Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 5;1-32

5  Emi edi n̄wed mbụk emana Adam. Ke usen emi Abasi obotde Adam, Enye anam enye ke mbiet Abasi.+  Enye obot mmọ eren ye n̄wan.+ Ekem enye ọdiọn̄ mmọ onyụn̄ okot mmọ Owo+ ke usen emi enye okobotde mmọ.+  Ndien Adam odu uwem isua ikie ye edịp ye duop. Ndien enye obon eyen ke mbiet esie, etie nte enye, onyụn̄ osio enye enyịn̄ Seth.+  Ndien ke Adam ama okobon Seth, enye odu uwem isua ikie itiaita. Enye onyụn̄ obon nditọiren ye nditọiban.+  Ntre ofụri isua uwem Adam edi isua ikie usụkkiet ye edịp ye duop ndien enye akpa.+  Ndien Seth odu uwem isua ikie ye ition. Ekem enye obon Enosh.+  Ndien ke Seth ama okobon Enosh, enye odu uwem isua ikie itiaita ye itiaba. Enye onyụn̄ obon nditọiren ye nditọiban.  Ntre ofụri isua uwem Seth edi isua ikie usụkkiet ye duopeba ndien enye akpa.  Ndien Enosh odu uwem isua anan̄ ye duop. Ekem enye obon Kenan.+ 10  Ndien ke Enosh ama okobon Kenan, enye odu uwem isua ikie itiaita ye efịt. Enye onyụn̄ obon nditọiren ye nditọiban. 11  Ntre ofụri isua uwem Enosh edi isua ikie usụkkiet ye ition ndien enye akpa. 12  Ndien Kenan odu uwem isua ata ye duop. Ekem enye obon Mahalalel.+ 13  Ndien ke Kenan ama okobon Mahalalel, enye odu uwem isua ikie itiaita ye aba. Enye onyụn̄ obon nditọiren ye nditọiban. 14  Ntre ofụri isua uwem Kenan edi isua ikie usụkkiet ye duop ndien enye akpa. 15  Ndien Mahalalel odu uwem isua ata ye ition. Ekem enye obon Jared.+ 16  Ndien ke Mahalalel ama okobon Jared, enye odu uwem isua ikie itiaita ye edịp ye duop. Enye onyụn̄ obon nditọiren ye nditọiban. 17  Ntre ofụri isua uwem Mahalalel edi isua ikie itiaita ye anan̄ ye efịt ndien enye akpa. 18  Ndien Jared odu uwem isua ikie ye ata ye iba. Ekem enye obon Enoch.+ 19  Ndien ke Jared ama okobon Enoch, enye odu uwem isua ikie itiaita. Enye onyụn̄ obon nditọiren ye nditọiban. 20  Ntre ofụri isua uwem Jared edi isua ikie usụkkiet ye ata ye iba ndien enye akpa. 21  Ndien Enoch odu uwem isua ata ye ition. Ekem enye obon Methuselah.+ 22  Ndien ke Enoch ama okobon Methuselah, enye asan̄a ye ata Abasi ke isua ikie ita. Enye onyụn̄ obon nditọiren ye nditọiban. 23  Ntre ofụri isua uwem Enoch edi isua ikie ita ye ata ye ition. 24  Ndien Enoch asan̄a+ ye ata Abasi.+ Ekem enye idụhe aba, koro Abasi ekemende enye efep.+ 25  Ndien Methuselah odu uwem isua ikie ye anan̄ ye itiaba. Ekem enye obon Lamech.+ 26  Ndien ke Methuselah ama okobon Lamech, enye odu uwem isua ikie itiaba ye anan̄ ye iba. Enye onyụn̄ obon nditọiren ye nditọiban. 27  Ntre ofụri isua uwem Methuselah edi isua ikie usụkkiet ye ata ye usụkkiet ndien enye akpa. 28  Ndien Lamech odu uwem isua ikie ye anan̄ ye iba. Ekem enye obon eyeneren. 29  Ndien osio enye enyịn̄ Noah,+ ete: “Eyen emi ọyọnọ nnyịn ndọn̄esịt ke utom ye ubiak ubọk nnyịn emi otode isọn̄ emi Jehovah okosụn̄ide.”+ 30  Ndien ke Lamech ama okobon Noah, enye odu uwem isua ikie ition ye anan̄ ye efịt. Enye onyụn̄ obon nditọiren ye nditọiban. 31  Ntre ofụri isua uwem Lamech edi isua ikie itiaba ye ata ye efịteba ndien enye akpa. 32  Ndien Noah odu uwem isua ikie ition. Ekem Noah obon Shem,+ Ham+ ye Japheth.+

Mme Ikọ Idakisọn̄