Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 10;1-15

10  “Israel edi mbiara vine.+ Enye osụk on̄wụm mfri ọnọ idemesie.+ Adan̄a nte mfri esie awakde ntre ke enye anam itieuwa+ esie awak. Adan̄a nte mbun̄wụm isọn̄ esie ọfọnde, ntre ke mmọ ẹwụk nti adaha.+  Esịt mmọ ọyọhọ ye mbubịk;+ ke emi ẹyebiom mmọ ikpe. “Odu enye emi ediwụride mme itieuwa mmọ; enye ayabiat mme adaha mmọ.+  Ndien mmọ ẹyedọhọ ke emi ẹte, ‘Nnyịn inyeneke edidem,+ koro nnyịn mîbakke Jehovah. Amaedi edidem, nso ke enye edinam ọnọ nnyịn?’  “Mmọ ẹtịn̄ ikpîkpu ikọ, ẹda un̄wọn̄ọ ke nsu,+ ẹdiomi ediomi;+ ukwan̄ikpe onyụn̄ asiaha nte eto ibọkn̄kpa ke mme ufan̄ ebono ke in̄wan̄.+  Ndien mme andidụn̄ Samaria ẹyekop ndịk ke ntak mbiet eyen enan̄ Beth-aven;+ koro ikọt esie ẹyefụhọ ẹban̄a enye, ọkọrọ ye mme oku esen abasi esie emi ẹkesidatde esịt ẹban̄a enye, ke ntak ubọn̄ esie, koro enye adahade ọkpọn̄ enye aka ntan̄mfep.+  Ndien owo ayada enye ọsọk akwa edidem nte enọ ke Assyria.+ Bụt ayanam Ephraim,+ Israel oyonyụn̄ okop bụt aban̄a item esie.+  Ẹyesobo Samaria ye edidem esie ẹfep,+ nte ekpri n̄kọketo eke ẹsịbede ẹduọk ke enyọn̄ mmọn̄.  Ẹyesobo mme edikon̄ ebiet Beth-aven,+ kpa idiọkn̄kpọ Israel,+ ẹfep. N̄kukịm ye mbaraekpe+ ẹyetịbe ke mme itieuwa mmọ.+ Ndien mme owo ẹyedọhọ ikpọ obot ẹte, ‘Mbufo ẹfụk nnyịn!’ ẹnyụn̄ ẹdọhọ n̄kpri obot ẹte, ‘Ẹduọn̄ọ ẹfụk nnyịn!’+  “O Israel, afo amanam idiọkn̄kpọ+ toto ke eyo Gibeah.+ Do ke mmọ ẹkesụk ẹtuak ẹda. Ekọn̄ oro ẹken̄wanade ke Gibeah ye nditọ ukwan̄ido ikesịmke mmọ.+ 10  Ami nyotụnọ mmọ ke ini eke nyomde.+ Ndien mme owo ẹyesop idem ndin̄wana ye mmọ ke ini ẹdibọpde mmọ ẹdian ye ndudue mmọ mbiba.+ 11  “Ephraim ekedi eyen enan̄ oro ẹnọde ukpep, emi amade ndidịghi wheat;+ ndien ami mma nsan̄a mbe ediye itọn̄ esie. Nnam owo odoro ke Ephraim awat.+ Judah oyofụn̄ isọn̄;+ Jacob oyonyụn̄ ọdiọn̄ isọn̄+ ọnọ enye. 12  Ẹsuan n̄kpasịp ẹnọ idem mbufo ke edinen ido;+ ẹdọk ke ima-mfọnido.+ Ẹfụn̄ isọn̄ eke ọfọnde n̄kpọ ẹnọ idem mbufo,+ ke adan̄aemi ini osụk odude ndiyom Jehovah tutu enye edi+ editeme mbufo edinen ido.+ 13  “Mbufo ẹmetọ idiọkido.+ Mbufo ẹmenyụn̄ ẹdọk ukwan̄ido.+ Mbufo ẹmedia mbun̄wụm abian̄a,+ koro mbufo ẹbuọtde idem ke usụn̄ mbufo,+ ke ediwak n̄kpọsọn̄ owo mbufo.+ 14  Ndien ndutịme emetịbe ke otu ikọt mbufo,+ ẹmenyụn̄ ẹbụme mme obio ibibene mbufo,+ kpa nte Shalman okobụmede ufọk Arbel, ke usen ekọn̄ ke ini ẹkekpokde eka n̄ken̄e n̄ken̄e ọkọrọ ye nditọ esie.+ 15  O Bethel, ntem ke ẹdinam ye mbufo, ke ntak akwa idiọkn̄kpọ mbufo.+ Owo iditreke ndisịbe edidem Israel mfep ke usiere.”+

Mme Ikọ Idakisọn̄