Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 14;1-32

14  Koro Jehovah ayatua Jacob mbọm,+ onyụn̄ ọtọn̄ọ ntak emek Israel;+ enye ọyọnọ mmọ nduọkodudu ke isọn̄ mmọ,+ ndien isenowo ẹyediana ye mmọ, mmọ ẹyenyụn̄ ẹdian idem ye ufọk Jacob.+  Ndien mme owo ẹyemen mmọ ẹnyụn̄ ẹda mmọ ẹdi ebiet mmọ, ndien ufọk Israel ẹyeda mmọ ẹnyene nte inyene ke isọn̄ Jehovah ye nte ifịn iren ye ifịn iban;+ ndien mmọ ẹyekabade ẹdi mme andimụm mbon oro ẹketan̄de mmọ nte mbuotekọn̄,+ mmọ ẹyenyụn̄ ẹkara mbon oro ẹkenyịkde mmọ ẹnam utom.+  Ndien ama ekem ke usen emi Jehovah ọnọde fi nduọkodudu, anam fi ọbọhọ ubiak fo ye ukụt fo ye ọkpọsọn̄ ufụn emi mmọ ẹkesịnde fi,+  afo oyotoho edidem Babylon ufiet emi ete: “Anam didie enye emi esinyịkde mbon en̄wen ẹnam utom mînyịkke mmọ aba, ufịk anam didie etre!+  Jehovah omobụn̄ eto mme idiọkowo, esan̄ mbon oro ẹkarade,+  enye emi adade ikpa amia mme owo ke ifụtesịt mînyụn̄ itreke,+ enye emi akande mme idụt ke ọkpọsọn̄ iyatesịt ye ukọbọ mînyụn̄ imụmke idem ikama.+  Ofụri isọn̄ ọmọduọk odudu,+ onyụn̄ ana sụn̄ ọbọhọ ndutịme. Mme owo ẹmedat esịt ẹnyụn̄ ẹsio n̄kpo idara.+  Mme eto juniper+ n̄ko ẹmedara ẹban̄a fi, mme cedar Lebanon ẹmedọhọ ẹte, ‘Tọn̄ọ nte afo okosụhọde ana, baba asiak eto+ kiet idịghe idisiak nnyịn.’  “Udi*+ ke idak emesịn editịm aban̄a fi man osobo ye afo ke ini afo odụkde edi. Ke ntak fo, enye emedemede mbon oro mînyeneke odudu ke n̄kpa,+ kpukpru mme adausụn̄ emi ẹbietde ebot+ ke isọn̄. Enye amanam kpukpru ndidem mme idụt ẹdorode ke ebekpo mmọ.+ 10  Kpukpru mmọ ẹtịn̄ ikọ ẹnyụn̄ ẹbụp fi ẹte, ‘Nte ẹmenam idem emem fi n̄ko nte nnyịn?+ Nte ẹmemen fi ẹdomo ye nnyịn?+ 11  Ẹmenam ntan̄idem fo, kpa uyom ndido urụk fo, osụhọde ke Udi.*+ Ẹmebri ndọn̄ ke idak fo nte n̄kpọnna; mme utụn̄ ẹnyụn̄ ẹdi ufụhọn̄kpọ fo.’+ 12  “O se nte afo otode ke heaven ọduọ,+ afo emi ayamade, eyen usiere! Se nte ẹsịbede fi ẹduọk ke isọn̄,+ afo emi akabiatde mme idụt!+ 13  Afo ọdọhọ ke esịt fo ete, ‘Nyọdọk n̄ka heaven.+ Nyemenede ebekpo+ mi okon̄ akan mme ntantaọfiọn̄+ Abasi, nyonyụn̄ nsụhọde ntie ke obot emi ẹsopde idem,+ ke ata nsannsan ikpehe edem edere.+ 14  Nyọdọk mbe mme edikon̄ ebiet obubịt enyọn̄;+ nyenịm idem mi nte Ata Edikon̄.’+ 15  “Nte ededi, ẹyenam fi osụhọde esịm Udi,*+ esịm ata esịt obube.+ 16  Mbon oro ẹkụtde fi ẹyewụk enyịn ẹse fi; mmọ ẹyetịm ẹse fi, ẹnyụn̄ ẹdọhọ ẹte, ‘Ndi owo emi eketịmerede isọn̄ edi emi, oro akanamde mme obio ubọn̄ ẹnyek,+ 17  anamde isọn̄ etie nte wilderness onyụn̄ owụride mme obio esie,+ emi mîkonyụn̄ iberekede usụn̄ unyọn̄ inọ mbon n̄kpọkọbi esie?’