Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 35;1-10

35  Wilderness ye edisat ebiet ẹyedara,+ ndien unaisọn̄ desat ayadara onyụn̄ asiaha ikọn̄ nte saffron.+  Enye iditreke ndisehe,+ enye ayadara etieti onyụn̄ adat esịt onyụn̄ osio n̄kpo idara.+ Ẹyenọ enye ubọn̄ Lebanon,+ kpa uyai Carmel+ ye Sharon.+ Mme owo ẹyedu emi ẹdikụtde ubọn̄ Jehovah,+ kpa uyai Abasi nnyịn.+  Mbufo ẹsọn̄ọ mme ubọk eke ẹmemde, ẹnyụn̄ ẹsọn̄ọ mme edọn̄ eke ẹfụmde.+  Ẹdọhọ mbon oro esịt etịmerede ẹte:+ “Ẹkop odudu.+ Ẹkûfehe ndịk.+ Sese! Abasi mbufo ayasan̄a ye usiene edi,+ Abasi ayasan̄a ye utịp edi.+ Enye eyedi edinyan̄a mbufo.”+  Ke ini oro enyịn ẹyen̄wan̄a mme nnan,+ utọn̄ ẹyenyụn̄ ẹsịrede mme inan.+  Ke ini oro mbụn̄ọ ọyọfrọ nte ayara edop,+ edeme imụm oyonyụn̄ ọkwọ ke idatesịt.+ Koro mmọn̄ ayasiaha ke wilderness, idịm oyonyụn̄ asiaha ke unaisọn̄ desat.  Ndien isọn̄ emi ufiop ọfọpde ayakabade edi n̄kpọdiọhọ mmọn̄, edisat isọn̄ oyonyụn̄ akabade edi idịm mmọn̄,+ awawa mbiet ye nnyanyan̄a ye n̄kukịp+ ẹyetịbe ke ebietidụn̄ mme jackal,+ kpa ebiet nduọkodudu mmọ.  Ndien ọkpọusụn̄+ oyodu do; ndien ẹdikot enye Usụn̄ Edisana Ido.+ Owo eke edehede idisan̄ake ke esịt ibe.+ Enye edinyene owo oro asan̄ade ke usụn̄ oro, mme ndisịme owo idiyoho ke esịt.  Ekpe ndomokiet ididụhe do, mme unam ikọt oro ẹdiọkde itọn̄ ididọkke idụk ke esịt.+ Owo idikwe mmọ ndomokiet do;+ ndien mbon oro ẹfakde ẹdisan̄a do.+ 10  Ndien mbon oro Jehovah afakde ẹyenyọn̄ọ ẹdi,+ mmọ ẹyedi Zion ye n̄kpo idara;+ nsinsi idatesịt oyodu mmọ ke ibuot.+ Mmọ ẹyenem esịt ẹnyụn̄ ẹdara, ndien mfụhọ ye eseme ẹyefen̄e.+

Mme Ikọ Idakisọn̄