Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 26;1-21

26  Ke usen oro+ ẹyekwọ ikwọ+ emi ke isọn̄ Judah:+ “Nnyịn imenyene ọkpọsọn̄ obio.+ Enye enịm edinyan̄a nte mme ibibene ye nte ibibene ukpeme.+  Mbufo ẹberede mme inuaotop,+ man edinen idụt oro anamde akpanikọ okpodụk.+  Afo ayada emem eke mîdikụreke+ ekpeme ekikere eke mîyokke, koro owo ọbuọtde idem ye afo.+  Mbufo ẹbuọt idem ke Jehovah+ kpukpru ini, koro Jah Jehovah edi nsinsi Akwa Itiat.+  “Koro enye omosụhọde mme andidụn̄ edikon̄ ebiet enịm,+ kpa edikon̄ obio.+ Enye omosụhọde enye enịm, omosụhọde enye enịm ke isọn̄; enye omosụhọde enye enịm ke ntọn̄.+  Ukot ẹyedịghi enye, ikpat owo ukụt, ikpatisan̄ mme usụhọde owo.”+  Usụn̄ edinen owo edi edinen.+ Sia afo edide edinen, afo ayanam usụn̄ edinen owo ọdọnọ.+  O Jehovah, nnyịn imodori enyịn ke afo ke ntak usụn̄ ubiereikpe fo.+ Koro enyịn̄ fo ye se ẹdade ẹti fi+ ẹdọn̄ ukpọn̄ nnyịn.+  Afo ọmọdọn̄ ukpọn̄ mi itọn̄ ke okoneyo;+ ih, nda spirit oro odude mi ke idem nyom fi;+ koro, ke ini afo ebierede ikpe ọnọ isọn̄,+ mme andidụn̄ isọn̄ ẹyekpep+ edinen ido.+ 10  Okposụkedi ẹfọnde ido ye idiọkowo, enye idikpepke edinen ido.+ Enye ayanam se mînenke+ ke isọn̄ eke enende, idinyụn̄ ikwe ubọn̄ Jehovah.+ 11  O Jehovah, ubọk fo omokon̄,+ edi mmọ ikwe enye.+ Mmọ ẹyekụt, bụt+ oyonyụn̄ anam mmọ aban̄a ifịk ikọt fo. Ih, ikan̄+ oro afo abarade ọnọ mme asua fo ayata mmọ. 12  O Jehovah, afo eyebiere emem ọnọ nnyịn,+ koro afo amanam kpukpru utom nnyịn ọnọ nnyịn.+ 13  O Jehovah Abasi nnyịn, mme eteufọk eken ke ẹsiode fi ẹfep ẹnam nte mmimọ idi mme andinyene nnyịn.+ Oto ke un̄wam fo ikpọn̄ ke nnyịn ikot enyịn̄ fo.+ 14  Mmọ ẹmekpan̄a; mmọ ididụhe uwem.+ Mmọ inyeneke odudu ke n̄kpa,+ mmọ idinyụn̄ idahake ke enyọn̄.+ Mmọdo afo ọmọwọn̄ọde enyịn fo ese mmọ man osobo mmọ onyụn̄ ọsọhi kpukpru se ẹdade ẹti mmọ.+ 15  Afo amanam idụt awak owo; O Jehovah, afo amanam idụt awak owo;+ afo ọmọnọ idemfo ubọn̄.+ Afo amatat kpukpru adan̄a isọn̄ aka ata anyan.+ 16  O Jehovah, mmọ ẹmewọn̄ọde ẹtiene fi ke ini nnanenyịn;+ mmọ ẹbọn̄ akam ke odu ẹnọ fi ke ini mmọ ẹkebọde ntụnọ fo.+ 17  Kpa nte n̄wan idịbi emi ekperede ndiman eyen, okopde ubiak uman, onyụn̄ atuade ke ntak ubiak uman, nnyịn imakabade itie kpasụk ntre ke ntak fo, O Jehovah.+ 18  Nnyịn imoyomo, nnyịn imokop ubiak uman;+ nnyịn imaman ofụm. Nnyịn inamke isọn̄ enyene ata edinyan̄a,+ baba mme andidụn̄ isọn̄ kiet imanake.+ 19  “Mme akpan̄kpa fo ẹyedu uwem.+ Okpo mi—mmọ ẹyedaha ke enyọn̄.+ Mbufo emi ẹdụn̄de ke ntan,+ ẹdemede ẹnyụn̄ ẹsio n̄kpo idara!+ Koro mbara mbufo etie nte mbara eto mallow,+ isọn̄ ayaman mme akpan̄kpa emi ẹdude enye ke esịt.+ 20  “Ikọt mi, ẹka ẹkedụk esịt ubet mbufo, ẹnyụn̄ ẹberi usụn̄ ẹbaha idem mbufo.+ Ẹdịbe ke esisịt ini tutu ifụtesịt ebe.+ 21  Koro, sese! Jehovah ke oto ebietidụn̄ esie ọwọrọ edi man edikot andidụn̄ isọn̄ edinam ibat aban̄a ndudue oro enye eduede enye,+ ndien isọn̄ ayayarade uduọkiyịp+ esie idinyụn̄ ifụkke aba ikọt esie oro ẹwotde.”+

Mme Ikọ Idakisọn̄