Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 30;1-33

30  “Mbọm nditọ nsọn̄ibuot,”+ uyo Jehovah edi emi, “mbon oro ẹmade ndinam uduak, edi inamke uduak mi;+ ẹnyụn̄ ẹtọhọde edin̄wọn̄ uwa, edi idaha spirit mi inam, man ẹdian idiọkn̄kpọ ke idiọkn̄kpọ;+  mbon oro ẹben̄ede idem ndisụhọde n̄ka Egypt+ edi emi mîbụpke uyo mi,+ man ẹkedak ibuot ke ọkpọsọn̄ ebiet Pharaoh ẹnyụn̄ ẹkeyom ubọhọ ke mfụt Egypt!+  Ndien ọkpọsọn̄ ebiet Pharaoh ayakabade edi n̄kpọ bụt ọnọ mbufo,+ ubọhọ ke mfụt Egypt oyonyụn̄ edi n̄kpọ esuene.+  Koro mbọn̄ esie ẹmedi Zoan+ ẹdidu, mme isụn̄utom esie ẹmenyụn̄ ẹsịm Hanes.  Bụt ayanam kpukpru owo aban̄a mbon oro mînamke ufọn inọ owo, mîn̄wamke mme owo mînyụn̄ inamke ufọn inọ owo, edi ẹdide n̄kpọ bụt ye n̄kpọ esuene+ n̄ko.”  Etop emi aban̄a mme unam edem usụk:+ Mmọ ẹmen inyene mmọ ke afara mme ass emi ẹkponde ẹwọrọ ẹnyụn̄ ẹmen n̄kpoduoho mmọ ke ekụn̄ mme camel+ ẹbe isọn̄ nnanenyịn+ ye eke nsọn̄ọn̄kpọ, emi ekpe ye anawụri ekpe ẹkụnide, emi ibọm ye ikan̄-ikan̄ urụkikọt+ oro efede ẹdude. Mmọ idinamke mme owo ufọn.  Mme ikpîkpu owo ke nditọ Egypt ẹdi, un̄wam mmọ ediwọrọ ikpîkpu.+ Mmọdo n̄kotde enye emi: “Rahab+—eke mmọ edi ndidop ntie.”  “Di, nyụn̄ wet enye ke itiatn̄wed ke iso mmọ, nyụn̄ wet enye ke n̄wed,+ man ẹkpeda enye ẹnam n̄kpọ ke ini iso, man edi ntiense ke nsinsi.+  Koro mmọ ẹdi mbon nsọn̄ibuot,+ nditọ oro mîtịn̄ke akpanikọ,+ nditọ oro mînyịmeke ndinịm ibet Jehovah;+ 10  emi ẹdọhọde mbon oro ẹkụtde n̄kpọ ẹte, ‘Mbufo ẹkûkụt,’ ẹnyụn̄ ẹdọhọde mbon oro ẹkụtde n̄kukụt ẹte, ‘Mbufo ẹkûkụt n̄kpọ ekededi eke enende ẹnọ nnyịn.+ Tịn̄ ndinem ikọ nọ nnyịn; kụt abian̄a abian̄a n̄kpọ nọ nnyịn.+ 11  Wọn̄ọde kpọn̄ usụn̄; waha kpọn̄ afan̄usụn̄.+ Nam Edisana Abasi Israel okûdu aba ke ntak nnyịn.’”+ 12  Mmọdo ntem ke Edisana Abasi Israel ọdọhọ ete: “Ke ntak emi mbufo ẹsịnde ikọ emi,+ sia mbufo ẹnyụn̄ ẹbuọtde idem ke utụk ye ke abian̄a ẹnyụn̄ ẹberide edem ke enye,+ 13  mmọdo ndudue emi ayakabade etie ye mbufo nte ikpehe ibibene emi owụrede oyom ndiduọ, ye nte ata edikon̄ ibibene emi omụhọrede,+ emi n̄wụre esie edidide wap, ke mbuari.+ 14  Ndien owo oyobom enye nte emi ẹbomde akamba aban̄ mme oboteso,+ anuak enye mbai mbai inyụn̄ ituaha enye mbọm, tutu owo ikwe ubak usiọn̄ ke otu mbai esie oro anuahade, eke ẹkpedade ẹsio ikan̄ ke otụn̄ikan̄ m̀mê eke ẹkpedade ẹkoi mmọn̄ ke edep.”+ 15  Koro ntem ke Jehovah Akakan Ọbọn̄ Andikara, Edisana Abasi Israel,+ ọdọhọ ete: “Ẹma ẹfiak ẹnyọn̄ ẹdi ẹnyụn̄ ẹdiduọk odudu, ẹyenyan̄a mbufo. Mbufo ẹdikop odudu ke nditie sụn̄ nnyụn̄ nnyene mbuọtidem.”+ Edi mbufo ikenyịmeke.+ 16  Edi mbufo ẹdọhọ ẹte: “Baba, edi nnyịn ididoro ke mme enan̄-mbakara ifen̄e!”+ Ntak edi oro mbufo ẹdifen̄ede. “Nnyịn iyonyụn̄ iwat ke mme ọsọp-usọp enan̄-mbakara!”+ Oro edi ntak emi mbon oro ẹbịnede mbufo ẹdisọpde itọk.+ 17  Owo tọsịn kiet ẹyenyek ke ntak nsuannọ owo kiet;+ nsuannọ owo ition ayanam mbufo ẹfen̄e tutu nsụhọ ke otu mbufo ẹditie nte eto afara ke enyọn̄ akamba obot ye nte idiọn̄ọ ke enyọn̄ ekpri obot.+ 18  Mmọdo Jehovah eyetie ebet ndifọn mbufo mfọn,+ enye oyonyụn̄ adaha ada nditua mbufo mbọm.