụn̄ Jehovah!+ Ẹnen̄ede ọkpọusụn̄ oro ebede ke unaisọn̄ desat ẹnọ Abasi nnyịn.+  Ẹnam kpukpru itịghede ẹkon̄+ ẹnyụn̄ ẹnam kpukpru ikpọ ye n̄kpri obot ẹsụhọde.+ Ndien ibombom ayakabade unaisọn̄, n̄kpotụk n̄kpotụk isọn̄ oyonyụn̄ akabade unaisọn̄ itịghede.+  Ndien ẹyeyarade ubọn̄ Jehovah,+ kpukpru obụkidem ẹyenyụn̄ ẹkụt enye,+ koro edi inua Jehovah ọdọhọ.”+  Kpan̄ utọn̄! Owo ke ọdọhọ ete: “Fiori kot!”+ Ndien owo efen ete: “Ndifiori n̄kot nso?” “Kpukpru obụkidem ẹdi awawa mbiet, ofụri ima-mfọnido mmọ ẹnyụn̄ ẹbiet ikọn̄ ikọt.+  Awawa mbiet amasat, ikọn̄ emeyemede,+ koro spirit Jehovah ọmọduọhọ enye.+ Ke akpanikọ mme owo ẹdi awawa mbiet.+  Awawa mbiet amasat, ikọn̄ emeyemede;+ edi amaedi ikọ Abasi nnyịn, enye eyebịghi ke nsinsi.”+  Afo n̄wan emi adade eti mbụk ọsọk Zion,+ dọk enyọn̄ edikon̄ obot.+ Afo n̄wan emi adade eti mbụk ọsọk Jerusalem,+ nen̄ede menede uyo fo ke enyọn̄. Menede uyo fo. Kûfehe ndịk.+ Dọhọ mme obio Judah ete: “Sese Abasi mbufo mi.”+ 10  Sese! Jehovah Akakan Ọbọn̄ Andikara eyedi nte ọkpọsọn̄ owo, ndien ubọk esie ayakara ọnọ enye.+ Sese! Utịp esie odu ye enye,+ n̄kpọ eyenutom oro enye ọnọde onyụn̄ odu enye ke iso.+ 11  Enye eyekpeme erọn̄ esie nte ekpemerọn̄.+ Enye ayada ubọk esie atan̄ nditọerọn̄ obon ọtọkiet;+ oyonyụn̄ emen mmọ akama ke ikpanesịt esie.+ Enye eyetịn̄ enyịn ada mmọ oro ẹnọde nditọ eba usụn̄.+ 12  Anie odomo mmọn̄ ke ekaubọk esie,+ onyụn̄ ada ubọk odomo mme heaven,+ onyụn̄ odomo obu ke udomon̄kpọ,+ m̀mê odomo ikpọ ye n̄kpri obot ke udomon̄kpọ? 13  Anie odomo spirit Jehovah, anie ekeme ndinọ enye item nnyụn̄ nnam enye ọfiọk n̄kpọ ekededi?+ 14  Enye akaka ebịne anie okoyom item man owo oro akpanam enye ọfiọk n̄kpọ, mîdịghe anie ekpep enye usụn̄ unenikpe, m̀mê ekpep enye ifiọk,+ m̀mê anam enye ọdiọn̄ọ usụn̄ ata ifiọk?+ 15  Sese! Mme idụt ẹtie nte ntọi mmọn̄ emi otode bọket; ẹnyụn̄ ẹbat mmọ nte obu ke udomon̄kpọ.+ Sese! Enye emenede mme isuo+ nte obu. 16  Lebanon ikam ikemke ndinam ikan̄ aka iso asak, mme unam+ esie inyụn̄ ikemke se ẹdade ke edifọp uwa.+ 17  Kpukpru mme idụt ẹtie nte n̄kpọ eke mîdụhe ke iso esie;+ enye abat mmọ ke ikpîkpu ye nte n̄kpọ eke mîdụhe.