Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Haggai 2;1-23

2  Ke ọyọhọ ọfiọn̄ itiaba,+ ke ọyọhọ usen edịp ye kiet ke ọfiọn̄ oro, uyo Jehovah oto prọfet Haggai+ ọdọhọ ete:  “Mbọk, dọhọ Zerubbabel+ eyen Shealtiel+ kpa andikara Judah,+ ye Joshua+ eyen Jehozadak+ akwa oku, ye mmọ emi ẹsụhọde, ete,  ‘Anie ke otu mbufo emi ẹsụhọde okokụt ubọn̄ ufọk emi ke akpa?+ Mbufo ẹnyụn̄ ẹkụt enye didie idahaemi? Nte enye edi n̄kpọ ndomokiet ke ẹmende ẹdomo ye eke akpa oro?’+  Jehovah ọdọhọ ete: “‘O Zerubbabel, kop odudu,+ O Joshua eyen Jehozadak akwa oku, kop odudu.’” Jehovah ọdọhọ ete: “‘Mbufo kpukpru mbio obio, ẹkop odudu n̄ko, ẹnyụn̄ ẹnam utom.’+ “‘Koro ami ndude ye mbufo,’+ emi edi uyo Jehovah mme udịm.  ‘Mbufo ẹti ediomi oro n̄kodiomide ye mbufo ke ini mbufo ẹketode Egypt ẹwọn̄ọ,+ ye ke ini oro spirit mi+ okodude ye mbufo. Mbufo ẹkûfehe ndịk.’”+  “Koro ntem ke Jehovah mme udịm ọdọhọ ete, ‘Osụk kan̄a ini kiet—esisịt ini+—ndien ami mmọn̄ nnyen̄e enyọn̄ ye isọn̄ ye inyan̄ ye obot.’+  “‘Ndien nyenyen̄e kpukpru mme idụt, ndien ndiye n̄kpọ emi ẹtode kpukpru mme idụt ẹyedụk ẹdi;+ ndien ami nyada ubọn̄ nyọhọ ufọk emi,’+ Jehovah mme udịm ọdọhọ.  “‘Silver edi okịm, gold onyụn̄ edi okịm,’+ Jehovah mme udịm ọdọhọ.  “‘Ubọn̄ ukperedem ufọk emi oyokpon akan eke akpa,’+ Jehovah mme udịm ọdọhọ. “‘Ndien ami nyesịn emem ke ebiet emi,’+ Jehovah mme udịm ọdọhọ.” 10  Ke ọyọhọ usen edịp ye inan̄ ke ọyọhọ ọfiọn̄ usụkkiet, ke ọyọhọ isua iba emi Darius akarade, uyo Jehovah esịm prọfet Haggai,+ ete: 11  “Ntem ke Jehovah mme udịm ọdọhọ ete, ‘Mbọk, bụp mme oku ban̄a ibet,+ ete: 12  “Edieke owo esịnde edisana obụk unam ke isọn̄ọfọn̄ esie, ndien isọn̄ọfọn̄ oro otụk uyo m̀mê udia eke ẹtemde m̀mê wine m̀mê aran m̀mê orụk udia ekededi, nte n̄kpọ oro ayakabade edi edisana?”’”+ Ndien mme oku ẹbọrọ ẹte: “Ihih!” 13  Ndien Haggai ọdọhọ ete: “Edieke owo emi ukpọn̄ eke akpade asabarede otụkde ekededi ke otu mme n̄kpọ emi, nte n̄kpọ oro eyedehe?”+ Ndien mme oku ẹbọrọ ẹte: “Enye eyedehe.” 14  Ndien Haggai ọdọhọ ete: “‘Ntem ke mbon emi ẹtie, ntem ke idụt emi onyụn̄ etie ke iso mi,’+ uyo Jehovah edi emi, ‘ntem ke kpukpru utom ubọk mmọ ẹnyụn̄ ẹtie, ye se ededi eke mmọ ẹwade do. Enye emedehe.’+ 15  “‘Ndien, ke emi, mbọk, mbufo ẹtịm ẹkere+ n̄kpọ emi ọtọn̄ọde ke mfịn emi ka iso, ẹkere nte n̄kpọ ẹketiede mbemiso ẹkedoride itiat ke enyọn̄ itiat ke temple Jehovah,+ 16  ọtọn̄ọde ke ini emi mme n̄kpọ oro ẹketịbede—owo aka itie emi ebok edịp okpodude, ndien duop odu; owo aka obube unyịmi wine ndikoi aban̄ wine aba ye duop, ndien edịp odu;+ 17  N̄kada ufiop eyo+ ye mfụt+ ye edịm itiat+ mmia mbufo, ye kpukpru se ubọk mbufo ẹnamde,+ edi mbufo iwọn̄ọkede itiene mi,’+ uyo Jehovah edi emi— 18  “‘Mbọk, mbufo ẹtịm ẹkere+ n̄kpọ emi, ọtọn̄ọde ke mfịn emi ka iso, ọtọn̄ọde ke ọyọhọ usen edịp ye inan̄ ke ọyọhọ ọfiọn̄ usụkkiet, onyụn̄ ọtọn̄ọde ke usen emi ẹkesịnde itiat idakisọn̄ temple Jehovah;+ mbufo ẹtịm ẹkere n̄kpọ emi: 19  Nte n̄kpasịp odu kan̄a ke obube udọn̄ n̄kpasịp?+ Ndien nte vine ye fig ye pomegranate ye olive—ẹn̄wụm kan̄a? Ọtọn̄ọde ke mfịn emi, ami nyọdiọn̄ mbufo.’”+ 20  Ndien uyo Jehovah ọtọn̄ọ ntak esịm Haggai+ ke ọyọhọ usen edịp ye inan̄ ke ọfiọn̄ oro,+ ete: 21  “Dọhọ Zerubbabel andikara Judah+ ete, ‘Ami mmọn̄ nnyen̄e ikpaenyọn̄ ye isọn̄.+ 22  Ndien ami mmọn̄ n̄wụri mme ebekpo ukara nnyụn̄ nsobo odudu ukara mme idụt;+ mmọn̄ nnyụn̄ nnụk mme chariot ye mme andiwat mmọ nduọn̄ọ, enan̄-mbakara ye mme andiwat mmọ ẹyeduọn̄ọ,+ owo kiet kiet ke akan̄kan̄ eyenete esie.’”+ 23  Ntem ke Jehovah mme udịm ọdọhọ ete: “‘Ke usen oro ami nyada fi O Zerubbabel+ eyen Shealtiel,+ asan̄autom mi,’ uyo Jehovah edi emi; ‘ami nyonyụn̄ nnịm fi nte n̄kpanuen ufịk idiọn̄ọ,+ koro afo edide enye emi ami mmekde,’+ ntem ke Jehovah mme udịm ọdọhọ.”+

Mme Ikọ Idakisọn̄