+ Koro Jehovah edi Abasi emi ekpede edinen ikpe.+ Kpukpru mbon oro ẹtiede ẹbet enye+ ẹyekop inemesịt.+ 19  Ke ini mme owo oro ẹdude ke Zion+ ẹdidụn̄de ke Jerusalem,+ afo ududehedei utua.+ Enye iditreke nditua fi mbọm ke ini okopde uyo eseme fo; enye eyeyere fi ke ndondo oro enye okopde.+ 20  Ndien Jehovah ọyọnọ mbufo ukụt nte uyo ye ufịk nte mmọn̄;+ kpa ye oro Akwa Anditeme mbufo ididịbeke aba mbufo ke enyịn, enyịn mbufo ẹyenyụn̄ ẹkabade ẹdi enyịn emi ẹkụtde Akwa Anditeme mbufo.+ 21  Utọn̄ mbufo ẹyenyụn̄ ẹkop ikọ ke edem mbufo ọdọhọde ete: “Ọkpọusụn̄ edi emi.+ Mbufo ẹsan̄a ke esịt,” mbak edieke mbufo ẹdiwọn̄ọrede ẹka nnasia m̀mê ẹwọn̄ọde ẹka ufien.+ 22  Ndien mbufo ẹnyene ndisabade se ẹdade ẹfụk ndisọi mbiet silver+ mbufo ye edisịnen̄kpọ oro ẹdade ẹfụk editara+ mbiet gold+ mbufo. Mbufo ẹyesuan mmọ.+ Nte n̄wan emi odude ke itieisọn̄, mbufo ẹyedọhọ enye ẹte: “Ikpîkpu ndek!”+ 23  Ndien enye ayanam edịm edep ọduọhọ n̄kpasịp mbufo emi ẹtọde ke isọn̄,+ onyụn̄ ọnọ mbufo uyo nte mbun̄wụm isọn̄, emi edinyenede isek ye aran.+ Ufene mbufo ẹyeta mbiet ke usen oro ke in̄wan̄ mbiet ufene oro okponde.+ 24  Ndien enan̄ ye mme ass emi ẹkponide ẹwọrọ oro ẹfụn̄de isọn̄ ẹyedia udia oro ẹsịnde ikọn̄ sorrel, emi ẹkedade udọk+ ye fork ẹsak. 25  Ediwak idịm+ ye mme udiọn̄ mmọn̄ ẹyedu ke kpukpru edikon̄ ikpọ obot ye ke kpukpru n̄kpri obot, ke usen oro ẹwotde ediwak owo ke ini mme tọwa ẹduọn̄ọde.+ 26  Ndien un̄wana ọyọhọ ọfiọn̄ eyetie nte un̄wana utịn oro ayamade; un̄wana utịn oro ayamade ayakabade ayama utịm ikatiaba,+ nte un̄wana usen itiaba, ke usen oro Jehovah ọbọpde unan+ ikọt esie onyụn̄ ọkọkde+ akamba unan oro mmọ ẹkedade ke ini enye akamiade mmọ. 27  Sese! Enyịn̄ Jehovah ke oto anyan ebiet edi, asak ye iyatesịt+ esie ye obubịt enyọn̄. Amaedi n̄kpọkinua esie, ifụtesịt ọyọyọhọ mmọ, edeme esie onyụn̄ ebiet ikan̄ oro atade.+ 28  Ndien spirit esie ebiet idịm eke ọtọde ọdọk esịm itọn̄,+ man ada usakn̄kpọ emi ẹdade ẹsak ikpîkpu n̄kpọ ofụn̄ mme idụt aka iso afiak edem;+ n̄kpahainua+ oro anamde owo oyo oyodu mme owo ke mban̄.+ 29  Mbufo ẹyenyene ikwọ ndikwọ+ nte ikwọ oro ẹkwọde ke okoneyo oro owo anamde idemesie asana eben̄e usọrọ,+ ẹyenyụn̄ ẹdat esịt nte owo oro asan̄ade ye ifiom+ oyom ndidọk obot Jehovah,+ mbịne Akwa Itiat Israel.+ 30  Ndien Jehovah ayanam ẹkop uku uyo esie+ onyụn̄ anam ẹkụt ubọk esie oro osụhọrede,+ ke ikan̄-ikan̄ iyatesịt+ ye edemeikan̄ oro atade+ ye edịm ukwọ ye ọkpọsọn̄ edịm+ ye edịm itiat.+ 31  Koro uyo Jehovah ayanam Assyria edịghe;+ enye ayada esan̄ amia enye.+ 32  Ndien kpukpru ini emi Jehovah ofụn̄de eto ufen esie odori Assyria ke idem, emi edisan̄a ye ekọmọ ye harp;+ enye oyonyụn̄ ada n̄kpọekọn̄ oro enye ofụn̄de an̄wana ye mmọ.+ 33  Koro ẹma ẹtetịm Topheth*+ esie ẹnịm toto ke ini emi ekebede; ẹtịm enye n̄ko ẹnọ edidem.+ Enye amanam ebok esie otụn̄ọ. Ikan̄ ye ifia ẹdu barasuene. Ibifịk Jehovah, emi ebietde idịm sulphur, ke ata enye.+

Mme Ikọ Idakisọn̄

Ẹda Topheth ẹtịn̄ ikọ mi ke ndamban̄a usụn̄ nte ebiet emi ẹfọpde n̄kpọ ke ikan̄, ndien emi ada aban̄a nsobo. Se n̄ko 2Nd 23:10.