Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 25;1-12

25  O Jehovah, afo edi Abasi mi.+ Mmokpono fi,+ nnyụn̄ ntoro enyịn̄ fo,+ koro afo amanam mme utịben̄kpọ,+ omonyụn̄ anam uduak fo+ toto ke eset, amanam mmọ ke edinam akpanikọ+ ye nte ẹkemede ndiberi edem.+  Koro afo amanam obio akabade edi ebok itiat, anam obio ibibene edi n̄wụre, anam tọwa ufọkidụn̄ isenowo okûdi aba obio, ndien owo idifiakke ibọp enye ke nsinsi.+  Oro edi ntak emi mbon oro ẹdide n̄kpọsọn̄ owo ẹdinọde fi ubọn̄; obio mme idụt ufịk ẹyebak fi.+  Koro afo amakabade edi ọkpọsọn̄ ebiet ọnọ usụhọde owo, edi ọkpọsọn̄ ebiet ọnọ eyen ubuene ke nnanenyịn esie,+ edi ebiet ubọhọ ọkpọsọn̄ edịm, edi mfụt+ ke ini ufiop, ke ini oyobio mbon ufịk etiede nte ọkpọsọn̄ edịm emi ọbọn̄de ibibene.  Nte ufiop ke edisat isọn̄, afo amanam uyom isenowo odop, ada mfụt obubịt enyọn̄ osụk ufiop.+ Uyo ikwọ mbon ufịk omosụhọde.+  Ndien ke obot+ emi ke Jehovah mme udịm edinam usọrọ udia emi enyenede isek ọnọ kpukpru owo,+ usọrọ wine emi ntak eden̄ide ọdiọhọ,+ usọrọ udia emi enyenede isek onyụn̄ ọyọhọde ye ndiaọkpọ,+ ye eke wine+ emi ntak eden̄ide ọdiọhọ, ẹnyụn̄ ẹdụhọrede.+  Ndien ke obot emi ke enye edimen iso ufụhọ n̄kpọ emi ofụkde kpukpru owo emen,+ ye udọdọk ọfọn̄ oro ẹdọkde ẹfụk kpukpru mme idụt.  Enye eyemen n̄kpa emen ke nsinsi,+ Jehovah Akakan Ọbọn̄ Andikara oyonyụn̄ ọkwọhọde mmọn̄eyet efep ke iso kpukpru owo.+ Ndien enye eyemen esuene ikọt esie efep ke ofụri isọn̄,+ koro Jehovah ọdọhọ.  Ndien owo ọyọdọhọ ke usen oro ete: “Sese! Abasi nnyịn edi emi.+ Nnyịn idori enyịn ke enye,+ ndien enye ayanyan̄a nnyịn.+ Jehovah edi emi.+ Nnyịn idori enyịn ke enye. Ẹyak nnyịn idara inyụn̄ idat esịt ke edinyan̄a esie.”+ 10  Koro ubọk Jehovah oyodu ke obot emi,+ ndien ẹyedịghi Moab+ ke itie esie nte emi ẹdịghide ebok nnyanyan̄a ke ifụm.+ 11  Ndien enye oyosio ubọk esie otop ke ufọt esie nte emi ọwọk ewọk osiode ubọk otop man ọwọk ewọk, ndien enye ayada ubọk emi enye osiode ke n̄kari otop osụhọde iseri+ esie enịm. 12  Enye oyonyụn̄ owụri obio ibibene, ọkọrọ ye n̄kokon̄ ibibene fo; enye oyosụhọde enye enịm, anam enye osụhọde esịm isọn̄ ye ntọn̄.+

Mme Ikọ Idakisọn̄