Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 21;1-17

21  Etop emi aban̄a wilderness inyan̄:+ Kpa nte ọkpọsọn̄ ofụm+ ke edem usụk ofụmede aka, enye ke oto wilderness edi, oto idụt oro enyenede ndịk.+  Ẹmewụt mi n̄kukụt+ oro enyenede ndịk: Owo abian̄a ke abian̄a abian̄a, andibụme ke onyụn̄ obụme mbụme.+ O Elam, dọk ka! O Media,+ kan kụk! Mmanam kpukpru eseme esie ẹtre.+  Oro edi ntak emi n̄kopde ọkpọsọn̄ ubiak ke isịn.+ Mmokop ubiak nte n̄wan emi oyomde ndiman eyen+ okopde. Esịt etịmede mi tutu n̄kopke n̄kpọ; idem onyụn̄ etịmede mi tutu n̄kwe usụn̄.  Esịt mi omoyo; ndịk amanam idem enyek mi. Ẹmenam mfụn̄mfụn̄ mbubreyo emi mmade edi ini nnyekidem ọnọ mi.+  Yak ẹtịm ẹbri okpokoro, ẹtịm n̄kpọitie ẹbon ke itie mmọ, ẹdia n̄kpọ, ẹn̄wọn̄ n̄kpọ!+ Mbufo mbọn̄,+ ẹdaha ke enyọn̄, ẹyet otuekọn̄ aran.+  Koro ntem ke Jehovah ọdọhọ mi ete: “Ka kenịm owo ukpeme man enye ekpetịn̄ se enye okụtde.”+  Ndien enye okụt chariot ekọn̄ emi enan̄-mbakara iba ẹdụride ye chariot ekọn̄ emi mme ass ẹdụride ye chariot ekọn̄ emi mme camel ẹdụride. Ndien enye etịm etịn̄ enyịn, onyụn̄ enen̄ede akpan̄ utọn̄.  Ndien enye ofiori nte ekpe eke okụnide,+ ete: “O Jehovah, ami ke nda ke tọwa ukpeme kpukpru ini ke uwemeyo, nnyụn̄ nda ke itie ukpeme mi ke ofụri okoneyo.+  Ndien ke emi, sese, chariot ekọn̄ oro mme owo ẹdọn̄ọde, emi enan̄-mbakara iba ẹdụride, ke edi!”+ Ndien enye ọtọn̄ọ nditịn̄ ikọ nnyụn̄ ndọhọ ete: “Enye ọmọduọ! Babylon ọmọduọ,+ enye omonyụn̄ anuak kpukpru ndisọi mbiet abasi esie ọduọn̄ọ ke isọn̄!”+ 10  O ikọt mi emi ẹdịghide ye eyen ọtọ udịghi wheat mi,+ mmasian mbufo se n̄kokopde nto Jehovah mme udịm, kpa Abasi Israel. 11  Etop emi aban̄a Dumah: Owo odu ke Seir ofiori okot mi ete:+ “Owo ukpeme, nso kaban̄a okoneyo? Owo ukpeme, nso kaban̄a okoneyo?”+ 12  Owo ukpeme ọbọrọ ete: “Usenubọk enyene ndidi, ntre n̄ko ye okoneyo. Edieke mbufo ẹdibụpde, ẹbụp. Ẹfiak ẹdi!” 13  Etop emi aban̄a unaisọn̄ desat: O mbufo mbonisan̄ mbon Dedan,+ mbufo ẹyedan̄ ke akai unaisọn̄ desat ke okoneyo. 14  Ẹda mmọn̄ ẹdisobo ye owo emi itọn̄ asatde. O mbufo mme andidụn̄ isọn̄ Tema,+ ẹda uyo ẹdisobo ye owo emi efehede. 15  Koro mmọ ẹfen̄ede ke ntak akan̄kan̄, ke ntak akan̄kan̄ emi ẹdụride ẹsio, ke ntak utịgha emi ẹnụkde ye ke ntak ọkpọsọn̄ ekọn̄. 16  Koro ntem ke Jehovah ọdọhọ mi ete: “Ke ufan̄ isua kiet, nte ekemde ye mme isua owo emi ẹkpede utom,+ ofụri ubọn̄ Kedar+ eyesịm utịt. 17  Ndien ibat mbon oro ẹsụhọde ke otu mbon utịgha, n̄kpọsọn̄ owo ke otu nditọiren Kedar, ẹdidi esisịt,+ koro Jehovah, kpa Abasi Israel, ọdọhọ.”+

Mme Ikọ Idakisọn̄