Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 32;1-20

32  Sese! Edidem+ kiet ayada ubọn̄ ke edinen ido;+ amaedi mbọn̄,+ mmọ ẹyekara nte mbọn̄ ke unenikpe.  Ndien mmọ kiet kiet ẹyekabade ẹtie nte ebiet eke ẹdịbede ẹbọhọ ofụm ye ọtọ udak edịm,+ ẹtie nte ediwak idịm ke edisat isọn̄,+ ẹtie nte mfụt akwa itiat ke isọn̄ oro akpade mba.+  Enyịn mbon oro ẹkụtde idikịmke, utọn̄ mbon oro ẹkopde ẹyekpan̄ utọn̄.+  Esịt mbon ọkpọsọn̄ ibụmede ẹyekere ifiọk,+ edeme mme ekek ẹyenyụn̄ ẹsọp nditịn̄ ikọ udọn udọn.+  Owo idikotke aba anana-ibuot owo ite owo ntatubọk; ndien amaedi owo eke mîdụhe eti uwem, owo ididọhọke ke enye edi ọbọn̄;+  koro anana-ibuot owo eyetịn̄ ndisịme,+ esịt esie oyonyụn̄ anam ibak,+ man anam mfiakedem+ odu onyụn̄ osu nsu adian Jehovah, onyụn̄ anam idịbi ukpọn̄ oro okopde biọn̄ ana ukpọk,+ enye onyụn̄ anam owo eke itọn̄ asatde anana edin̄wọn̄ n̄kpọ.  Amaedi owo eke mîdụhe eti uwem, mme n̄kpọutom esie ẹdọdiọk;+ enye aduak ete ẹnam obukpo ido,+ man ẹsu nsu ẹbiat owo ukụt,+ idem ke ini ubuene etịn̄de se inende.  Amaedi owo ntatubọk, enye ọnọ item aban̄a n̄kpọ ntatubọk; ndien enye ayadaha ada eyịre anam n̄kpọ ke ntatubọk.+  “Mbufo iban emi ẹdude ke ifụre, ẹdaha ke enyọn̄, ẹkop uyo mi!+ Mbufo nditọiban oro ẹtiede ke ndueidem, ẹkpan̄ utọn̄ ke ikọ mi! 10  Ke ufan̄ isua kiet ye usen ifan̄ mbufo mbon oro ẹtiede ke ndueidem ẹyedu ke ndutịme,+ koro ini utet grape eyesịm utịt edi owo iditan̄ke baba mfri kiet idụk idi.+ 11  Ẹnyek idem, mbufo iban emi ẹdude ke ifụre! Ẹdu ke ndutịme, mbufo mbon oro ẹtiede ke ndueidem! Ẹsion̄o ọfọn̄ ẹsan̄a iferi, ẹnyụn̄ ẹkụne ọfọn̄ ntuan̄a ke isịn.+ 12  Ẹmia eba mbufo ke eseme+ ẹban̄a in̄wan̄ oro ọfọnde n̄kpọ,+ ẹban̄a vine emi on̄wụmde mfri. 13  N̄kukịm ye eto n̄kukịm ẹmetịbe ke isọn̄ ikọt mi,+ koro mmọ ẹmeyọhọ kpukpru ufọk idara, ih, ẹmeyọhọ obio akwa idara.+ 14  Koro ẹmewọrọ ẹkpọn̄ tọwa ufọkidụn̄,+ ẹmekpọn̄ ndutịme ke obio; Ophel+ ye tọwa ukpeme ẹmekabade ẹdi ikọt emi ẹnade ukpọk, ẹdi n̄kpọ idara ẹnọ mme zebra, ẹnyụn̄ ẹdi in̄wan̄ mbiet ẹnọ otu ufene ke nsinsi; 15  tutu ẹtie ke enyọn̄ ẹn̄wan̄a spirit ẹduọk nnyịn,+ ndien wilderness akabade in̄wan̄ mfri, ẹnyụn̄ ẹbat in̄wan̄ mfri nte ata akai.+ 16  “Ndien unenikpe oyodụn̄ ke wilderness, edinen ido oyonyụn̄ odụn̄ ke in̄wan̄ mfri.+ 17  Ndien utom ata edinen ido ayakabade edi emem;+ utịp ata edinen ido oyonyụn̄ edi nduọkodudu ye ifụre ke nsinsi.+ 18  Ndien ikọt mi ẹyedụn̄ ke ebietidụn̄ emem ye ke ebiet ifụre ye ke ebiet nduọkodudu emi anade sụn̄.+ 19  Ndien edịm itiat eyedep ke ini akai osụhọrede+ ye ke ini obio odude ke usụhọde itie.+ 20  “Mbufo emi ẹsuande n̄kpasịp ke mben kpukpru mmọn̄+ ẹnyụn̄ ẹtatde ayara enan̄ ye ass ukot ẹsana ẹyak, ẹmekop inemesịt.”+

Mme Ikọ Idakisọn̄