Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 19;1-25

19  Etop emi aban̄a Egypt:+ Sese! Jehovah ke awat ke obubịt enyọn̄+ emi ọsọpde edi Egypt. Ndien mme abasi Egypt emi mînyeneke ufọn ẹyenyek idem ke ntak esie,+ esịt Egypt oyonyụn̄ eyemede.+  “Ndien nyedemede nditọ Egypt ẹn̄wana ye nditọ Egypt, ndien owo ayan̄wana ye eyenete esie, owo oyonyụn̄ an̄wana ye ufan esie, obio ayan̄wana ye obio, obio ubọn̄ oyonyụn̄ an̄wana ye obio ubọn̄.+  Ndien spirit eyetịmede nditọ Egypt ke idem,+ nyonyụn̄ ntịmede uduak esie.+ Ndien mmọ ẹyewọn̄ọde ẹtiene mme abasi eke mînyeneke ufọn+ ye mme ọkọk-nduọhọ ye mme obụp ekpo ye mme etịn̄ ini iso.+  Ndien nyayak Egypt nsịn ke ubọk eteufọk emi ọsọn̄de ido, edidem emi edikarade mmọ oyonyụn̄ okop odudu,”+ emi edi uyo ata Ọbọn̄, Jehovah mme udịm.  Ndien mmọn̄ ayasat ke inyan̄, akpa oyofiop onyụn̄ asat n̄ko.+  Ndien mme akpa ẹyetebe; mme edịk Nile Egypt ẹyesụhọde ẹnyụn̄ ẹsat.+ Nnyanyan̄a+ ye nnyanyan̄a isantịm ẹyeyemede.  Mme ukpọk ebiet ke mben Akpa Nile, ke inua Akpa Nile ye kpukpru in̄wan̄ mfri Akpa Nile ẹyesat.+ Ẹyesuan enye, ndien enye ididụhe aba.  Ndien mme ọkọiyak ẹyetuan̄a, kpukpru mmọ eke ẹsịnde uwam ke Akpa Nile ẹyefụhọ, mbon oro ẹduọkde iyịre ke enyọn̄ mmọn̄ ẹyeyemede.+  Bụt ayanam mbon emi ẹdade flax*+ ẹdọk n̄kpọ; n̄ko ye mbon oro ẹdọkde afia ọfọn̄. 10  Ndien mme ọdọk-ọfọn̄+ esie ẹyenuaha, ukpọn̄ kpukpru mbon oro ẹnamde utom ke okụk oyofụhọ. 11  Ke akpanikọ, mbọn̄ Zoan+ ẹdi ndisịme. Amaedi mbon ọniọn̄ emi ẹnọde Pharaoh item, item mmọ isịneke ifiọk.+ Mbufo ẹdisan̄a didie ẹdọhọ Pharaoh ẹte: “Ami ndi eyen mbon ọniọn̄, eyen ndidem eset”? 12  Mmọ ẹdu m̀mọ̀n̄—mbon ọniọn̄ fo+—man mmọ ẹkpesian fi ẹkpenyụn̄ ẹfiọk se Jehovah mme udịm ebierede aban̄a Egypt?+ 13  Mbọn̄ Zoan ẹmenam ndisịme,+ ẹmebian̄a mbọn̄ Noph,+ ikpọ owo+ esien esie ẹmenam Egypt oyo. 14  Jehovah aman̄wan̄a spirit ndutịme ọduọk ke esịt esie;+ ndien mmọ ẹmenam Egypt oyo ke kpukpru utom esie, kpa nte akpammịn emi ẹnamde eten̄ asan̄a ke ikpọhi esie.+ 15  Ndien Egypt idinyeneke utom ekededi oro ibuot m̀mê isịm, n̄kọk m̀mê nnyanyan̄a isantịm, ekemede ndinam.+ 16  Ke usen oro Egypt ayakabade etie nte iban, ndien enye eyenyek+ onyụn̄ okop ndịk ke ntak emi Jehovah mme udịm ofụn̄de ubọk ndin̄wana ye enye.+ 17  Ndien isọn̄ Judah ayanam Egypt ndịk.+ Kpukpru owo eke ẹtịn̄de n̄kpọ emi ẹnọ ẹyekop ndịk ke ntak ubiere emi Jehovah mme udịm ebierede aban̄a enye.+ 18  Ke usen oro obio ition ẹyedu ke isọn̄ Egypt+ emi ẹsemde usem Canaan+ ẹnyụn̄ ẹn̄wọn̄ọde un̄wọn̄ọ+ ẹnọ Jehovah mme udịm. Ndien ẹyekot obio kiet Obio N̄wụre. 19  Ke usen oro itieuwa oyodu ọnọ Jehovah ke ufọt isọn̄ Egypt,+ adaha oyonyụn̄ odu ọnọ Jehovah ke mben adan̄a esie. 20  Ndien enye edidi idiọn̄ọ ye ntiense ọnọ Jehovah mme udịm ke isọn̄ Egypt;+ koro mmọ ẹyeseme ẹnọ Jehovah ke ntak mbon ufịk,+ ndien enye ọyọnọ mmọ andinyan̄a, kpa akwa andinyan̄a, emi edinyan̄ade mmọ.+ 21  Ndien ẹyenam nditọ Egypt ẹfiọk Jehovah;+ nditọ Egypt ẹyenyụn̄ ẹfiọk Jehovah ke usen oro, ndien mmọ ẹyewa uwa ẹnyụn̄ ẹnọ enọ+ ẹnyụn̄ ẹkan̄a akan̄a ẹnọ Jehovah ẹnyụn̄ ẹsio akan̄a oro.+ 22  Ndien Jehovah ayamia Egypt.+ Enye ayamia onyụn̄ ọkọk;+ ndien mmọ ẹyefiak ẹtiene Jehovah,+ enye oyonyụn̄ okop n̄kpeubọk mmọ onyụn̄ ọkọk mmọ.+ 23  Ke usen oro ọkpọusụn̄+ oyoto ke Egypt esịm Assyria, Assyria oyodụk Egypt, Egypt oyonyụn̄ odụk Assyria; ndien mmọ ẹyenam n̄kpọ Abasi, Egypt ye Assyria. 24  Ke usen oro Israel eyedi ọyọhọ idụt ita ye Egypt ye Assyria,+ oro edi, edidiọn̄ ke isọn̄,+ 25  koro Jehovah mme udịm ọyọdiọn̄ enye,+ onyụn̄ ọdọhọ ete: “Ọfọfọn ọnọ ikọt mi, Egypt, ye utom ubọk mi, Assyria,+ ye udeme mi, Israel.”+

Mme Ikọ Idakisọn̄

Eto oro mmọ ẹketọde ke Egypt. Ẹkesida mfịbe eto emi ẹdọk ọfọn̄.