Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 37;1-38

37  Edikem ke ndondo oro Edidem Hezekiah okopde, enye ọsọsọp awak ọfọn̄idem esie onyụn̄ emen ọfọn̄ ntuan̄a+ esịne ndien odụk edi ufọk Jehovah.+  N̄ko-n̄ko, enye ọdọn̄ Eliakim,+ emi edide etubom mbonufọk, ye Shebna ewetn̄wed+ ye mbiowo ke otu mme oku,+ ndien mmọ ẹsịne ọfọn̄ ntuan̄a, ẹka ke ọtọ prọfet Isaiah+ eyen Amoz.+  Ndien mmọ ẹkedọhọ enye ẹte: “Ntem ke Hezekiah ọdọhọ ete, ‘Mfịn emi edi usen nnanenyịn+ ye nduari ye emiom,+ koro nditọ ẹmekpere ndimana edi odudu idụhe ndiman.+  Ekeme ndidi Jehovah Abasi fo oyokop kpukpru ikọ Rabshakeh,+ emi edidem Assyria kpa ọbọn̄ esie ọdọn̄de enye ete edisụn̄i+ odu-uwem Abasi, ndien enye iditreke ndikot enye edinam ibat aban̄a mme ikọ emi Jehovah Abasi fo okopde.+ Afo nyụn̄ bọn̄ akam+ ban̄a nsụhọ oro ẹdude.’”+  Ntre mme asan̄autom Edidem Hezekiah ẹdụk ẹdi ke ọtọ Isaiah.+  Ndien Isaiah ọdọhọ mmọ ete: “Ntem ke mbufo ẹdidọhọ ọbọn̄ mbufo ẹte, ‘Ntem ke Jehovah ọdọhọ ete:+ “Kûkop ndịk+ uban̄a ikọ emi afo okopde, emi mme asan̄autom+ edidem Assyria ẹtịn̄de ẹsụn̄i mi.  Sese, ami mmọn̄ nsịn enye spirit+ ke idem, ndien enye oyokop etop+ onyụn̄ afiak ọnyọn̄ idụt esie; ami nyonyụn̄ nnam ẹwot enye ke akan̄kan̄ ke idụt esie.”’”+  Ekem Rabshakeh+ afiak ọnyọn̄ ndien okokụt edidem Assyria an̄wanade ye Libnah,+ koro enye okokopde ete ke enye ama ọkpọn̄ Lachish.+  Enye okop nte ẹdọhọde ẹban̄a Tirhakah+ edidem Ethiopia, ẹte: “Enye ọmọwọrọ edi ndin̄wana ye afo.” Ntre ke ini enye okopde, enye ọsọsọp ọdọn̄ mme isụn̄utom+ ọnọ Hezekiah, ete: 10  “Ntem ke mbufo ẹdidọhọ Hezekiah edidem Judah ẹte, ‘Kûyak Abasi fo emi afo ọbuọtde idem abian̄a fi,+ ete: “Owo ididaha Jerusalem isịn edidem Assyria ke ubọk.”+ 11  Sese! Afo omokop se ndidem Assyria ẹkenamde kpukpru mme idụt ke ndisobo mmọ mfep;+ ndi afo ndien ke ẹdinyan̄a?+ 12  Nte mme abasi+ mme idụt oro mme ete ete mi ẹkesobode, oro edi, Gozan+ ye Haran+ ye Rezeph ye nditọ Eden+ emi ẹkedude ke Tel-assar, ẹma ẹnyan̄a mmọ?+ 13  Enye edidem Hamath+ ye edidem Arpad+ ye edidem mme obio Sepharvaim,+ Hena ye Ivvah?’”+ 14  Ndien Hezekiah ọbọ mme isụn̄utom esie leta oro ke ubọk okot,+ ekem Hezekiah ọdọk aka ufọk Jehovah akatat enye enịm ke iso Jehovah.+ 15  Ndien Hezekiah ọbọn̄ akam ọnọ Jehovah+ ete: 16  “O Jehovah mme udịm, Abasi Israel,+ emi etiede ke mme cherub, afo ikpọn̄ edi ata Abasi ke kpukpru mme obio ubọn̄ isọn̄.+ Edi afo akanam enyọn̄ ye isọn̄.+ 17  Biọn̄ utọn̄, O Jehovah, nyụn̄ kop.+ Tat enyịn fo,+ O Jehovah, nyụn̄ se, nyụn̄ kop kpukpru ikọ emi Sennacherib+ ọdọn̄de ete ẹdisụn̄i odu-uwem Abasi.+ 18  O Jehovah, edi akpanikọ nte ke ndidem Assyria ẹma ẹsobo kpukpru mme idụt, ye isọn̄ mmọ.+ 19  Ndien mmọ ẹma ẹfọp mme abasi mmọ ke ikan̄,+ koro mmọ mîkedịghe mme abasi,+ edi ẹkedi utom ubọk owo,+ eto ye itiat; ntak edi oro ẹkesobode mmọ.+ 20  Ndien, ke emi, O Jehovah Abasi nnyịn,+ nyan̄a nnyịn sio enye ke ubọk,+ man kpukpru mme obio ubọn̄ isọn̄ ẹkpefiọk ẹte ke afo ikpọn̄, O Jehovah, edi Abasi.”