Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 11;1-12

11  “Ke ini Israel ekedide eyenọwọn̄, mma mma enye,+ nnyụn̄ n̄kot eyen mi nsio ke Egypt.+  “Adan̄a nte ẹkekotde mmọ,+ ntre ke mmọ ẹkedaha ẹkpọn̄ mbon oro ẹkekotde mmọ.+ Mmọ ẹma ẹwa uwa ẹnọ ndisọi mbiet Baal,+ ẹnyụn̄ ẹnam nsụn̄ikan̄ uwa ọwọrọ ọdọk ọnọ ndisọi mbiet.+  Edi ami n̄kekpep Ephraim isan̄,+ nda ubọk mi mmụm mmọ;+ edi mmọ ifiọkke ite ke ami n̄kọkọk unan mmọ.+  N̄kada urụk owo ye urụk ima ndụri mmọ,+ tutu n̄kabade ntie ye mmọ nte mbon oro ẹkọn̄ọrede ọkpọnọ ke itọn̄* mmọ ẹfep,+ nda udia sụn̄sụn̄ nnọ mmọ kiet kiet.+  Enye idifiakke inyọn̄ isọn̄ Egypt, edi Assyria eyedi edidem esie,+ koro mmọ mîmaha ndifiak ntiene mi.+  Akan̄kan̄ oyofụn̄ akanade mme obio+ esie onyụn̄ abiat mme eto usịnusụn̄ esie efep, onyụn̄ osobo+ mmọ ke ntak uduak mmọ.+  Ikọt mi isụk iyomke ndinam akpanikọ nnọ mi.+ Ndien ẹkot mmọ ẹte ẹfiak ẹtiene Ata Edikon̄; baba owo kiet idahake ke enyọn̄.  “O Ephraim, n̄keme didie ndikpọn̄ fi?+ O Israel, n̄keme didie ndiyak fi nnọ?+ N̄keme didie ndinịm fi nte Admah?+ N̄keme didie ndinịm fi nte Zeboiim?+ Mmokpụhọ ekikere;+ mmonyụn̄ n̄kop mbọm etieti.  Ami ndiwụtke ikan̄-ikan̄ iyatesịt mi.+ Nditọn̄ọke aba ntak nsobo Ephraim mfep,+ koro ami ndide Abasi,+ ndịghe owo, ndi Edisana ke otu mbufo;+ ami ndidịghe ntiene mbufo ke iyatesịt. 10  Mmọ ẹyesan̄a ye Jehovah.+ Enye oyokụni nte ekpe;+ enye oyokụni,+ ndien nditọ ẹyeto edem usoputịn ẹdi ke nnyekidem.+ 11  Mmọ ẹyenyek ẹwọrọ nte inuen ke Egypt,+ ẹnyụn̄ ẹwọrọ nte ibiom ke isọn̄ Assyria;+ ndien nyanam mmọ ẹdụn̄ ke ufọk mmọ,” uyo Jehovah edi emi.+ 12  “Ephraim ada nsu akan mi okụk,+ ufọk Israel onyụn̄ ada abian̄a akan mi okụk. Edi Judah ke osụk asasan̄a ye Abasi,+ enye onyụn̄ anam akpanikọ ọnọ Ata Edisana.”

Mme Ikọ Idakisọn̄

At. Ed., “mban̄.”