Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 36;1-43

36  Emi edi mbụk emi aban̄ade Esau, oro edi, Edom.+  Esau okosio iban ke otu nditọiban Canaan+ ọdọ: Adah+ eyen Elon, owo Hittite+ ye Oholibamah+ eyen Anah, eyeyen Zibeon owo Hivite,  ye Basemath,+ eyen Ishmael, eyeneka Nebaioth.+  Ndien Adah aman Eliphaz ọnọ Esau, Basemath onyụn̄ aman Reuel,  ndien Oholibamah aman Jeush ye Jalam ye Korah.+ Mmọ emi ẹdi nditọiren Esau oro ẹkemanade ẹnọ enye ke isọn̄ Canaan.  Ekem Esau ada iban esie ye nditọiren esie ye nditọiban esie ye kpukpru ukpọn̄ ke ufọk esie ye ufene esie ye kpukpru unam esie eken ye ofụri inyene esie+ emi enye ọkọkọde ke isọn̄ Canaan, aka idụt oro oyomde usụn̄ ọkpọn̄ eyeneka esie Jacob,+  sia inyene mmọ ẹkenen̄erede ẹwak ẹkan se mmọ ẹkemede ndidụn̄ ọtọkiet, ndien isọn̄ oro mmọ ẹkedụn̄de nte isenowo ikekemke mmọ aba ke ntak ediwak ufene oro mmọ ẹkenyenede.+  Ntre Esau aka okodụn̄ ke obot obot ikpehe Seir.+ Esau edi Edom.+  Emi edi mbụk emi aban̄ade Esau, ete nditọ Edom, ke obot obot ikpehe Seir.+ 10  Mmọ emi ẹdi enyịn̄ nditọiren Esau: Eliphaz eyen Adah, n̄wan Esau; Reuel eyen Basemath, n̄wan Esau.+ 11  Ndien nditọiren Eliphaz ