Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 13;1-22

13  Etop emi aban̄ade Babylon,+ emi Isaiah eyen Amoz+ okokụtde ke n̄kukụt:  “Mbufo ẹmenede idiọn̄ọ+ ke enyọn̄ obot itiat oro etiede iferi iferi. Ẹmenede uyo ẹnọ mmọ, ẹfụn̄ ubọk,+ man mmọ ẹkpedụk ẹdi mme inuaotop mbọn̄.+  Ami mmọnọ mbon oro ndian̄arede nnịm nnọ idemmi, ewụhọ.+ Ami mmokot n̄ko n̄kpọsọn̄ owo mi man nda n̄wụt iyatesịt mi,+ kpa ikọt mi oro ẹdatde esịt etieti.  Ẹkop! Otuowo ke mme obot, ẹbiet ediwak owo!+ Ẹkop! Ndutịme eke otode mme obio ubọn̄, eke mme idụt oro ẹsopde idem ọtọkiet!+ Jehovah mme udịm ke atan̄ mbonekọn̄ obon.+  Mmọ ke ẹto anyan idụt ẹdi,+ ke ẹto utịt ikpaenyọn̄, Jehovah ye n̄kpọekọn̄ ifụtesịt esie, man ẹbiat ofụri isọn̄.+  “Mbufo ẹtuan̄a,+ koro usen Jehovah emekpere!+ Enye eyedi nte nsobo eke otode Ata Ọkpọsọn̄.+  Ntak edi oro kpukpru ubọk ẹdimemde, ofụri esịt owo edinyụn̄ eyemerede.+  Esịt omonyụn̄ etịmede mme owo.+ Ọkpọsọn̄ nnyekidem ye ubiak uman ẹnam mmọ; uman abiak mmọ nte n̄wan eke oyomde ndiman eyen.+ Mmọ ẹse kiet eken ke n̄kpaidem. Iso onyụn̄ akpai mmọ.+  “Sese! Usen Jehovah ke edi, mbọm idụhe, asan̄a ye ifụtesịt ye ikan̄-ikan̄ iyatesịt, man anam isọn̄ akabade edi n̄kpọ n̄kpaidem,+ onyụn̄ osobo mme anamidiọk ke isọn̄ efep.+ 10  Koro mme ntantaọfiọn̄ ke ikpaenyọn̄ ye mme otu ntantaọfiọn̄ Kesil+ mmọ mîdinọhọ un̄wana; koro utịn eyekịm ke ini asiahade, ọfiọn̄ idinyụn̄ inọhọ un̄wana. 11  Ndien nyada idiọkn̄kpọ isọn̄ ndori isọn̄ ke idem,+ nnyụn̄ nda ndudue mme idiọkowo ndori mmọ ke idem. Ndien nyanam ntan̄idem mbon iseri etre, nnyụn̄ nsụhọde iseri mbon ufịk nnịm.+ 12  Nyanam owo anana akan gold emi ẹdụhọrede,+ nnyụn̄ nnam enye anana akan gold Ophir.+ 13  Oro edi ntak ndinamde ikpaenyọn̄ enyek,+ isọn̄ oyonyụn̄ enyek esịk ọkpọn̄ itie esie ke ifụtesịt Jehovah mme udịm+ ye ke usen ikan̄-ikan̄ iyatesịt esie.+ 14  Ndien ama ekem, kpa nte akan̄ eke ẹbịnde ẹfep ye nte ufene eke mînyeneke owo eke atan̄de mmọ obon ọtọkiet,+ mmọ kiet kiet ẹyefiak edem ẹbịne ikọt mmọ; mmọ kiet kiet ẹyenyụn̄ ẹfen̄e ẹka isọn̄ mmọ.+ 15  Ẹyekịm kpukpru owo eke ẹkụtde, ndien kpukpru owo eke ẹmụmde ẹyeduọn̄ọ ke akan̄kan̄;+ 16  ẹyenyụn̄ ẹkpok nditọ mmọ n̄ken̄e n̄ken̄e ke iso mmọ.+ Ẹyebụme ufọk mmọ, ẹyenyụn̄ ẹdan̄ iban mmọ ke n̄kanubọk.+ 17  “Sese ami mmọn̄ ndemede mbon Media ẹdin̄wana ye mmọ,+ emi mîdaha silver ke n̄kpọ, emi gold mînyụn̄ idatke mmọ esịt. 18  Ndien utịgha mmọ ẹyenuak n̄kparawa mbai mbai.+ Mmọ idinyụn̄ ituaha mfri idịbi mbọm;+ enyịn mmọ idituaha nditọiren mbọm. 19  Ndien Babylon, kpa n̄kpọmbana mme obio ubọn̄,+ uyai ye uku mbon Chaldea,+ ayakabade etie nte ini emi Abasi okosobode Sodom ye Gomorrah.+ 20  Owo ididụn̄ke ke esịt esie tutu amama,+ enye idinyụn̄ idụhe ke ofụri emana.+ Ndien owo Arabia idiwụkke tent esie do, mme ekpemerọn̄ idinyụn̄ iyakke ufene mmọ ẹsụhọde ẹna do. 21  Ndien mme unam ikọt emi ẹsidụn̄de ke desat ẹyesụhọde ẹna do, mme ikurikụt ẹyenyụn̄ ẹyọhọ ufọk mmọ.+ Ndien mme ostrich ẹyedụn̄ do, mme demon emi ẹbietde ebot ẹyenyụn̄ ẹfrọ do.+ 22  Ndien mme jackal ẹyetuan̄a ke mme tọwa ufọkidụn̄ esie,+ ikpọ urụkikọt ẹyenyụn̄ ẹdu ke mme ufọk ubọn̄ emi ẹdatde mmọ esịt. Ini esie ekpere ndidi, owo idinyụn̄ isịkke mme usen esie inịm.”+

Mme Ikọ Idakisọn̄