Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 4;1-6

4  Ndien iban itiaba ẹyemụm erenowo kiet ke usen oro,+ ẹnyụn̄ ẹdọhọ ẹte: “Nnyịn iyadia udia idem nnyịn inyụn̄ isịne ọfọn̄ idem nnyịn; edi yak ẹkam ẹkot nnyịn enyịn̄ ẹdian fi man ẹmen esuene nnyịn ẹfep.”+  Ke usen oro se Jehovah anamde esehe+ ayakabade edi n̄kpọmbana ye ubọn̄,+ ndien mbun̄wụm isọn̄ edidi n̄kpọ oro enemde owo esịt+ ye n̄kpọ oro eyede mbon Israel oro ẹfehede ẹbọhọ.+  Ndien ama ekem ẹyedọhọ ke mbon oro ẹsụhọde ke Zion ye mbon oro ẹkpọn̄de ke Jerusalem ẹdi ndisana ẹnọ enye,+ kpa kpukpru owo oro ẹwetde enyịn̄ ndidu uwem ke Jerusalem.+  Ke ini Jehovah edikụrede ndiyet ifuọ nditọiban Zion,+ enye ayada spirit ikpe ye spirit emi ọfọpde n̄kpọ+ adarade+ uduọkiyịp+ Jerusalem efep ke esịt esie,  Jehovah oyonyụn̄ anam obubịt enyọn̄ ye nsụn̄ikan̄ ke uwemeyo, ye uyama edemeikan̄+ ke okoneyo+ ẹfụk ofụri Obot Zion+ ye ebiet usopidem esie; koro ebiet ubọhọ oyodu ke kpukpru n̄kpọ emi ẹnyenede ubọn̄.+  Koro ataya oyodu ndinọ mfụt ke uwemeyo mbak eyo,+ onyụn̄ edi ebiet ubọhọ ye ebiet eke ẹdịbede mbak oyobio ye edịm.+

Mme Ikọ Idakisọn̄