Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 8;1-22

8  Ekem Abasi eti+ Noah ye kpukpru unam ikọt ye kpukpru ufene oro ẹdude ye enye ke ubom,+ ndien Abasi anam ofụm efịme ke iso isọn̄, mmọn̄ onyụn̄ ọtọn̄ọ nditek.+  Ndien idịm akwa akpa mmọn̄+ ye window+ ikpaenyọn̄ ẹsịre, ndien ọkpọsọn̄ edịm oro ekedepde ebiere.  Ekem mmọn̄ ọtọn̄ọ nditek ke isọn̄ onyụn̄ etek sụn̄sụn̄; ndien ke utịt usen ikie ye aba ye duop mmọn̄ ke okosụk asasat.+  Ndien ke ọyọhọ usen efịteba, ke ọyọhọ ọfiọn̄ itiaba, ubom+ edidoro ke mme obot Ararat.+  Ndien mmọn̄ etek sụn̄sụn̄ tutu esịm ọyọhọ ọfiọn̄ duop. Ndien ke ọyọhọ ọfiọn̄ duop, ke akpa usen ke ọfiọn̄ oro, mme etịn̄e obot ẹwọrọ ẹda.+  Ntre ke usen aba ẹma ẹkebe Noah eberede window+ ubom oro enye ọkọkọn̄de.  Ekem enye osio raven+ ọdọn̄, enye onyụn̄ efe ke an̄wa, aka afiak edi, tutu mmọn̄ asat ama ke isọn̄.  Ekem enye osio ibiom+ ọdọn̄ ete ise m̀mê mmọn̄ emetek ke iso isọn̄.  Edi ibiom oro ikwe ebiet eke enye ọsọrọde, ntem enye afiak ebịne enye ke ubom koro mmọn̄ okosụk odude ke iso ofụri isọn̄.+ Ntre enye anyan ubọk omụm ibiom oro esịn ke ubom. 10  Ndien enye ebet ke usen itiaba efen, ekem enye afiak osio ibiom ke ubom ọdọn̄. 11  Ekem ibiom afiak ebịne enye ke mbubreyo, edi sese! enye efịbe nsehe ikọn̄ olive+ ke inua, ndien Noah ọfiọk ke mmọn̄ emetek ke isọn̄.+ 12  Ndien enye ebet ke usen itiaba efen. Ekem enye osio ibiom ọdọn̄, edi enye ifiakke aba idi.+ 13  Edikem ke ọyọhọ isua ikie itiokiet ye kiet,+ ke akpa ọfiọn̄, ke akpa usen ke ọfiọn̄ oro, mmọn̄ asat ke isọn̄; ndien Noah ofụhọde ọkọm ubom ndien sese mmọn̄ ama asat ke iso isọn̄.+ 14  Ndien ke ọyọhọ usen edịp ye itiaba, ke ọyọhọ ọfiọn̄ iba, isọn̄ asat ofụri ofụri.+ 15  Ndien Abasi ọdọhọ Noah ete: 16  “Wọrọ ke ubom, afo ye n̄wan fo ye nditọiren fo ye iban nditọiren fo.+ 17  Sion̄o kpukpru odu-uwem edibotn̄kpọ, oro edi, kpukpru orụk obụkidem,+ eke ẹdude ye afo, ye kpukpru mme edibotn̄kpọ emi ẹfede+ ye unam ikọt+ ye kpukpru se inyọnide ke isọn̄,+ koro mmọ ẹnyene ndisiaha, ntọt nnyụn̄ n̄wak ke isọn̄.”+ 18  Ntre Noah ye nditọiren esie+ ye n̄wan esie ye iban nditọiren esie ẹwọn̄ọ. 19  Kpukpru odu-uwem edibotn̄kpọ ye se inyọnide ke isọn̄ ye kpukpru mme edibotn̄kpọ emi ẹfede ye kpukpru se isan̄ade ke isọn̄ ẹwọn̄ọ ke ubom ke orụk ke orụk.+ 20  Ndien Noah anam itieuwa+ ọnọ Jehovah onyụn̄ ada ndusụk ke otu kpukpru unam eke ẹdide ndisana+ ye kpukpru mme edibotn̄kpọ emi ẹfede emi ẹdide ndisana+ ọfọp edifọp uwa ke itieuwa oro.+ 21  Ndien Jehovah okop edinem utebe,+ Jehovah onyụn̄ ọdọhọ ke esịt+ esie ete: “Nditọn̄ọke aba ntak nsụn̄i isọn̄+ ke ntak owo, koro ekikere+ esịt owo ọdiọkde toto ke uyen;+ ndinyụn̄ ntọn̄ọke aba ntak nsobo kpukpru se idude uwem kpa nte n̄kanamde.+ 22  Ke ofụri ini emi isọn̄ edidude, utọ ye idọk, tuep ye ufiop, ndaeyo ye ukwọ edịm, uwemeyo ye okoneyo, iditreke.”+

Mme Ikọ Idakisọn̄