Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Habakkuk 1;1-17

1  Etop oro ẹkenọde prọfet Habakkuk ke n̄kukụt:  O Jehovah, adan̄a didie ke nditua nyom un̄wam, ndien afo ukopke?+ Adan̄a didie ke ndiseme n̄kot fi nyom un̄wam man mbọhọ afai, ndien afo unyan̄ake?+  Ntak emi afo anamde mi n̄kụt se idiọkde, onyụn̄ osụk esede idiọkido? Ntak emi nsobo ye afai ẹdude mi ke iso, ntak emi utọk onyụn̄ odude, ntak emi en̄wan onyụn̄ odude?+  Ntem ibet omokpu, unenikpe inyụn̄ idụhe.+ Koro mme idiọkowo ẹkande nti owo ẹkụk, mmọdo ẹkwan̄ade ikpe.+  “Mbufo ẹse ke otu mme idụt, ẹnyụn̄ ẹtịn̄ enyịn, ẹnyụn̄ ẹse kiet eken ke n̄kpaidem.+ Yak idem akpa mbufo; koro odu n̄kpọ emi owo anamde ke eyo mbufo, emi mbufo mîdinịmke ke akpanikọ, idem ẹkpetetịn̄.+  Koro ami mmọn̄ nnam mbon Chaldea ẹdaha ẹda,+ kpa idụt emi ayatde esịt onyụn̄ ọsọpde usọp, emi akade ntan̄wan̄ ebiet ke isọn̄ man ọkọbọ mme itieidụn̄ emi mîdịghe esiemmọ ada enyene.+  Idụt emi enyene ndịk onyụn̄ enyene uten̄e. Ikpe esie ye uku esie ẹto enye ke idem ẹwọrọ.+  Mme enan̄-mbakara esie ẹsọp ẹkan mme anawụri ekpe, mmọ ẹnyụn̄ ẹnyene ndịk ẹkan mme wolf+ emi ẹwọrọde ke mbubreyo. Enan̄-mbakara ekọn̄ esie ẹnyụn̄ ẹfrọ ke isọn̄, mmọ ẹnyụn̄ ẹto anyan ebiet ẹdi. Mmọ ẹfe ẹsọp nte ntrukpom emi oyomde se atade.+  Enye enen̄ede edi ndinam afai.+ Mmọ ẹkama iso nte ofụm edem usiahautịn,+ ẹnyụn̄ ẹwobi mbuotekọn̄ nte ntan. 10  Ndien enye asak ndidem nsahi, ikpọ owo ẹnyụn̄ ẹdi n̄kpọ imam ẹnọ enye.+ Enye onyụn̄ asak kpukpru mme ebiet ukpeme,+ onyụn̄ ekịbi ebok ntan, ndien ada enyene. 11  Adan̄aoro enye ayaka iso iso nte ofụm onyụn̄ asan̄a ebe tutu enyene ubiomikpe.+ Odudu esie emi oto abasi esie.”+ 12  O Jehovah, nte afo udụhe toto ko?+ O Abasi mi, afo emi edide Edisana, afo ukpaha.+ O Jehovah, afo enịm enye ọnọ ubiereikpe; O Akwa Itiat,+ afo onyụn̄ enịm enye ọnọ nsuannọ.+ 13  Enyịn fo asana akaha ndikụt se idiọkde; afo unyụn̄ ukemeke ndise idiọkido.+ Ntak emi afo esede mbon abian̄a,+ onyụn̄ odopde uyo ke ini idiọkowo osobode owo emi enende akan enye?+ 14  Ndien ntak emi afo anamde owo ebiet mme iyak ke inyan̄, onyụn̄ ebiet mme n̄kpọ eke ẹnyọnide emi mînyeneke andikara?+ 15  Idiọkowo ada uwam omụm kpukpru mmọ;+ ada iyịre odụri mmọ osion̄o, onyụn̄ ada iyịre esie omụm mmọ obon.+ Ntak edi oro enye adarade onyụn̄ adatde esịt.+ 16  Ntak edi oro enye awade uwa ọnọ iyịre esie onyụn̄ anamde nsụn̄ikan̄ uwa ọwọrọ ọdọk ọnọ iyịre esie; koro oto mmọ udeme esie enyene ikpọn̄, udia esie onyụn̄ enyene isek.+ 17  Nte oro edi ntak emi enye edin̄wan̄ade iyịre esie, nte enye edidọdiọn̄ owot mme idụt, idinyụn̄ ituaha mbọm?+

Mme Ikọ Idakisọn̄