+ 21  Ndien Isaiah eyen Amoz ọdọn̄ utom ọnọ Hezekiah, ete: “Ntem ke Jehovah Abasi Israel ọdọhọ ete, ‘Koro afo ọbọn̄de akam ọnọ mi aban̄a Sennacherib edidem Assyria,+ 22  ntem ke Jehovah etịn̄ aban̄a enye, ete: “Eyenan̄wan Zion* esịn fi ke ndek, enye amasak fi nsahi.+ Eyenan̄wan Jerusalem omonyụn̄ ada fi ke edem ofụn̄ ibuot.+ 23  Anie ke afo osụn̄i+ onyụn̄ ọtọk?+ Emenede uyo ke enyọn̄ etịn̄ ikọ ye anie+ Onyụn̄ emenede enyịn ese anie?+ Edi Edisana Abasi Israel!+ 24  Afo amada mme asan̄autom fo osụn̄i Jehovah onyụn̄ ọdọhọ ete,+ ‘Nyada ediwak chariot ekọn̄ mi+ Ndọk enyọn̄ obot obot ikpehe,+ Kpa ata nsannsan ikpehe Lebanon;+ Nyonyụn̄ n̄kpi nnyan cedar esie, ye nti eto juniper esie.+ Ndien nyodụk n̄kesịm ata akpatre etịn̄e esie, kpa akai in̄wan̄ mfri esie.+ 25  Ami nyetịbi nnyụn̄ n̄n̄wọn̄ mmọn̄, Nyonyụn̄ nda ekaikpat mi nnam kpukpru edịk Nile ẹsat+ ke Egypt.’+ 26  Nte afo ukopke?+ Tutu ko nte ke oro ke ami ndinam.+ N̄kanam enye toto ke eyo oko.+ Ke emi, mmọn̄ nda enye ndi.+ Ndien afo ayanam mme obio ibibene ẹkabade ẹna ndon nte mme ibombom n̄wụre.+ 27  Ndien ubọk eyemem mmọ eke ẹdụn̄de ke esịt;+ Idem eyenyek mmọ, bụt oyonyụn̄ anam mmọ.+ Mmọ ẹyetie nte ikọn̄ ye nsehe awawa mbiet,+ Ẹtie nte mbiet ọkọmufọk+ ye eke in̄wan̄ ke iso ofụm edem usiahautịn.+ 28  Ami mmetịm mfiọk+ ini emi afo etiede sụn̄ ye ini emi afo ọwọrọde ye ini emi afo odụkde,+ Ye ini emi afo ayatde esịt ye ami,+ 29  Koro iyatesịt emi afo ayatde ye ami+ ye uyom fo ẹmedọk ẹdụk mi utọn̄.+ Ami nyesịn fi uwam mi ke ibuo nnyụn̄ nda n̄kpaha mi n̄kọbi fi n̄kpọkinua,+ Ndien nyada fi mfiak ke usụn̄ emi afo okotode edi.”+ 30  “‘Ndien emi edidi idiọn̄ọ ọnọ fi: Isua emi mbufo ẹdidia se itịbede ke n̄kpasịp oro ẹduọn̄ọde ke isọn̄,+ ndien ke ọyọhọ isua iba mbufo ẹdidia wheat oro ẹtịbede ke idemmọ; edi ke ọyọhọ isua ita mbufo ẹyetọ n̄kpasịp, ẹnyụn̄ ẹkpen̄e, ẹtọ in̄wan̄ vine ẹnyụn̄ ẹdia mfri mmọ.+ 31  Ndien mbonufọk Judah oro ẹfehede ẹbọhọ ye mbon oro ẹsụhọde+ ẹyedọn̄ n̄kam ke isọn̄ ẹnyụn̄ ẹsion̄o mbun̄wụm ke enyọn̄.+ 32  Koro nsụhọ ẹyeto Jerusalem ẹwọn̄ọ,+ mme owo ẹyenyụn̄ ẹto Obot Zion ẹfen̄e ẹbọhọ.+ Ifịk Jehovah mme udịm ayanam n̄kpọ emi.+ 33  “‘Mmọdo Jehovah ọdọhọ ntem aban̄a edidem Assyria ete:+ “Enye ididụkke obio emi,+ idinyụn̄ itopke idan̄ isịn, idinyụn̄ idaha otuekọn̄ idụk do, idinyụn̄ ikịbike ibombom ikanade enye.”’+ 34  “‘Usụn̄ emi enye akasan̄ade edi ke enye edisan̄a ọnyọn̄, enye idinyụn̄ idụkke obio emi,’ uyo Jehovah edi emi.+ 35  ‘Ndien ami nyekpeme+ obio emi nnyụn̄ nnyan̄a enye ke ntak mi+ ye ke ntak David asan̄autom mi.’”+ 36  Ndien angel+ Jehovah ọwọrọ okowot owo tọsịn ikie ye anan̄ ye ition ke itienna mbon Assyria.+ Ke ini mme owo ẹdemerede ke usenubọk, sese, kpukpru mmọ ẹdidi okpo.+ 37  Ntem Sennacherib+ edidem Assyria adaha ọnyọn̄,+ onyụn̄ aka okodụn̄ ke Nineveh.+ 38  Edikem nte enye onụhọde ke ufọk Nisroch+ abasi esie,+ Adrammelech ye Sharezer, nditọiren esie, ẹkịm enye ke akan̄kan̄ ẹwot,+ ndien mmọ ẹfen̄e ẹnyọn̄ọ isọn̄ Ararat.+ Ndien Esar-haddon+ eyen esie akara ke itie esie.

Mme Ikọ Idakisọn̄

At. Ed., “eyenan̄wan emi mîfiọkke erenowo.”