Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 28;1-29

28  Mbọm ọwọrọetop anyanya mme akpammịn Ephraim,+ ye ikọn̄ mbana uyai esie oro eyemerede, emi odorode ke ibuot itịghede oro ọfọnde n̄kpọ onyụn̄ enyenede mbon oro wine akande ubọk!  Sese! Jehovah enyene ọkpọsọn̄ owo oro okopde odudu.+ Ebiet ọkpọsọn̄ oyobio edịm itiat,+ oyobio nsobo, ebiet ọkpọsọn̄ oyobio mmọn̄ ukwọ+ oro okopde odudu, enye oyosio enye ke odudu ọduọk ke isọn̄.  Ẹyedịghi+ ọwọrọetop anyanya mme akpammịn Ephraim ke ikpat.  Ndien flawa+ mbana uyai esie emi eyemerede, oro odorode ke ibuot itịghede oro ọfọnde n̄kpọ, ayakabade etie nte fig+ eke abakde adat mbemiso ndaeyo, oro edide ke ini okụt-n̄kukụt okụtde, ke adan̄aemi osụk odude enye ke ekaubọk, enye emen enye emen.  Ke usen oro Jehovah mme udịm ayakabade edi anyanya mbana+ ye anyanya ikọn̄ uyai+ ọnọ mbon oro ẹsụhọde+ ke otu ikọt esie,  edi spirit unenikpe ọnọ owo oro etiede ekpe ikpe,+ onyụn̄ edi odudu ọnọ mbon oro ẹwọn̄ọrede ekọn̄ ẹkpọn̄ inuaotop.+  Ndien wine esịn mmọ emi n̄ko ẹtụn usụn̄, ọkpọsọn̄ mmịn onyụn̄ esịn mmọ ẹyo. Ọkpọsọn̄ mmịn esịn oku ye prọfet+ ẹtụn usụn̄, wine etịmede mmọ, ọkpọsọn̄ mmịn esịn mmọ ẹyo ẹsan̄a;+ mmọ ẹtụn usụn̄ ke n̄kukụt mmọ, ẹnyụn̄ ẹten̄ ke ubiere mmọ.  Koro ndek ikpọhi+ ọmọyọhọ kpukpru okpokoro inyụn̄ inyeneke itie oro enye mîdụhe.  Anie ke owo editeme ifiọk,+ anie ke owo edinyụn̄ anam ọfiọk se ẹkopde?+ Nte edi mmọ eke ẹsiode ke eba, mmọ eke ẹdahade ke eba?+ 10  Koro edi “ewụhọ ke ewụhọ, ewụhọ ke ewụhọ, urụk udomon̄kpọ ke urụk udomon̄kpọ, urụk udomon̄kpọ ke urụk udomon̄kpọ, esisịt mi, esisịt ko.”+ 11  Koro enye ayada mbon oro ẹkekde ekek ke n̄kpọkinua+ mmọ ye mbon oro ẹsemde isio isio usem+ etịn̄ ikọ ọnọ mbon emi,+ 12  mmọ oro enye etịn̄de aban̄a ete: “Ebiet nduọkodudu edi emi. Ẹnọ owo oro akpade mba nduọkodudu. Ebiet ifụre onyụn̄ edi emi,” edi mmọ ikenyịmeke ndikop.+ 13  Ndien ye mmọ ikọ Jehovah ayakabade “ewụhọ ke ewụhọ, ewụhọ ke ewụhọ, urụk udomon̄kpọ ke urụk udomon̄kpọ, urụk udomon̄kpọ ke urụk udomon̄kpọ,+ esisịt mi, esisịt ko,” man mmọ ẹkpeka ẹkpenyụn̄ ẹtuak ukot ẹduọn̄ọ edem edem ẹnyụn̄ ẹnuaha ẹnyụn̄ ẹtap mmọ ẹnyụn̄ ẹmụm mmọ.+ 14  Mmọdo mbufo mbon n̄kponinua, ẹkop ikọ Jehovah, mbufo mme andikara+ emi ẹdude ke Jerusalem ẹkara mme owo emi: 15  Koro mbufo ẹdọhọde ẹte: “Nnyịn imodiomi ediomi ye N̄kpa;+ nnyịn ye Udi* imonyụn̄ ikụt n̄kukụt;+ ukwọ oro ọtọde ofụk idisịmke nnyịn edieke enye ọfiọrọde ebe, koro nnyịn imanam nsu edi ebiet ubọhọ nnyịn+ inyụn̄ idịbe ke abian̄a”;+ 16  mmọdo Jehovah Akakan Ọbọn̄ Andikara ọdọhọ ntem ete: “Sese ami mmọn̄ nda itiat+ nsịn itiat idakisọn̄ ke Zion,+ itiat oro ẹma ẹkedomo ẹse,+ ọsọn̄urua itiat inụk+ oro ẹsịnde nte itiat idakisọn̄ oro ọsọn̄ọde ada.