Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Hosea 1;1-11

1  Emi edi uyo Jehovah+ oro ekesịmde Hosea+ eyen Beeri ke eyo+ Uzziah+ ye Jotham+ ye Ahaz+ ye Hezekiah,+ ndidem Judah, ye ke eyo Jeroboam+ eyen Joash,+ edidem Israel.  Ndien Jehovah ọtọn̄ọ ndida Hosea ntịn̄ ikọ, Jehovah onyụn̄ ọdọhọ Hosea ete: “Ka+ kada n̄wan use nyụn̄ da nditọ use nyene, koro idụt emi ọwọn̄ọrede ọkpọn̄ Jehovah ke ntak use.”+  Ndien enye aka akada Gomer eyen Diblaim ọdọ, ndien enye oyomo onyụn̄ aman eyeneren ọnọ enye.+  Jehovah onyụn̄ ọdọhọ enye ete: “Sio enye enyịn̄ Jezreel,+ koro osụk esisịt mmọn̄ nnam ufọk Jehu+ ẹnam ibat ẹban̄a iyịp oro ẹduọkde ke Jezreel, nnyụn̄ nnam ubọn̄ ufọk Israel etre.+  Ndien ke usen oro nyobụn̄ utịgha+ Israel ke unaisọn̄ itịghede Jezreel.”  Ndien enye ọtọn̄ọ ntak oyomo onyụn̄ aman eyenan̄wan. Ndien Abasi ọdọhọ enye ete: “Sio enye enyịn̄ Lo-ruhamah,+ koro mmendituaha aba ufọk Israel mbọm+ ndinyụn̄ ntreke ndibịn mmọ mfep.+  Edi nyatua ufọk Judah mbọm,+ nyonyụn̄ nda odudu Jehovah Abasi mmọ nnyan̄a mmọ;+ edi ndidaha utịgha, m̀mê akan̄kan̄, m̀mê ekọn̄, m̀mê enan̄-mbakara, m̀mê mme awat enan̄-mbakara, nnyan̄a mmọ.”+  Ekem enye osio Lo-ruhamah ke eba, ndien oyomo onyụn̄ aman eyeneren.  Ndien Abasi ọdọhọ enye ete: “Sio enye enyịn̄ Lo-ammi, koro mbufo mîdịghe ikọt mi, ami ndinyụn̄ ndịghe eke mbufo. 10  “Ndien ibat nditọ Israel ayawak nte ntan inyan̄ oro owo mîkemeke ndibat.+ Ndien ke ebiet emi ẹkesidọhọde mmọ ẹte, ‘Mbufo idịghe ikọt mi,’+ ẹyekot mmọ, ‘Nditọ odu-uwem Abasi.’+ 11  Ndien nditọ Judah ye nditọ Israel ẹyesop idem ọtọkiet,+ ẹnyụn̄ ẹmek etubom kiet ẹnọ idemmọ ẹnyụn̄ ẹdọk ẹwọrọ ke obio,+ koro usen Jezreel edidi akwa usen.+

Mme Ikọ Idakisọn̄