Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 40;1-23

40  Edikem ke n̄kpọ emi ama ekebe, akama cup+ edidem Egypt ye asan̄uyo ẹdue ọbọn̄ mmọ, edidem Egypt.+  Ndien Pharaoh ayat esịt ye mme adaidaha esie iba emi,+ etubom mme akama cup ye etubom mme asan̄uyo.+  Ntem enye esịn mmọ ke ufọk-n̄kpọkọbi emi odude ke ufọk etubom mbon ukpeme,+ ke ebiet emi ẹkekọbide Joseph.+  Ndien etubom mbon ukpeme anam Joseph odu ye mmọ man asan̄a utom ọnọ mmọ;+ ndien mmọ ẹdu ke ufọk-n̄kpọkọbi ke ndusụk usen.   Ndien mmọ mbiba, akama cup ye asan̄uyo edidem Egypt emi ẹdude ke ufọk-n̄kpọkọbi,+ ẹdaba ndap+ ke okoneyo kiet,+ ndap mmọ kiet kiet onyụn̄ ọwọrọ nsio nsio n̄kpọ.+  Ke ini Joseph odụkde edi ke usenubọk ndise mmọ, enye okụt mmọ, ndien sese, mmọ ẹtie mfụhọ mfụhọ.+  Ndien enye obụp mme adaidaha Pharaoh emi ẹdude ye enye ke ufọk-n̄kpọkọbi emi odude ke ufọk eteufọk esie, ete: “Nso inam iso mbufo etiede mfụhọ mfụhọ mfịn?”+  Ndien mmọ ẹbọrọ enye ẹte: “Nnyịn imadaba ndap, ndien idụhe owo eke asiakde ndap oro ọnọ nnyịn.” Ntre Joseph ọdọhọ mmọ ete: “Nte idịghe Abasi esisiak ndap?+ Mbọk, ẹtịn̄ ndap mbufo ẹnọ mi.”  Ndien etubom mme akama cup etịn̄ ndap esie ọnọ Joseph ete: “N̄kokụt vine kiet nte adade mi ke iso ke ndap. 10  Vine oro asiaha n̄kọk ita, etie nte esesehe+ onyụn̄ on̄wụm mfri. Etuek grape* esie onyụn̄ adat. 11  Cup Pharaoh onyụn̄ odu mi ke ubọk, ndien nnyịmi grape oro ndọn̄ ke cup Pharaoh.+ Ekem nyak cup oro nnọ Pharaoh.”+ 12  Ndien Joseph ọdọhọ enye ete: “Se ndap oro ọwọrọde edi emi:+ N̄kọk ita oro ẹdi usen ita. 13  Ke usen ita ẹbede Pharaoh eyemenede fi ibuot ke enyọn̄ onyụn̄ osio fi ke ufọk-n̄kpọkọbi onyụn̄ afiak esịn fi ke itieutom fo;+ ndien afo ayafiak ọnọ Pharaoh cup ke ubọk kpa nte ekesinọde ke ini emi ekedide akama cup esie.+ 14  Edi mbọk, ti mi ke ini n̄kpọ edifọnde ye afo,+ nyụn̄ wụt mi ima-mfọnido nyụn̄ tịn̄ nọ Pharaoh ban̄a mi,+ nyụn̄ sio mi ke ufọk emi. 15  Koro ẹkemụm mi ke ukat ke idụt mme Hebrew;+ ndien n̄kanamke baba n̄kpọ kiet eke akpanamde mmọ ẹsịn mi ke ufọk-n̄kpọkọbi idakisọn̄ emi.”+ 16  Ke ini etubom mme asan̄uyo okụtde ke enye asiak ndap oro nte ọfọnde, enye n̄ko ọdọhọ Joseph ete: “Ami n̄ko mma ndaba ndap, ndien, sese, akpasa ita emi mfia uyo ẹdọn̄ọde ẹdoro mi ke ibuot, 17  ndien kpukpru orụk uyo Pharaoh,+ emi asan̄uyo esisan̄de, ẹdọn̄ọ ke akpasa emi odorode ke ata enyọn̄, ndien mme inuen+ ẹdi ẹdita mmọ ke akpasa emi ke enyọn̄ ibuot mi.” 18  Ekem Joseph ọdọhọ ete:+ “Se ndap oro ọwọrọde edi emi: Akpasa ita oro ẹdi usen ita. 19  Ke usen ita ẹbede Pharaoh oyosio fi ke ufọk-n̄kpọkọbi onyụn̄ ebịghi fi ibuot onyụn̄ eyịri fi ke eto;+ ndien inuen ẹyeta obụkidem fo.”+ 20  Edikem, ke ọyọhọ usen ita, Pharaoh anam usọrọ usen emana esie,+ enye onyụn̄ anam udia ọnọ kpukpru mme asan̄autom esie onyụn̄ osio etubom mme akama cup ye etubom mme asan̄uyo ke ufọk-n̄kpọkọbi edi ke otu mme asan̄autom esie.+ 21  Enye afiak ada etubom mme akama cup esịn ke itieutom esie,+ ndien enye akama cup ọnọ Pharaoh. 22  Edi enye eyịri+ etubom mme asan̄uyo, kpa nte Joseph akasiakde ọnọ mmọ.+ 23  Edi etubom mme akama cup itịghi Joseph, edi efre enye.+

Mme Ikọ Idakisọn̄

“Mfri vine.”