Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Hosea 12;1-14

12  “Ephraim ọn̄wọn̄ ofụm+ onyụn̄ ebịne ofụm edem usiahautịn ofụri usen.+ Enye anam nsu ye n̄kanubọk ẹtọt.+ Mmọ ẹnyụn̄ ẹdụk ediomi ye Assyria,+ ẹnyụn̄ ẹda aran ẹsọk Egypt.  “Jehovah enyene ikpe ye Judah,+ oyonyụn̄ okot Jacob edinam ibat aban̄a mme usụn̄ esie;+ enye ọyọnọ enye usiene nte ekemde ye mme edinam esie.+  Ke ini okodude ke idịbi, enye omụm eyeneka esie nditịn̄ikpat,+ onyụn̄ ada ofụri odudu esie an̄wana ye Abasi.+  Ndien enye an̄wana ye angel tutu akan enye.+ Atua eyet, man eben̄e mfọn ọnọ idemesie.”+ Ke Bethel ke Abasi okokụt enye,+ kpa do ke Abasi eketịn̄ ikọ ọnọ nnyịn.+  Jehovah Abasi mme udịm,+ Jehovah edi enyịn̄ emi ẹdade ẹti enye.+  “Edi afo, fiak tiene Abasi fo,+ nyene ima-mfọnido+ nyụn̄ nam se inende;+ ndien dori enyịn ke Abasi fo kpukpru ini.+  Amaedi owo urua, nsunsu udomon̄kpọ ẹdu enye ke ubọk;+ enye amama nditụk owo.+  Ndien Ephraim osụk ọdọhọ ete, ‘Ke akpanikọ, mmakabade ndi owo inyene;+ mmọkọ mme ọsọn̄urua n̄kpọ nnọ idemmi.+ Ke ofụri ọkpọsọn̄ utom mi, mmọ idikwe ndudue eke edide idiọkn̄kpọ ke idemmi.’+  “Ami ndi Jehovah Abasi fo toto ke isọn̄ Egypt.+ Ndien nyanam fi odụn̄ ke mme tent ke mme usen oro ẹmekde ẹnịm. 10  Ndien ntịn̄ ikọ nnọ mme prọfet,+ nnyụn̄ nnọ ediwak n̄kukụt, nnyụn̄ nda inua mme prọfet n̄ke n̄ke.+ 11  “Oburobụt n̄kpọ+ ye n̄kpọ eke mîdịghe akpanikọ+ ẹdu ke Gilead. Mmọ ẹnyụn̄ ẹwa nyara enan̄ ke Gilgal.+ Akan oro, mme itieuwa mmọ ẹbiet mme ebok itiat ke mme ufan̄ ebono ke in̄wan̄.+ 12  Ndien Jacob efehe aka isọn̄ Syria,+ Israel+ onyụn̄ anam utom man ọbọ n̄wan,+ onyụn̄ ekpeme erọn̄ man ọbọ n̄wan.+ 13  Ndien Jehovah ada prọfet kiet osio Israel ke Egypt ọdọk,+ onyụn̄ ada prọfet ekpeme enye.+ 14  Ephraim anam Abasi ayat esịt etieti,+ iyịp emi enye ọduọkde ọyọkọbọ enye,+ Akwa Etubom esie oyonyụn̄ ada esuene esie osio enye usiene.”+

Mme Ikọ Idakisọn̄