+ 18  Kpukpru ndidem eken ke mme idụt, ih, kpukpru mmọ, ẹmesụhọde ẹna ke ubọn̄, owo mmọ kiet kiet ke ufọk esie.+ 19  Edi amaedi afo, ẹmetop fi ẹduọk, itie inyụn̄ idụhe eke ẹbụkde fi,+ nte nsehe oro ẹsuade, emi ẹfụkde mbon emi ẹkịmde ke akan̄kan̄ ẹwot, emi ẹsụhọrede ẹka mme itiat obube,+ emi ebietde okpo emi ẹdịghide.+ 20  Afo ududianake ye mmọ ke udi, koro afo amabiat isọn̄ fo, omonyụn̄ owot ikọt fo. Owo idikotke enyịn̄ nditọ mme anamidiọk ke nsinsi.+ 21  “Mbufo ẹtịm ebiet n̄kpan̄a ẹnọ nditọ esie ke ntak ndudue mme ete ete mmọ,+ mbak mmọ ẹdidaha ẹda ẹnyụn̄ ẹda isọn̄ ẹnyene ẹnyụn̄ ẹbọp mme obio ẹyọhọ iso isọn̄.”+ 22  “Ndien ami nyadaha ke enyọn̄ n̄n̄wana ye mmọ,”+ uyo Jehovah mme udịm edi emi. “Nyonyụn̄ nsịbe enyịn̄+ ye nsụhọ ye nditọ ye nditọ nditọ mfep+ ke Babylon,” uyo Jehovah edi emi. 23  “Ndien nyanam enye edi ebiet emi mme ebiọn̄ ye n̄kpọdiọhọ mmọn̄ ẹdude, nyonyụn̄ nda ifiet nsobo n̄kpọri enye mfep,”+ uyo Jehovah mme udịm edi emi. 24  Jehovah mme udịm ọmọn̄wọn̄ọ+ ete: “Iditreke nditịbe kpa nte n̄kaduakde; oyonyụn̄ osu kpa nte n̄kebierede,+ 25  man nsobo owo Assyria ke isọn̄ mi mfep+ nnyụn̄ ndịghi enye ke mme obot mi;+ man ọkpọnọ esie ọkpọkọn̄ọde mmọ, mbiomo esie okponyụn̄ odorode mmọ ke afara.”+ 26  Emi edi ubiere oro ẹbierede ẹban̄a ofụri isọn̄, emi onyụn̄ edi ubọk oro ẹnyanarede ẹdori kpukpru mme idụt. 27  Koro Jehovah mme udịm emebiere,+ ndien anie ekeme ndibiat?+ Enye amanyanade ubọk esie, ndien anie ekeme ndiwọn̄ọde enye mfep?+ 28  Etop emi ke ẹketobo ke isua oro Edidem Ahaz akpade:+ 29  “O Philistia,+ kûdat esịt,+ ndomo owo mbufo kiet, ke ntak emi ẹbụn̄de ẹsan̄ owo emi esimiade fi.+ Koro idiọk urụkikọt+ ọyọwọrọ ke orụn̄ urụkikọt,+ ndien mfri esie edidi ikan̄-ikan̄ urụkikọt oro efede.+ 30  Ndien akpan mme usụhọde owo ẹyedia n̄kpọ, mme ubuene ẹyenyụn̄ ẹsụhọde ẹna ke ifụre.+ Ndien nyada akan̄ n̄wot orụn̄ fo, ẹyenyụn̄ ẹwot se isụhọde ke otu fo.+ 31  O inuaotop, tua! O obio, sio n̄kpo! O Philistia, esịt ọyọduọ kpukpru mbufo! Koro nsụn̄ikan̄ ke oto edem edere edi, ndien idụhe owo eke awahade ọkpọn̄ usụn̄ ke otu udịmekọn̄ esie.”+ 32  Ndien nso ke owo edibọrọ mme isụn̄utom+ idụt? Nte ke Jehovah emesịn itiat idakisọn̄ Zion,+ ndien enye eyedi ebiet ubọhọ ọnọ mbon ukụt ke otu ikọt esie.

Mme Ikọ Idakisọn̄

Heb., “Sheol.”
Heb., “Sheol.”
Heb., “Sheol.”