Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 18;1-7

18  Sese isọn̄ n̄kpri unam mba emi ẹnamde uyom, emi ẹdude ke edem mme akpa Ethiopia!+  Enye edi enye emi osiode mme isụn̄utom+ ọdọn̄ utom ke inyan̄, ẹsan̄a ke ubom n̄kukịp ke enyọn̄ mmọn̄, onyụn̄ ọdọhọ ete: “Mbufo mme isụn̄utom emi ẹsọpde ukot, ẹka idụt emi okon̄de idaha onyụn̄ ọdọnọde idem, mme owo emi ẹnyenede ndịk ke kpukpru ebiet, idụt emi enyenede ọkpọsọn̄ ukeme esinyụn̄ edịghide, emi mme akpa mmọn̄ ẹyetde isọn̄ esie ẹfep.”+  Kpukpru mbufo mme andidụn̄ isọn̄+ ye mbufo emi ẹdụn̄de ke ererimbot, mbufo ẹyekụt n̄kpọ ndise kpa nte ke ini ẹmenerede idiọn̄ọ ke enyọn̄ obot,+ mbufo ẹyenyụn̄ ẹkop uyom kpa nte ke ini ẹfride nnụk.+  Koro ntem ke Jehovah ọdọhọ mi ete: “Ami nyetie sụn̄ nnyụn̄ nse ebiet mi emi nsọn̄ọde n̄wụk,+ nte ọkpọsọn̄ ufiop ke un̄wana,+ nte mbara ke ufiop ini ukpen̄e.+  Koro mbemiso ini ukpen̄e, ke ini flawa atarade ama, mfri onyụn̄ akabade ndatndat grape, owo ayada ikwa udiọn̄ eto esịbe n̄kpri n̄kọk efep onyụn̄ esịbe emịne efep, enye enyene ndisịbe mmọ mfep.+  Ẹyekpọn̄ kpukpru mmọ ẹnọ inuen utaokpo ke mme obot, ye unam ke isọn̄.+ Ndien inuen utaokpo ayata enye ke ndaeyo, kpukpru unam ke isọn̄ ẹyenyụn̄ ẹta enye ke ini ukpen̄e.+  “Ke ini oro ẹyeda enọ ẹsọk Jehovah mme udịm,+ enọ emi ẹbọde mme owo emi ẹkon̄de idaha ẹnyụn̄ ẹdọnọde idem,+ mme owo emi ẹnyenede ndịk ke kpukpru ebiet, idụt emi enyenede ọkpọsọn̄ ukeme esinyụn̄ edịghide, emi mme akpa mmọn̄ ẹyetde isọn̄ esie ẹfep, ẹka itie emi enyịn̄ Jehovah mme udịm odude, kpa Obot Zion.”+

Mme Ikọ Idakisọn̄