Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 29;1-24

29  “Mbọm Ariel,+ mbọm Ariel, obio emi David akanamde nna!+ Mbufo ẹdian isua ke isua; ẹyak ẹnịm mme usọrọ+ ke edikem ini mmọ.  Ndien nyanam n̄kpọ ọsọn̄+ ye Ariel, mfụhọ ye eseme+ ẹyenyụn̄ ẹdu, ndien enye ayakabade etie nte otụn̄ikan̄ itieuwa Abasi ọnọ mi.+  Ndien nyanam nnaekọn̄ n̄kan fi n̄kụk, mbọp ọkọekọn̄ n̄kan fi n̄kụk, nnyụn̄ mbọp ibibene ukpeme n̄kanade fi.+  Ndien afo oyosụhọde tutu etie ke isọn̄ etịn̄ ikọ, ndien ikọ fo oyosụhọde nte n̄kpọ eke otode ntọn̄.+ Ndien uyo fo oyoto isọn̄ ọwọrọ kpa nte eke obụp ekpo, ikọ fo oyonyụn̄ adiari ọwọrọ ke ntọn̄.+  Ndien otu mbon oro afo mûfiọkke ẹyekabade ẹtie nte ntọn̄,+ otu mbon ufịk+ ẹyenyụn̄ ẹtie nte mbio oro ebede efep.+ Ndien emi editịbe inikiet, ke mbuari.+  Jehovah mme udịm ọyọwọn̄ọde ntịn̄enyịn ọnọ fi onyụn̄ ada obuma ye unyekisọn̄ ye akwa uyom, ọkpọsọn̄ ofụm ye oyobio, ye edemeikan̄ eke atade, ekpeme fi.”+  Ndien ama ekem kpa nte edide ke ndap, ke n̄kukụt okoneyo, aban̄a otuowo kpukpru mme idụt oro ẹn̄wanade ekọn̄ ye Ariel,+ ih kpukpru mbon oro ẹn̄wanade ekọn̄ ye enye, ye tọwa ekọn̄ oro an̄wanade ekọn̄ ye enye ye mbon oro ẹnamde n̄kpọ ọsọn̄ ye enye.+  Ih, ama ekem kpa nte edide ke ini owo ọbiọn̄ adabade ndap ndien sese enye ke adia udia, ndien enye edemede, edi ukpọn̄ esie ana ukpọk;+ kpa nte onyụn̄ edide ke ini owo emi itọn̄ asatde adabade ndap ndien sese enye ke ọn̄wọn̄ mmọn̄, ndien enye edemede ndien sese enye akpa mba, ukpọn̄ esie onyụn̄ okop mmemidem; kpa ntre ke editịbe ọnọ kpukpru udịm mme idụt oro ẹn̄wanade ekọn̄ ye Obot Zion.+  Mbufo ẹnam ubịghi ẹnyụn̄ ẹyak idem akpa mbufo;+ ẹsịri enyịn mbufo ẹnyụn̄ ẹkabade nnan.+ Mmọ ẹmen̄wọn̄ ẹyụhọ,+ edi idịghe wine oyụhọ mmọ; mmọ ẹmeten̄ ẹsan̄a, edi idịghe ke ntak ọkpọsọn̄ mmịn.+ 10  Koro Jehovah aman̄wan̄a spirit ọkpọsọn̄ idap+ ọduọk mbufo ke idem; enye omonyụn̄ ọbọp mbufo mme prọfet enyịn,+ onyụn̄ ofụk mbufo mme okụt-n̄kukụt+ ibuot.