Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 1;1-31

1  N̄kukụt+ emi Isaiah+ eyen Amoz okokụtde aban̄a Judah ye Jerusalem ke eyo Uzziah,+ Jotham,+ Ahaz+ ye Hezekiah,+ ndidem Judah:+  O mme heaven ẹkop,+ O isọn̄, kpan̄ utọn̄, koro Jehovah ọdọhọde ete: “Mmọbọk nditọ nnyụn̄ nnam mmọ ẹkọri,+ edi mmọ ẹmesọn̄ ibuot ye ami.+  Ayara enan̄ etịm ọfiọk andidep enye, ass onyụn̄ ọfiọk usịnudia ufene andinyene enye; Israel inyeneke ifiọk,+ ikọt mi inamke n̄kpọ ye mbufiọk.”+  Mbọm idụt emi anamde idiọkn̄kpọ,+ mbon emi ẹyọhọde ye ndudue, n̄kpasịp eke anamde idiọk,+ nditọ emi ẹdade nsobo ẹdi!+ Mmọ ẹmekpọn̄ Jehovah,+ ẹmenam n̄kpọ ye Edisana Abasi Israel ye unana ukpono,+ mmọ ẹmefiak edem.+  M̀mọ̀n̄ efen ke ẹditọn̄ọ ntak ẹmia mbufo,+ ke emi mbufo ẹdiọn̄de-diọn̄ ẹsọn̄ ibuot?+ Ofụri ibuot ọdọdọn̄ọ, ofụri esịt onyụn̄ akpa.+  Ọtọn̄ọde ke ekaikpat tutu esịm ibuot idụhe itie eke ọfọnde.+ Unan ye nde unan ye obufa unan—owo ifịkke inyụn̄ ibọpke inyụn̄ iyetke aran inam emem.+  Isọn̄ mbufo ẹmena ndon,+ ẹmefọp mme obio mbufo ke ikan̄;+ isenowo+ ẹdia isọn̄ mbufo ke iso mbufo,+ ẹnyụn̄ ẹsobo nte n̄kpọ eke isenowo ẹsobode.+  Ndien ẹyak eyenan̄wan Zion+ osụhọ nte ataya ke in̄wan̄ vine, nte ataya ukpeme ke in̄wan̄ cucumber, nte obio eke ẹkande ẹkụk.+  Mîkpedịghe emi Jehovah mme udịm akayakde ekpri nsụhọ odu ọnọ nnyịn,+ nnyịn ikpakakabade itie kpa nte Sodom, nnyịn ikponyụn̄ ibiet Gomorrah.+ 10  Mbufo mme akara ukara ufịk+ mbon Sodom,+ ẹkop uyo Jehovah.+ Mbufo mbon Gomorrah, ẹkpan̄ utọn̄ ke ibet Abasi. 11  Jehovah ọdọhọ ete: “Uwak uwa mbufo ọfọn mi nso? Ofụri edifọp uwa+ okukịm+ ye ikpọn̄ unam eke esehede+ ẹmeyụhọ mi; iyịp+ abak ayara enan̄ ye eke ayara eyenerọn̄ ye eke okpo ebot+ idatke mi esịt.+ 12  Ke ini mbufo ẹdụkde ẹdi ndikụt mi iso,+ anie oyom emi ke ubọk mbufo ete ẹdidịghi okụre mi?+ 13  Ẹkûda aba mme uwa n̄kpasịp eke mînyeneke ufọn ẹdi.+ Incense edi n̄kpọ mbubiam ọnọ mi.+ Obufa ọfiọn̄+ ye sabbath+ ye edikot esop+—n̄kemeke ndiyọ idiọk odudu+ n̄kọrọ ye edisana esop. 14  Ukpọn̄ mi asasua mbufa ọfiọn̄ mbufo ye mme ini usọrọ mbufo.+ Mmọ ẹmekabade ẹdi mbiomo ẹnọ mi;+ mmakpa mba ndibiom mmọ.+ 15  Ndien ke ini mbufo ẹtatde ekaubọk+ mbufo, ami ndịp mbufo enyịn mi.