Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 34;1-17

34  Mbufo mme idụt, ẹsan̄a ẹkpere man ẹkop;+ mbufo mme obio,+ ẹkpan̄ utọn̄. Yak isọn̄ ye se iyọhọde ke esịt ẹkop,+ isọn̄+ ye kpukpru se idude ke esịt+ ẹnyụn̄ ẹkop.  Koro Jehovah ayatde esịt ye kpukpru mme idụt,+ onyụn̄ ofụtde esịt ye ofụri udịmekọn̄ mmọ.+ Enye eyenịm mmọ ọnọ nsobo; enye ayayak ẹwot mmọ.+  Ndien ẹyetop ikọt mmọ emi ẹwotde ẹduọn̄ọ; ndien amaedi okpo mmọ, utebe mmọ ọyọdọk;+ ndien mme obot ẹyetara ke ntak iyịp mmọ.+  Ndien ofụri udịm enyọn̄ ẹyeyemede.+ Ẹyenyụn̄ ẹfụt ikpaenyọn̄, kpa nte ẹfụtde ikpan̄wed;+ ndien udịmekọn̄ esie ẹyefịmi, kpa nte ikọn̄ ẹfịmide ke vine ẹnyụn̄ ẹbehede ẹduọn̄ọ ye nte fig efịmide ke eto fig ẹnyụn̄ ẹbehede ẹduọn̄ọ.+  “Koro akan̄kan̄+ mi ọyọn̄wọn̄ oyụhọ ke heaven. Sese! Enye oyosụhọde odoro Edom ke idem,+ onyụn̄ odoro mbon oro nnịmde nnọ nsobo+ ke unenikpe.  Jehovah emenyene akan̄kan̄; enye ọyọn̄wọn̄ iyịp oyụhọ;+ ẹyeyet enye ikpọn̄, ye iyịp abak okukịm erọn̄, ye iyịp okpo ebot, ye ikpọn̄+ ekpụt okukịm erọn̄, man enye etie aran aran. Koro Jehovah emenyene uwa ndiwa ke Bozrah, onyụn̄ enyene ekese ndiwot ke isọn̄ Edom.+  Ndien mme editịm+ ẹyesan̄a ye mmọ ẹsụhọde, abak nyara enan̄ ẹyenyụn̄ ẹsan̄a ye mmọ eke ẹkopde odudu;+ ndien isọn̄ mmọ ọyọn̄wọn̄ iyịp oyụhọ, ikpọn̄ oyonyụn̄ anam ntan mmọ etie aran aran.”+  Koro Jehovah enyenede usen usiene,+ kpa isua ndisio usiene ikpe oro ẹkpede ẹnọ Zion.+  Ndien idịm esie ayakabade itai, ntan esie oyonyụn̄ akabade sulphur; ndien isọn̄ esie ayakabade etie nte itai eke asakde ikan̄.+ 10  Enye idinịmeke ke okoneyo m̀mê uwemeyo; nsụn̄ikan̄ esie ọyọdọk ke nsinsi.+ Enye ayasat ke ofụri emana;+ baba owo kiet idinyụn̄ isan̄ake ke enye ibe ke nsinsi nsinsi.+ 11  Ikpan̄inyan̄ ye ebiọn̄ ẹyeda enye ẹnyene, mme atiai-utọn̄ ikurikụt ye mme raven ẹyedụn̄ ke esịt;+ ndien enye ayanyan urụk udomon̄kpọ+ ndida ndomo ukpọk ukpọk idaha esie ye itiat n̄wụre esie. 12  Mbọn̄ esie—baba kiet idụhe do eke ẹdikotde edidi edidem, mbọn̄ esie ididịghe n̄kpọ ndomokiet.+ 13  N̄kukịm ẹyetịbe ke tọwa ufọkidụn̄ esie, ntán ye mme mbiet n̄kukịm ẹyetịbe ke mme ebiet ukpeme esie;+ ndien enye ayakabade edi ebietidụn̄ mme jackal,+ ye okụre mme ostrich.+ 14  Mme unam ikọt emi ẹsidụn̄de ke desat ẹyesobo ye unam ntuan̄a, ndien demon emi ebietde ebot+ oyokot nsan̄a esie. Ih, do ke inuen okoneyo edisụhọde ana ke ifụre onyụn̄ okụt ebiet nduọkodudu ọnọ idemesie.+ 15  Do ke urụkikọt emi ọsọpde nte idan̄ ọbọp efọk esie onyụn̄ esịn nsen, enye oyonyụn̄ obòt nditọ onyụn̄ atan̄ mmọ ọdọn̄ ke mfụt esie. Ih, do ke n̄kukwọ inọ+ ẹdisop idem ọtọkiet, mmọ kiet kiet ye nsan̄a mmọ. 16  Mbufo ẹdụn̄ọde n̄wed+ Jehovah ke idem mbufo ẹnyụn̄ ẹkot uyo ọwọrọ: baba kiet ke otu mmọ isopke;+ baba mmọ kiet inanake nsan̄a, koro edi inua Jehovah ọnọ ewụhọ emi,+ onyụn̄ edi spirit esie atan̄ mmọ obon ọtọkiet.+ 17  Edi Enye esịn afia ọnọ mmọ, ubọk esie onyụn̄ ada urụk udomon̄kpọ edeme itie ọnọ mmọ.+ Mmọ ẹyeda enye ẹnyene ke nsinsi; mmọ ẹyenyụn̄ ẹdụn̄ ke esịt ke ofụri emana.

Mme Ikọ Idakisọn̄