+ Idem idinyekke baba owo kiet oro ọbuọtde idem ye enye.+ 17  Ndien nyanam unenikpe edi urụk udomon̄kpọ+ nnyụn̄ nnam edinen ido+ edi udomon̄kpọ; edịm itiat+ oyonyụn̄ ọkpọri ebiet ubọhọ nsu efep,+ ndien mmọn̄ ọyọtọ ofụk ebiet udịbe.+ 18  Ndien ẹyebiat ediomi oro mbufo ẹkediomide ye N̄kpa,+ n̄kukụt oro mbufo ye Udi* ẹkekụtde idisụhu.+ Ke ini ukwọ oro ọtọde ofụk ọfiọrọde ebe+—mbufo n̄ko ẹyekabade ẹdi ebiet emi enye edịghide.+ 19  Adan̄a ediwak ini nte enye ọfiọrọde ebe, enye eyemen mbufo efep,+ koro enye ọyọfiọrọ ebe kpukpru usenubọk, ke uwemeyo ye ke okoneyo; enye oyonyụn̄ akabade edi ntak nnyekidem+ man mbon en̄wen ẹfiọk se ẹkopde.” 20  Koro n̄kpana omụhọde akaha owo ndinyanade idem, ufụhọn̄kpọ omonyụn̄ ekpri akaha owo ndida mfụk idem. 21  Koro Jehovah ayadaha ke enyọn̄ nte akadahade ke Obot Perazim,+ enye oyofụt esịt kpa nte okofụtde ke unaisọn̄ itịghede emi ekperede Gibeon,+ man anam edinam esie—edinam esie edi esen esen—man onyụn̄ anam utom esie—utom esie edi utịbe.+ 22  Ndien ke emi, ẹkûnịm idem ke mbon nsahi,+ mbak ubọpn̄kpọ mbufo edisọn̄ọ, koro n̄kopde ke Akakan Ọbọn̄ Andikara,+ kpa Jehovah mme udịm, emebiere ndisobo ofụri isọn̄.+ 23  Mbufo ẹkpan̄ utọn̄ ẹnyụn̄ ẹkop uyo mi; ẹkpan̄ utọn̄ ẹnyụn̄ ẹkop se ntịn̄de. 24  Nte ofụn̄ isọn̄ edifụn̄ isọn̄ ofụri usen+ man asuan n̄kpasịp, nte enye edikịm onyụn̄ asuan isọn̄+ esie ofụri usen? 25  Nte idịghe ke enye ama ọkọdiọn̄ isọn̄ ama ke enye asuan obubịt cumin onyụn̄ awari n̄kpasịp cumin,+ nte enye iditọhọ wheat, millet,+ ye barley ke itie mmọ,+ inyụn̄ itọ spelt+ ke adan̄a esie?+ 26  Ndien owo enen̄ede+ enye nte enende. Abasi esie eteme enye.+ 27  Owo isidaha ukwak udịghi wheat+ idịghi obubịt cumin; owo isinyụn̄ idaha wheel ukpatn̄kpọ idịghi n̄kpasịp cumin. Koro ẹsida eto+ ẹyịbi obubịt cumin, ẹnyụn̄ ẹda esan̄ ẹyịbi n̄kpasịp cumin. 28  Nte ẹsinanuak wheat oro ẹdade ẹnam uyo? Akananam owo idịghike+ enye ke anyan ini.+ Enye anam wheel ukpatn̄kpọ esie oyụt, ye mme enan̄-mbakara esie, edi enye inuakke enye.+ 29  Emi n̄ko oto Jehovah mme udịm,+ emi edide utịbe ke ndinam uduak esie, emi anamde eti utom emi okụtde unen.+

Mme Ikọ Idakisọn̄

Heb., “Sheol.”
Heb., “Sheol.”