+ Okposụkedi mbufo ẹbọn̄de ediwak akam,+ ami n̄kopke;+ iyịp ọmọyọhọ mbufo ke ubọk.+ 16  Ẹyet idem mbufo;+ ẹnam idem mbufo asana;+ ẹmen ndiọi edinam mbufo ke enyịn mi ẹfep;+ ẹtre ndinam idiọk.+ 17  Ẹkpep ndinam se ifọnde;+ ẹyom unenikpe;+ ẹnen̄ede owo ufịk;+ ẹkpe edinen ikpe ẹnọ eyenakpa;+ ẹda ye ebeakpa ke ikpe.”+ 18  Jehovah ọdọhọ ete: “Mbufo ẹdi nnyịn inen̄ede mme n̄kpọ ke ufọt nnyịn.+ Mme idiọkn̄kpọ mbufo ẹkpetie nte iduot, ẹyenam mmọ ẹfia nte snow;+ ẹkpeyịbe nte ididuot ọfọn̄, mmọ ẹyekabade ẹtie nte idet erọn̄. 19  Edieke mbufo ẹnyịmede ẹnyụn̄ ẹkopde, ẹyedia ufọn isọn̄.+ 20  Edi mbufo ẹma ẹsịn+ ẹnyụn̄ ẹsọn̄ ibuot, akan̄kan̄ ayadia mbufo; koro inua Jehovah ọdọhọ.”+ 21  Kamse nte obio akpanikọ+ akabarede edi akpara!+ Unenikpe+ ọkọyọyọhọ ke esịt esie; edinen ido ekesidụn̄ ke esịt esie,+ edi idahaemi mme owotowo ẹdidụn̄.+ 22  Silver fo amakabade mbukpen̄.+ Ẹmesiak mmọn̄ ke beer fo oro ẹdade wheat ẹnam.+ 23  Mbọn̄ fo ẹmesọn̄ ibuot ẹnyụn̄ ẹdụk nsan̄a ye mme inọ.+ Kpukpru mmọ ẹdi mme ama ubọkedem+ ye mmọ emi ẹbịnede enọ.+ Koro mmọ ibiereke ikpe eyenakpa; inyụn̄ inyịmeke ikpe mme ebeakpa ebe esịm mmọ.+ 24  Mmọdo uyo ata Ọbọn̄, Jehovah mme udịm, Ọkpọsọn̄ Abasi Israel,+ edi: “Sese! Nyobiomode mme asua mi mfep ke idem mi, nyonyụn̄ nsio usiene+ ye mme asua mi.+ 25  Ndien nyọwọn̄ọde ubọk mi ndori fi ke idem, nnyụn̄ ntara fi nsion̄o mbukpen̄ fo, nyonyụn̄ nsion̄o kpukpru ndek fo mfep.+ 26  Ndien nyafiak nda mme ebiereikpe nsọk fi kpa nte ekedide ke akpa, nnyụn̄ nda mme ọnọitem nsọk fi kpa nte ekedide ke editọn̄ọ.+ Ndien ama ekem ẹyekot fi Obio Edinen Ido, Obio Akpanikọ.+ 27  Ẹyeda unenikpe ẹfak Zion,+ ẹnyụn̄ ẹda edinen ido ẹfak ikọt esie emi ẹnyọn̄de ẹdi.+ 28  Ndien iduọ mbon nsọn̄ibuot ye eke mme anamidiọk edidi ini kiet,+ ndien mmọ eke ẹkpọn̄de Jehovah ẹyekpan̄a.+ 29  Koro bụt ayanam mmọ aban̄a ikpọ eto oro mbufo ẹyomde,+ mbufo ẹyenyụn̄ ẹkụt esuene ke ntak in̄wan̄ emi mbufo ẹmekde.+ 30  Koro mbufo ẹyekabade ẹtie nte akamba eto emi mme ikọn̄ esie ẹken̄ede,+ ye nte in̄wan̄ emi mînyeneke mmọn̄. 31  Ọkpọsọn̄ owo ayakabade etie nte mfịbe,+ n̄kpọ eke enye anamde oyonyụn̄ akabade etie nte ebuaikan̄; ndien ikan̄ ayata mmọ mbiba ini kiet, owo eke onyụn̄ enịmede ididụhe.”+

Mme Ikọ Idakisọn̄