Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 16;1-14

16  Mbufo ẹda okukịm erọn̄ ẹsọk andikara isọn̄ emi,+ ẹto ke Sela ẹbe wilderness, ẹsịm obot eyenan̄wan Zion.+  Ndien ama ekem kpa nte enyene-mba edibotn̄kpọ emi efehede, emi ẹbịnde ẹfep ke efọk esie,+ ntre ke nditọiban Moab ẹditie ke mme ebiet ube mmọn̄ Arnon.+  “Mbufo ẹnọ item, ẹnam ubiere.+ “Ẹnam mfụt mbufo ke ufọt uwemeyo+ etie nte okoneyo. Ẹdịp mbon oro ẹsuanade;+ ẹkûyarade owo ekededi eke efehede.+  O Moab, yak ikọt mi oro ẹsuanade ẹdụn̄ ye afo nte isenowo.+ Di ebiet udịbe nọ mmọ mbak andibụme.+ Koro owo ufịk emesịm utịt esie; mbụme etre; ẹmenam mbon oro ẹdịghide mbon efen ẹkụre ke isọn̄.+  “Ndien ẹyesọn̄ọ ẹwụk ebekpo+ ke ima-mfọnido; owo oyonyụn̄ osụhọde etie ke enye ke akpanikọ ke tent David,+ ekpe ikpe onyụn̄ oyom unenikpe onyụn̄ awara anam se inende.”+  Nnyịn imokop iban̄a ntan̄idem Moab, nte ke enye atan̄ idem etieti;+ iseri esie ye ntan̄idem esie ye ifụtesịt esie+—ikpîkpu ikọ esie ididịghe ntre.+  Mmọdo Moab ayatua aban̄a Moab; kpukpru owo ke enye ẹyetuan̄a.+ Koro mbon oro ẹnọmọde ẹyeseme ẹban̄a ebok nsat grape Kir-hareseth,+  koro mme in̄wan̄ Heshbon+ ẹmeyemede. Vine Sibmah+—mme andinyene mme idụt ẹmeyịbi ata ndatndat n̄kọk esie. Mmọ ẹmesịm anyan ebiet nte Jazer;+ mmọ ẹmeyo ke wilderness. Ẹmeyak mme emịne esie ẹsehe ẹnọ idemmọ; mmọ ẹmebe ẹsịm inyan̄.  Oro edi ntak ndituade vine Sibmah kpa nte n̄katuade Jazer.+ O Heshbon+ ye Elealeh,+ nyada mmọn̄eyet mi mbịt mbufo idem, koro ẹfioride n̄kpo ke ini ndaeyo mbufo ye ke ini idọk mbufo.+ 10  Ẹmemen idatesịt ye inemesịt ẹfep ke in̄wan̄ mfri; n̄kpo idara inyụn̄ idụhe aba ke in̄wan̄ vine, owo inyụn̄ ifiorike n̄kpo.+ Wine idụhe ke obube unyịmi wine emi andinyịmi wine enyịmide.+ Mmanam n̄kpo odop.+ 11  Ntak edi oro nsia oyomode mi nte harp aban̄a Moab,+ esịt idem mi onyụn̄ oyomode aban̄a Kir-hareseth.+ 12  Ndien ẹma ẹkụt nte ẹnamde Moab akpa mba ke edikon̄ ebiet;+ enye ama edi ke edisana ebiet esie ndibọn̄ akam,+ enye ikonyụn̄ ikemeke ndinam baba n̄kpọ kiet.+ 13  Ikọ emi ke Jehovah ekebem iso etịn̄ aban̄a Moab. 14  Ndien ke emi Jehovah ọdọhọ ete: “Ke ufan̄ isua ita, nte ekemde ye mme isua owo emi ẹkpede utom,+ ẹyeda kpukpru orụk ndutịme ẹsuene ubọn̄+ Moab, ndien mbon oro ẹsụhọde ẹdidi ata esisịt, ididịghe n̄kpọsọn̄.”+

Mme Ikọ Idakisọn̄