+ 18  Mbufo ẹkeme ndimen Abasi ndomo ye anie,+ ewe mbiet ke mbufo ẹnyụn̄ ẹkeme ndimen ndomo ye enye?+ 19  Anamutom usọ amanam editara mbiet,+ odomutịm onyụn̄ ada gold ofụk enye,+ onyụn̄ odom n̄kpọkọbi silver.+ 20  Enye emek eto kiet emi ẹkesiode ẹnịm, eto emi mîbụhu.+ Enye oyom anamutom usọ eke enyenede usọ ọnọ idemesie, man anam edisọi mbiet+ emi mîdisehekede.+ 21  Nte mbufo ifiọkke? Nte mbufo ikopke? Nte owo ikasianke mbufo toto ke editọn̄ọ? Nte mbufo idaha mbufiọk inam n̄kpọ toto ke ini emi ẹkesịnde itiat idakisọn̄ ẹnọ isọn̄?+ 22  Odu Enye emi odụn̄de ke enyọn̄ ekara isọn̄,+ emi mme andidụn̄ ẹbietde mme ataktak, kpa Enye emi anyanarede ikpaenyọn̄ ebri nte mfefere ọfọn̄, emi ebride enye nte tent emi ẹdụn̄de,+ 23  Enye emi osụhọrede ikpọ owo itie, emi anamde mme ebiereikpe isọn̄ ẹtie nte n̄kpọ eke mîdụhe.+ 24  Owo itọhọ mmọ kan̄a; owo isuanke mmọ kan̄a; etak mmọ inyụn̄ isịnke orụn̄ kan̄a ke isọn̄.+ Ndien owo enyene ndifefri mmọ ndien mmọ ẹsat;+ ọkpọsọn̄ ofụm oyonyụn̄ emen mmọ efep nte nnyanyan̄a.+ 25  “Edi mbufo ẹkeme ndimen mi ndomo ye anie man ẹnam mi ndi ukem ye enye?” ntem ke Edisana Abasi ọdọhọ.+ 26  “Ẹmenede enyịn mbufo ke enyọn̄ ẹnyụn̄ ẹse. Anie okobot mme n̄kpọ emi?+ Edi Enye emi adade udịm mmọ ọwọrọ ke ibat mmọ, emi onyụn̄ okotde kpukpru mmọ ke enyịn̄.+ Ke ntak emi enye ọyọhọde ye ọkpọsọn̄ ukeme,+ onyụn̄ ọsọn̄de odudu, baba kiet ke otu mmọ isopke. 27  “O Jacob, nso inam fi ọdọhọde, O Israel nso inyụn̄ inam fi etịn̄de ete, ‘Usụn̄ mi edịbe Jehovah,+ unenikpe oro ẹkpenọde mi onyụn̄ ebe ọkpọn̄ Abasi mi’?+ 28  Nte afo ufiọkke, nte afo unyụn̄ ukopke?+ Jehovah, kpa Andibot utịt isọn̄, edi Abasi ke nsinsi nsinsi.+ Enye ikpaha mba inyụn̄ ikpọtke.+ Owo inyụn̄ ikemeke ndidụn̄ọde ifiọk esie.+ 29  Enye ọnọ owo oro akpade mba odudu;+ onyụn̄ anam owo eke mînyeneke ọkpọsọn̄ odudu+ ọyọhọ ye ukeme. 30  Nditọwọn̄ ẹyekpa mba ẹnyụn̄ ẹkpọt, n̄kparawa owo idinyụn̄ itreke ndituak ukot nduọn̄ọ, 31  edi mbon oro ẹdoride enyịn+ ke Jehovah ẹyefiak ẹkop odudu.+ Mmọ ẹyedọk ke mba nte ntrukpom.+ Mmọ ẹyefehe ndien idikpọtke; mmọ ẹyesan̄a ndien idikpaha mba.”+

Mme Ikọ Idakisọn̄