+ 11  Ndien n̄kukụt kpukpru n̄kpọ amakabade etie mbufo nte ikọ n̄wed oro ẹdiande ufịkn̄kpọ,+ emi mmọ ẹnọde owo oro ọfiọkde se ẹwetde, ẹte: “Mbọk kot emi uyo ọwọrọ,” ndien enye ọdọhọ ete: “Ami n̄kemeke ndikot, koro ẹdiande ufịkn̄kpọ”;+ 12  ẹyenyụn̄ ẹyak n̄wed oro ẹnọ owo oro mîfiọkke ndikot n̄wed, ẹte: “Mbọk kot n̄wed emi uyo ọwọrọ,” ndien enye ọdọhọ ete: “Mfiọkke ndikot n̄wed.” 13  Ndien Jehovah ọdọhọ ete: “Koro mbon emi ẹsan̄ade ẹkpere ke inua mmọ, ẹnyụn̄ ẹkponode mi ke n̄kpọkinua mmọ,+ ẹnyụn̄ ẹnamde esịt mmọ ada ata nsannsan ye ami,+ uten̄e oro mmọ ẹten̄ede mi onyụn̄ akabade edi ewụhọ owo oro ẹkpepde mmọ,+ 14  mmọdo sese, ami ndi Enye emi editọn̄ọde ntak anam n̄kpọ ye mbon emi ke utịbe utịbe usụn̄,+ ke usụn̄ oro edide utịbe, ọkọrọ ye n̄kpọ oro edide utịbe; ndien ọniọn̄ mbon ọniọn̄ mmọ ayatak, ifiọk mbon ọniọn̄ mmọ eyedịbe.”+ 15  Mbọm mbon oro ẹsịnde idem ẹdịp item emi otode Jehovah,+ emi ẹnamde edinam mmọ ke n̄kịmn̄kịm ebiet,+ ke adan̄aemi mmọ ẹdọhọde ẹte: “Anie owo okụt nnyịn, anie owo onyụn̄ ọfiọk se nnyịn inamde?”+ 16  Ukwan̄n̄kpọ mbufo okpon adan̄a didie ntem! Nte ẹkpebat oboteso nte mbateso?+ Nte n̄kpọ oro ẹnamde ọkpọdọhọ andinam enye ete: “Idịghe enye akanam mi”?+ Nte n̄kpọ oro ẹbotde okponyụn̄ ọdọhọ andibot enye ete: “Enye inyeneke ifiọk”?+ 17  Nte isụhọke kan̄a ata esisịt ini ndinam Lebanon akabade edi in̄wan̄ mfri,+ nnyụn̄ mbat in̄wan̄ mfri nte akai?+ 18  Ndien ke usen oro mme inan ẹyekop ikọ n̄wed oro,+ enyịn mme nnan oro ẹwọrọde ke n̄kụteyo ye ekịm ẹyekụt usụn̄.+ 19  Ndien mbon nsụkidem+ ẹyedọdiọn̄ ẹdara ke Jehovah, mme ubuene ke otu ubonowo ẹyenyụn̄ ẹdat esịt ke Edisana Abasi Israel,+ 20  koro owo ufịk eyesịm utịt esie,+ owo n̄kponinua oyonyụn̄ esịm utịt,+ ndien ẹyesịbe kpukpru mbon oro ẹben̄ede idem ndinam idiọk+ ẹfep, 21  mbon oro ẹdade ikọ inua owo ẹdọhọ ke enye anam idiọk,+ ye mbon oro ẹkọkde afia ẹnọ owo oro ọnọde nsuannọ ke inuaotop,+ ye mbon oro ẹdade ikpîkpu mfan̄a ẹnụk edinen owo ẹfep.+ 22  Mmọdo ntem ke Jehovah, emi akafakde Abraham,+ ọdọhọ ufọk Jacob ete: “Bụt idinamke Jacob ke emi, iso idinyụn̄ ikpaike+ enye ke emi; 23  koro ke ini enye okụtde nditọ esie, kpa utom ubọk mi, ke otu esie,+ mmọ ẹyenam enyịn̄ mi asana,+ mmọ idinyụn̄ itreke ndinam Edisana Abasi Jacob asana,+ mmọ ẹyenyụn̄ ẹten̄e Abasi Israel.+ 24  Ndien mbon oro ẹduede ke spirit mmọ ẹyenyene ifiọk, mbon oro ẹkụnide ẹyenyụn̄ ẹbọ item.”+

Mme Ikọ Idakisọn̄