Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 4;1-19

4  Mbufo nditọ Israel, ẹkop uyo Jehovah, koro Jehovah enyenede ikpe ye mme andidụn̄ isọn̄,+ koro akpanikọ+ ye ima-mfọnido ye ifiọk Abasi mîdụhe ke isọn̄.+  Isụn̄i+ ye abian̄a+ ye uwotowo+ ye uyịpinọ+ ye efịbe+ ẹmetara ẹsuana, uduọkiyịp onyụn̄ ọkọrọ ke uduọkiyịp.+  Ntak edi oro idụt emi edifụhọde,+ kpukpru mme andidụn̄ ke esịt ẹdinyụn̄ ẹbede ẹfep ọkọrọ ye mme unam ikọt ye edibotn̄kpọ emi efede ke enyọn̄, iyak ke inyan̄ ẹyenyụn̄ ẹkpan̄a.+  “Edi yak baba owo kiet okûn̄wana en̄wan,+ yak owo okûnyụn̄ asua ọnọ owo, koro ikọt fo ẹbietde mbon oro ẹn̄wanade ye oku.+  Ndien afo ayatuak ukot ọduọ ke uwemeyo,+ prọfet oyonyụn̄ etiene fi atuak ukot ọduọ nte owo ọduọde ke okoneyo.+ Ndien nyosobo eka fo mfep.+  Unana ifiọk oyosobo ikọt mi.+ Koro afo esịnde ifiọk,+ ami n̄ko nyesịn fi nte okûdi oku ọnọ mi;+ koro afo onyụn̄ efrede ibet Abasi fo,+ ami nyonyụn̄ mfre nditọiren fo.+  Adan̄a nte mme oku ẹwakde, kpa ntre ke mmọ ẹnam idiọkn̄kpọ ẹdue mi.+ Mmọ ẹnyụn̄ ẹsuene mi utu ke ndinọ mi ubọn̄.+  Mmọ ẹdia ẹto idiọkn̄kpọ ikọt mi, ukpọn̄ mmọ onyụn̄ ama ndudue mmọ.+  “Ndien se iditịbede inọ mme owo eyetịbe ọnọ oku;+ ndien nyanam mmọ ẹnam ibat ẹban̄a usụn̄ mmọ;+ nyonyụn̄ nsio mmọ usiene ke se mmọ ẹnamde.+ 10  Ndien mmọ ẹyedia n̄kpọ edi idikopke uyụhọ.+ Mmọ ẹyedan̄ ye iban nte ẹdan̄ ye akpara; edi mmọ iditọtke,+ koro mmọ ẹtrede ndikpono Jehovah.+ 11  Use ye wine ye edinem wine ẹbọ mmọ ifiọk.+ 12  Ikọt mi ke ẹbụp ndisọi mbiet mmọ n̄kpọ,+ esan̄ ubọk mmọ onyụn̄ etịn̄ ikọ ọnọ mmọ; koro spirit use anamde mmọ ẹyo ẹkpọn̄ usụn̄,+ use onyụn̄ anam mmọ ẹkpọn̄ Abasi mmọ.+ 13  Mmọ ẹwa uwa ke enyọn̄ ikpọ obot,+ ẹnyụn̄ ẹnam nsụn̄ikan̄ uwa+ ọwọrọ ọdọk ke enyọn̄ n̄kpri obot, ke idak akamba eto ye eto storax ye akwa eto, koro mfụt esie ọfọnde.+ Ntak edi oro nditọiban mbufo ẹnamde use, iban nditọ mbufo ẹnyụn̄ ẹsịnde efịbe. 14  “Ndikotke nditọiban mbufo ẹdinam ibat ke ntak oro mmọ ẹnamde use, ndinyụn̄ n̄kotke iban nditọ mbufo ẹdinam ibat ke ntak oro mmọ ẹsịnde efịbe. Koro irenowo ẹdian̄arede ẹketie ye mme akpara,+ ẹnyụn̄ ẹwade uwa ye iban akpara temple;+ ndien ẹyedịghi mbon oro ẹnanade ifiọk.+ 15  O Israel, okposụkedi afo anamde use,+ yak Judah okûnyene ubiomikpe,+ mbufo ẹkûnyụn̄ ẹdi ke Gilgal,+ ẹkûnyụn̄ ẹdọk ẹka ke Beth-aven,+ ẹkûnyụn̄ ẹtomo ẹte ‘Ma uwem Jehovah!’+ 16  Koro Israel ọsọn̄de ibuot nte ọsọn̄ibuot enan̄.+ Ndi idahaemi ke Jehovah edibọk mmọ nte abak okukịm erọn̄ ke ebiet emi atarade? 17  Ephraim adian idem ye ndisọi mbiet.+ Yak enye etie ke idemesie!+ 18  Beer mmọ oro ẹdade wheat ẹnam okụre,+ mmọ ẹnyụn̄ ẹdan̄ ye iban nte ẹdan̄ ye akpara.+ Mme andikpeme+ enye ẹnyụn̄ ẹma esuene etieti.+ 19  Ofụm ọbọp enye emen ke mba esie.+ Ndien mmọ ẹyekop bụt ẹban̄a mme uwa mmọ.”+

Mme Ikọ Idakisọn̄