Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 7;1-24

7  Ekem Jehovah ọdọhọ Noah ete: “Afo ye ofụri ufọk fo,+ ẹka ẹkedụk ubom, koro afo ke n̄kụt nte enende ke enyịn mi ke otu mbon emana emi.+  Da kpukpru unam eke ẹdide edisana itiaba itiaba, ayara ye uman;+ nyụn̄ da kpukpru unam eke mîdịghe edisana iba iba, ayara ye uman;  ye mme edibotn̄kpọ emi ẹfede ke enyọn̄, itiaba itiaba, ayara ye uman,+ man enịm orụk mmọ uwem ke iso ofụri isọn̄.+  Koro osụk kan̄a usen itiaba, ami mmọn̄ nnam edịm edep+ ke isọn̄ uwemeyo aba ye okoneyo aba;+ nyonyụn̄ nsọhi kpukpru se idude uwem oro n̄kanamde mfep ke iso isọn̄.”+  Ndien Noah anam kpukpru se Jehovah eketemede enye.  Noah ekedi isua ikie itiokiet ke ini ukwọ mmọn̄ okodude ke isọn̄.+  Ntre Noah ye nditọiren esie ye n̄wan esie ye iban nditọiren esie ẹdụk ubom mbemiso mmọn̄ ukwọ+ ọtọn̄ọde.  Kpukpru unam eke ẹdide edisana ye kpukpru unam eke mîdịghe edisana ye mme edibotn̄kpọ emi ẹfede ye kpukpru se inyọnide ke isọn̄,+  ẹsan̄a iba iba, ayara ye uman, ẹdụk ẹtiene Noah ke esịt ubom, kpa nte Abasi eketemede Noah. 10  Ndien edikem ke ọyọhọ usen itiaba mmọn̄ ukwọ ọtọn̄ọ ndidep ke isọn̄. 11  Ndien ke ọyọhọ isua uwem Noah ikie itiokiet, ke ọyọhọ usen efịteba, ke ọyọhọ ọfiọn̄ iba, usen oro ke kpukpru idịm akwa akpa mmọn̄ ẹkesịrede, ẹnyụn̄ ẹberede+ window ikpaenyọn̄. 12  Ndien ọkpọsọn̄ edịm edep ke isọn̄ uwemeyo aba ye okoneyo aba.+ 13  Kpa ke usen emi Noah, ye Shem ye Ham ye Japheth, nditọiren Noah,+ ọkọrọ ye n̄wan Noah ye iban nditọiren esie ita, ẹdụk ubom;+ 14  mmọ ye kpukpru unam ikọt ke orụk+ mmọ, ye kpukpru ufene ke orụk mmọ,+ ye kpukpru unam eke ẹnyọnide ke isọn̄ ke orụk mmọ, ye kpukpru mme edibotn̄kpọ emi ẹfede ke orụk+ mmọ, ye kpukpru inuen, ye kpukpru edibotn̄kpọ emi ẹnyenede mba.+ 15  Ndien kpukpru orụk obụkidem emi odudu uwem+ odude mmọ ke idem ẹsan̄a iba iba ẹdụk ẹtiene Noah ke ubom. 16  Ndien mmọ oro ẹdụkde, ayara ye uman ke kpukpru orụk obụkidem, ẹdụk kpa nte Abasi eketemede enye. Ekem Jehovah eberi usụn̄ ubom abaha enye.+ 17  Ndien ukwọ odu ke isọn̄ ke usen aba, mmọn̄ onyụn̄ ọdọdiọn̄ ọdọk ọtọn̄ọ ndimen ubom, ndien enye ọfiọrọ ọdọk ọkpọn̄ isọn̄. 18  Ndien mmọn̄ enen̄ede okon̄ onyụn̄ okpon etieti ke isọn̄, edi ubom ọfiọrọ ke enyọn̄ mmọn̄.+ 19  Ndien mmọn̄ enen̄ede okpon ke isọn̄ tutu ofụk kpukpru mme obot emi ẹdude ke idak ikpaenyọn̄.+ 20  Mmọn̄ okon̄ akan mmọ ke cubit efịt onyụn̄ ofụk+ mme obot emi. 21  Ndien kpukpru obụkidem eke ẹdude ke isọn̄ ẹkpan̄a,+ oro edi, mme edibotn̄kpọ emi ẹfede ye ufene ye unam ikọt ye kpukpru se isan̄ade ke otu ke isọn̄, ye kpukpru owo.+ 22  Kpukpru n̄kpọ oro ibifịk uwem odude mmọ ke odudu ibuo, oro edi, kpukpru se idude ke edisat isọn̄, ẹkpan̄a.+ 23  Ntem ke enye ọsọhi kpukpru se idude uwem emi ẹdude ke iso isọn̄ efep,+ ọtọn̄ọde ke owo tutu esịm unam, ye unam eke ẹnyọnide ye edibotn̄kpọ emi efede ke enyọn̄, ndien ẹsọhi mmọ ẹfep ke isọn̄; ndien edi Noah ye mmọ oro ẹdude ye enye ke ubom kpọt ẹkebọhọ.+ 24  Ndien mmọn̄ ofụk isọn̄ ke usen ikie ye aba ye duop.

Mme Ikọ Idakisọn̄