Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 20;1-6

20  Ke isua emi Tartan+ edide Ashdod,+ ke ini Sargon, edidem Assyria osiode enye ọdọn̄,+ ndien enye an̄wana ekọn̄ ye Ashdod onyụn̄ akan enye;+  ke ini oro Jehovah ada Isaiah eyen Amoz,+ etịn̄, ete: “Ka+ katat ọfọn̄ ntuan̄a fep ke isịn fo;+ nyụn̄ sion̄o ikpaukot fo ke ukot fo fep.”+ Ndien enye anam kpa ntre, asan̄a iferi ye ukpọk ikpat.+  Ndien Jehovah ọdọhọ ete: “Kpa nte Isaiah asan̄autom mi asan̄ade iferi ye ukpọk ikpat isua ita nte idiọn̄ọ+ ye utịben̄kpọ ọnọ Egypt+ ye Ethiopia,+  kpa ntre ke edidem Assyria edida mbuotekọn̄ Egypt+ ye mbon ntan̄mfep Ethiopia, nditọiren ye n̄kani iren, ọnyọn̄ iferi ye ukpọk ikpat, oyonyụn̄ ofụhọde mmọ mbombom, kpa iferi Egypt.+  Ndien mmọ ẹyenyek idem, bụt oyonyụn̄ anam mmọ aban̄a Ethiopia emi mmọ ẹkedoride enyịn,+ ye Egypt kpa uyai mmọ.+  Ndien andidụn̄ isuo emi ọyọdọhọ ke usen oro ete, ‘Enyene nte enye emi nnyịn ikodoride enyịn iban̄a etiede, emi nnyịn ikefehede ibịne ikoyom un̄wam, man anyan̄a nnyịn ke ntak edidem Assyria!+ Ndien nnyịn ke idem nnyịn idinam didie ibọhọ?’”

Mme Ikọ Idakisọn̄