Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 15;1-9

15  Etop emi aban̄a Moab:+ Koro ẹmebụme enye ke okoneyo, ẹmesobo Ar+ Moab. Koro ẹmebụme enye ke okoneyo, ẹmesobo Kir+ Moab.  Enye ọmọdọk aka Ufọk onyụn̄ ọdọk aka Dibon,+ aka mme edikon̄ ebiet, nditua eyet. Moab amatua aban̄a Nebo+ ye Medeba.+ Kpukpru ibuot ke enye ẹkwọhọ ibọ;+ ẹmekwat kpukpru ntan̄ebek.  Mmọ ẹsịne ọfọn̄ ntuan̄a+ ke mme efak esie. Kpukpru owo ke ẹtuan̄a ke mme enyọn̄ ọkọmufọk+ esie ye ke mme an̄wa obio esie, ke ẹtua eyet ẹsụhọde ẹka.+  Heshbon ye Elealeh+ ẹsio n̄kpo. Ẹmekop uyo mmọ ke anyan ebiet nte Jahaz.+ Oro edi ntak emi mbonekọn̄ Moab ẹsụk ẹfioride n̄kpo. Ukpọn̄ esie enyek enye ke idem.  Esịt mi eseme aban̄a Moab.+ Mbon Moab emi ẹfen̄ede ẹmesịm anyan ebiet nte Zoar+ ye Eglath-shelishiyah.+ Ke usụn̄ oro ẹdọkde ẹka Luhith+—owo kiet kiet atua eyet ọdọk aka; koro ke usụn̄ Horonaim+ mmọ ẹtọn̄ọ ndiseme mban̄a afanikọn̄.  Koro mmọn̄ Nimrim+ ẹmesat ofụri ofụri. Koro awawa mbiet ẹmesat, mbiet ẹmekpan̄a; n̄kpọ eke edide awawa idụhe aba.+  Oro edi ntak emi mmọ ẹtan̄de se isụhọde ye inyene mmọ emi mmọ ẹkekọde ẹbon ẹbe itịghede mmọn̄ eto poplar.  Koro eseme emesịm ofụri ikpehe Moab.+ Ntuan̄a esie emesịm Eglaim; ntuan̄a esie emesịm Beer-elim,  koro iyịp ọmọyọhọ mmọn̄ Dimon. Koro nyobon mme n̄kpọ efen efen ke Dimon, utọ nte ekpe nnọ mbon Moab oro ẹfen̄ede ẹbọhọ ye mbon oro ẹsụhọde ke isọn̄.+

Mme Ikọ Idakisọn̄