Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 27;1-13

27  Ke usen oro, Jehovah+ ayada akamba akan̄kan̄+ oro ọsọn̄de idem onyụn̄ okopde odudu, ọwọn̄ọde enyịn esie ese Leviathan,+ ọsọp-usọp urụkikọt,+ kpa Leviathan, urụkikọt oro en̄wịnede, oyonyụn̄ owot akamba unam mmọn̄+ oro odude ke inyan̄.  Mbufo ẹkwọ ke usen oro ẹnọ enye+ ẹte: “In̄wan̄ vine+ emi wine ofụtde efot!  Ami Jehovah n̄kpeme enye.+ Nyọduọk mmọn̄ ke enye kpukpru ini.+ Nyekpeme enye okoneyo ye uwemeyo mbak owo baba kiet edibiat enye.+  Esịt iyatke mi.+ Anie edinọ mi eto n̄kukịm+ ye mbiet ke ekọn̄? Nyedịghi mmọ. Nyekịm mmọ ikan̄ ini kiet.+  Mîdịghe ntre yak enye omụm ọkpọsọn̄ ebiet mi akama onyụn̄ anam emem ye ami; yak enye anam emem ye ami.”+  Ke mme usen oro ẹdide Jacob ọyọdọn̄ n̄kam, Israel+ oyosion̄o ikọn̄ onyụn̄ esehe; ndien mmọ ẹyesion̄o mbun̄wụm ẹyọhọ iso isọn̄.+  Nte ẹnyene ndida ikpa owo oro amiade enye mmia enye? Mîdịghe nte ẹnyene ndiwot enye nte ikọt esie emi ẹkewotde?+  Afo ayada n̄kpo esịn enye ndịk ke idem onyụn̄ ọtọhọ ye enye ke ini ebịnde enye efep. Enye ayada ofụm esie emen enye efep, ọkpọsọn̄ ofụm ke usen ofụm edem usiahautịn.+  Mmọdo ntem ke ẹdisio isop ndudue Jacob,+ emi onyụn̄ edi ofụri mfri ke ini enye emende idiọkn̄kpọ esie efep,+ ke ini enye anamde kpukpru itiat itieuwa etie nte itiat ndom oro ẹnuakde, mbak eto utuakibuot+ ye mme n̄kpọ udori incense ẹdidaha ẹda.+ 10  Koro obio ibibene oyodobo, in̄wan̄ mbiet ufene ayana ntre ẹyenyụn̄ ẹwọrọ ẹkpọn̄ enye nte wilderness.+ Do ke eyen enan̄ edita mbiet, do ke enye edinyụn̄ osụhọde ana; enye oyonyụn̄ ata n̄kọk esie.+ 11  Ke ini n̄kpri n̄kọk esie ẹsatde, iban oro ẹdụkde ẹdi ẹyebụn̄ mmọ, ẹda ẹbara ikan̄.+ Koro mmọ idịghe mbon oro ẹnen̄erede ẹnyene asian.+ Oro edi ntak emi Andinam enye mîdituaha enye mbọm, Andibot enye mîdinyụn̄ ifọnke enye mfọn.+ 12  Ndien ama ekem ke usen oro, Jehovah eyeyịbi mfri ekịbi,+ ọtọn̄ọde ke mmọn̄ Akpa+ oro ọfiọrọde tutu esịm itịghede mmọn̄ Egypt,+ ndien ẹyetan̄ mbufo ke adiana ke adiana ẹbon,+ O nditọ Israel. 13  Ndien ama ekem ke usen oro, ẹyefri akamba nnụk,+ ndien mbon oro ẹtakde ke isọn̄ Assyria+ ye mbon oro ẹsuanade ke isọn̄ Egypt+ ẹyedi ẹdinụhọ+ ẹnọ Jehovah ke edisana obot ke Jerusalem.+

Mme Ikọ Idakisọn̄