Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 22;1-25

22  Etop emi aban̄a itịghede n̄kukụt:+ Nso ndien idi mfịna fo, emi anamde kpukpru mbufo ẹdọk ọkọmufọk?+  Ndutịme ama ọyọhọ fi ke esịt, afo obio uyom, ye obio idara.+ Ikọt fo oro ẹwotde idịghe mmọ emi ẹwotde ke akan̄kan̄, inyụn̄ idịghe mmọ eke ẹkpan̄ade ke ekọn̄.+  Kpukpru mme akara ukara ufịk+ fo ẹmefen̄e ini kiet.+ Ẹmemụm mmọ nte mbon n̄kpọkọbi ke ini owo mîkamake utịgha. Ẹmemụm kpukpru ikọt fo oro ẹkụtde nte mbon n̄kpọkọbi.+ Mmọ ẹkefen̄e ẹka ebiet oro oyomde usụn̄.  Ntak edi oro ndọhọde nte: “Mbufo ẹkûwụk enyịn ẹse mi. Ami nyatua ndotndot eyet.+ Mbufo ẹkûyịre ndidọn̄ mi esịt mban̄a nsobo eyenan̄wan ikọt mi.+  Koro emi edi usen ndutịme+ ye usen emi ẹdịghide+ ye usen editịm+ oro Akakan Ọbọn̄ Andikara, kpa Jehovah mme udịm, enyenede ke itịghede n̄kukụt. Andiwụri ibibene+ odu, ye eseme oro ẹsemede ẹnọ obot.+  Ndien Elam+ emen odịp-idan̄ ke chariot ekọn̄ owo, emi mme enan̄-mbakara ẹdụride; Kir+ omofụhọde otuekọn̄.  Ndien ama ekem mme chariot ekọn̄ ẹyeyọhọ ata nti unaisọn̄ itịghede fo, mme enan̄-mbakara idinyụn̄ itreke ndida ke inuaotop,  ndien owo eyemen n̄kpọ oro ofụkde Judah efep. Ndien ke usen oro afo eyese n̄kpọekọn̄+ oro odude ke ufọk akai,+  mbufo ẹyenyụn̄ ẹkụt mme nsiaha Obio David, koro mmọ ẹyewak.+ Ndien mbufo ẹyekoi mmọn̄ ke usụk usụk n̄kpọdiọhọ mmọn̄.+ 10  Mbufo ẹyenyụn̄ ẹbat mme ufọk Jerusalem. Mbufo ẹyewụri mme ufọk n̄ko man ẹnam ibibene+ edi se owo mîkemeke ndibe ndụk. 11  Ndien mbufo ẹnyene ndinam besịn udọn̄ mmọn̄ ke ufọt ibibene iba nnọ mmọn̄ akani n̄kpọdiọhọ mmọn̄.+ Mbufo idisehe Akwa Andinam enye, mbufo idinyụn̄ ikwe enye emi okobotde enye toto ke eset. 12  “Ndien ke usen oro Akakan Ọbọn̄ Andikara,+ kpa Jehovah mme udịm, ọyọdọhọ ẹtua eyet,+ ẹfụhọ, ẹkwọhọ ibọ, ẹnyụn̄ ẹsịne ọfọn̄ ntuan̄a.+ 13  Edi, sese! idara ye idatesịt, ke ẹwot enan̄, ke ẹnyụn̄ ẹbak erọn̄, ke ẹta unam, ke ẹn̄wọn̄ wine,+ ‘Yak idia inyụn̄ in̄wọn̄ koro nnyịn iyakpa n̄kpọn̄.’”+ 14  Ndien Jehovah mme udịm amayarade idemesie ke utọn̄ mi ete:+ “‘Owo idisioho isop ndudue+ emi inọ mbufo tutu mbufo ẹkpan̄a,’+ Akakan Ọbọn̄ Andikara, kpa Jehovah mme udịm, ọdọhọ.” 15  Ntem ke Akakan Ọbọn̄ Andikara, kpa Jehovah mme udịm, ọdọhọ ete: “Ka bịne Shebna,+ akama-ukpọhọde emi esede aban̄a ufọk edidem,+ 16  ‘Nso n̄kpọ idu mi oro ebehede fi, anie onyụn̄ odu mi oro afo enyenede mbubehe, emi anamde fi etịbi udi mi ọnọ idemfo?’+ Enye etịbi udi esie ke edikon̄ ebiet; onyụn̄ otụn̄ ebietidụn̄ ke akwa itiat ọnọ idemesie. 17  ‘Sese! Jehovah ọmọn̄ ada ọkpọsọn̄ iduọ osio fi ọduọk, onyụn̄ omụm fi ke ọkpọsọn̄ ubọk. 18  Enye iditreke ndiwan̄ fi ọsọn̄, nte bọl oro ẹwerede ke isọn̄ emi an̄wan̄ade. Do ke afo edikpa, do ke mme chariot ubọn̄ fo ẹdikabade ẹdi esuene ufọk eteufọk fo. 19  Ndien nyebịn fi mfep ke itieutom fo; owo oyonyụn̄ odorode fi ke akwa idaha fo ọduọk.+ 20  “‘Ndien ama ekem ke usen oro ami nyokot asan̄autom mi,+ oro edi, Eliakim+ eyen Hilkiah.+ 21  Ndien ami nyada ewụra fo nsịne enye, nnyụn̄ nda ubọpisịn fo nsọn̄ọ mbọp enye,+ nnyụn̄ nda odudu fo nsịn enye ke ubọk; ndien enye ayakabade edi ete ọnọ mme andidụn̄ Jerusalem onyụn̄ edi ọnọ ufọk Judah.+ 22  Ami nyonyụn̄ ndori enye ukpọhọde+ ufọk David ke afara, enye eyeberede ndien ididụhe owo eke eberide, enye oyonyụn̄ eberi ndien ididụhe owo eke ebererede.+ 23  Ndien ami nyọkọn̄ enye nsịn nte ntok+ ke ebiet emi edibịghide, enye oyonyụn̄ akabade edi ebekpo ubọn̄ ọnọ ufọk ete esie.+ 24  Ndien mmọ ẹyekọn̄ enye ofụri ubọn̄ ufọk ete esie, nditọ ye n̄kọk, kpukpru orụk n̄kpri n̄kpoduoho, n̄kpoduoho usan ọkọrọ ye kpukpru n̄kpoduoho ikpọ aban̄. 25  “‘Ke usen oro,’ uyo Jehovah mme udịm edi emi, ‘ẹyewụhọde+ ntok+ oro ẹkọn̄de ẹsịn ke ebiet oro ebịghide, ndien ẹyesiak enye, enye oyonyụn̄ ọduọ, ẹyenyụn̄ ẹsịbe mbiomo oro ọkọn̄ọde ke enye ẹfep, koro Jehovah ọdọhọ.’”+

Mme Ikọ Idakisọn̄