Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 8;1-14

8  “Sịn inua ke nnụk!+ Owo eyedi nte ntrukpom+ ndin̄wana ye ufọk Jehovah, koro mmọ ẹbiatde ediomi mi,+ ẹnyụn̄ ẹbiatde ibet mi.+  Ndien mmọ ẹseme ẹnọ mi ẹte, ‘O Abasi mi, nnyịn Israel, imọfiọk fi.’+  “Israel emebịn se ifọnde ọduọk.+ Yak asua ebịne enye.+  Mmọ ẹmemek ndidem,+ edi itoho mi. Mmọ ẹmemek mbọn̄, edi ami mfiọkke. Mmọ ẹmeda silver ye gold mmọ ẹnam mbiet+ ẹnọ idemmọ, man ẹsịbe mmọ ẹfep.+  O Samaria, ẹmetop eyen enan̄ fo ẹduọk.+ Iyatesịt mi ofiop etieti ye mmọ.+ Adan̄a didie ke mmọ mîdikemeke ndinam se inende?+  Koro emi n̄ko otode Israel.+ Anamutom usọ akanam enye,+ enye idịghe Abasi; koro eyen enan̄ Samaria ayasiaha mbai mbai.+  “Koro mmọ ẹtọde ofụm, mmọ ẹyedọk oyobio.+ Wheat ndomokiet idaha ke etak.+ Mbun̄wụm ndomokiet inọhọ ndomuyo.+ Edieke n̄kpọ ekededi on̄wụmde, isenowo ẹyemen enye ẹsịn ke idịbi.+  “Ana ẹmen Israel ẹsịn ke idịbi.+ Ke emi mmọ ẹyedu ke otu mme idụt,+ nte eso emi mînyeneke ufọn.+  Koro mmọ ẹdọkde ẹka Assyria+ nte zebra emi amade ndisan̄a ikpọn̄.+ Amaedi Ephraim, mmọ ẹkpe mme akpara.+ 10  N̄ko, okposụkedi mmọ ẹdade mmọ ke otu mme idụt man ẹkpe okụk,+ ami nyatan̄ mmọ mbon ọtọkiet; ndien mbiomo edidem ye mbọn̄ ẹyenam mmọ ẹdu ke ọkpọsọn̄ ubiak+ ke esisịt ini. 11  “Koro Ephraim anamde ediwak itieuwa man anam idiọkn̄kpọ.+ Enye emenyene mme itieuwa man anam idiọkn̄kpọ.+ 12  Mma n̄wet ediwak n̄kpọ ke ibet mi nnọ enye;+ mmọ ẹkese mmọ ke esen n̄kpọ.+ 13  Ndien mmọ ẹwa unam+ ke uwa emi ẹnọde mi, ẹnyụn̄ ẹta n̄kpọ eke Jehovah mîmaha.+ Ke emi enye eyeti ndudue mmọ onyụn̄ okot mmọ ẹdinam ibat ẹban̄a mme idiọkn̄kpọ mmọ.+ Mmọ ẹnyụn̄ ẹfiak ẹka Egypt.+ 14  Ndien Israel efre Andinam+ enye onyụn̄ ọbọp mme temple;+ Judah n̄ko ọbọp ediwak obio ibibene.+ Ami nditreke ndisịn ikan̄ ke mme obio esie ndien enye ayata mme tọwa ufọkidụn̄ mmọ kiet kiet.”+

Mme Ikọ Idakisọn̄