Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Hosea 6;1-11

6  “Mbufo ẹdi nnyịn ifiak itiene Jehovah,+ koro enye awaide mbai mbai,+ kpa enye edikọk nnyịn.+ Enye eyịbi nnyịn, kpa enye edibọp nde unan nnyịn.+  Ke usen iba ẹbede, enye ayanam nnyịn idu uwem.+ Ke ọyọhọ usen ita, enye ayanam nnyịn idaha ida, nnyịn iyonyụn̄ idu uwem ke iso esie.+  Ndien nnyịn iyọfiọk, iyonyụn̄ iyom ndifiọk Jehovah.+ Enye ọyọwọrọ ada+ nte usiere.+ Enye oyonyụn̄ esịm nnyịn nte edịm ukwọ;+ ye nte edịm ini utọ emi ebịtde isọn̄.”+  “O Ephraim, nso ke ndinam fi? O Judah, nso ke ndinam fi,+ ke emi ima-mfọnido mbufo ebietde ntuhube usenubọk ye mbara eke ọsọpde asat?  Oro esịn ndidade mme prọfet n̄kpen̄e mmọ;+ ndinyụn̄ ndade ikọ inua mi n̄wot mmọ.+ Ndien ikpe emi ẹbierede ẹnọ fi editie nte un̄wana oro asiahade.+  Koro ndat esịt ke ima-mfọnido,+ idịghe ke uwa;+ ye ke ifiọk Abasi utu ke ofụri edifọp uwa.+  Edi mmọ, ukem nte owo, ẹmebiat ediomi mi.+ Do ke mmọ ẹnam n̄kpọ abian̄a abian̄a ye ami.+  Gilead+ edi obio mme anam-ibak; nde ikpat mmọ edi iyịp.+  Mme oku ẹdi mbon n̄wo+ emi ẹdịbede ẹbet owo.+ Mmọ ẹmewot owo ke mbenusụn̄ Shechem,+ koro mmọ ẹnamde obukpo ido.+ 10  Mmokụt oburobụt n̄kpọ ke ufọk Israel.+ Ephraim amanam use do.+ Israel amasabade idemesie.+ 11  O Judah, ẹmenịm ini ukpen̄e ẹnọ fi, ke ini ndidade mbon oro ẹkemụmde nte mbuotekọn̄ ke otu ikọt mi nnyọn̄ ndi.”+

Mme Ikọ Idakisọn̄