Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 9;1-17

9  “O Israel, kûdat esịt.+ Kûnyụn̄ utiene mme owo udara.+ Koro afo ọmọkpọn̄ Abasi fo akanam use.+ Afo amama okụk akpara emi ẹkpede ke kpukpru ọtọ udịghi wheat.+  Ọtọ udịghi wheat ye obube unyịmi wine inọhọ mmọ se ẹdade ẹbọk idemmọ,+ edinem wine inyụn̄ idụhe.+  Mmọ ididụn̄ke aba ke isọn̄ Jehovah,+ ndien Ephraim ayafiak ọnyọn̄ Egypt,+ mmọ ẹyenyụn̄ ẹdia se idehede ke Assyria.+  Mmọ idikaha iso itọhọ wine iduọk inọ Jehovah.+ Mme uwa mmọ idinyụn̄ inemke enye esịt;+ mmọ ẹtie nte uyo ini mfụhọ+ ẹnọ mmọ; kpukpru mbon oro ẹtade enye ẹyesabade idemmọ. Koro uyo mmọ enyenede ukpọn̄ mmọ; enye ididụkke ufọk Jehovah.+  Nso ke mbufo ẹdinam ke usen esop ye ke usen usọrọ Jehovah?+  Koro, sese! mmọ ẹyewọrọ ẹka ke ntak nsobo.+ Egypt ayatan̄ mmọ obon ọtọkiet;+ Memphis+ oyonyụn̄ obụk mmọ ke isọn̄. Amaedi ndiye n̄kpọ silver mmọ, ntán ọyọkọri ofụk mmọ;+ eto n̄kukịm ọyọkọri ke mme tent mmọ.+  “Mme usen ke ẹdi eke ẹdiwọn̄ọrede enyịn ẹse mmọ;+ mme usen usiene ke ẹdi.+ Nditọ Israel ẹyefiọk.+ Prọfet eyedi ndisịme,+ owo emi adade odudu spirit etịn̄ ikọ ayadama idat ke ntak akpakịp ndudue fo,+ ye uwak usua.”  Owo ukpeme+ Ephraim okodu ye Abasi mi.+ Edi amaedi prọfet,+ afia omụm-inuen odu ke kpukpru usụn̄ esie;+ usua onyụn̄ odu ke ufọk Abasi esie.  Mmọ ẹnen̄ede ẹda nsobo ẹdi,+ nte ẹkenamde ke eyo Gibeah.+ Enye eyeti ndudue mmọ;+ enye eyetịn̄ enyịn ke mme idiọkn̄kpọ mmọ. 10  “Ami n̄kokụt Israel nte mfri vine ke wilderness.+ N̄kokụt mme ete ete mbufo nte akpa mfri fig ke eto fig ke ini emi enye ọtọn̄ọde-tọn̄ọ.+ Mmọ ẹma ẹka ẹbịne Baal Peor,+ ẹnyụn̄ ẹyak idem ẹnọ n̄kpọ o-bụt,+ ndien ẹkabade ẹdi mbubiam nte n̄kpọ oro mmọ ẹmade.+ 11  Amaedi Ephraim, ubọn̄ mmọ eyefe adaha nte edibotn̄kpọ emi efede,+ tutu uman idụhe aba, eyen isịneke aba ke idịbi, owo inyụn̄ iyomoke aba.+ 12  Koro okposụkedi mmọ ẹdibọkde nditọiren mmọ, ami nyowot nditọ mmọ tutu erenowo ndomokiet isụhọke;+ koro—mmọ ẹyenyene mbọm n̄ko ke ini ndiwọn̄ọrede n̄kpọn̄ mmọ!+ 13  Mmokụt ẹtọde Ephraim emi ebietde Tyre, ke in̄wan̄ mbiet ufene,+ Ephraim oyonyụn̄ osion̄o nditọ esie ọsọk owotowo.”+ 14  O Jehovah, nọ mmọ se afo edinọde mmọ.+ Nọ mmọ idịbi eke obụn̄ọde+ ye eba eke ẹfịmide. 15  “Ofụri idiọkido mmọ akada itie ke Gilgal,+ koro do ke n̄kasua mmọ.+ Ami nyebịn mmọ mfep ke ufọk mi ke ntak idiọkido mmọ.+ Ndimaha mmọ aba.+ Kpukpru mbọn̄ mmọ ẹsọn̄ ibuot.+ 16  Ẹyeyịbi Ephraim ẹwot.+ Orụn̄ mmọ ayasat.+ Mmọ idin̄wụmke mfri.+ N̄ko, edieke mmọ ẹmande nditọ, ami nyowot ndima mfri idịbi mmọ.”+ 17  Abasi mi+ eyesịn mmọ, koro mmọ mîkpan̄ke utọn̄ inọ enye,+ ndien mmọ ẹyekabade ẹdi nyon̄ ke otu mme idụt.+

Mme Ikọ Idakisọn̄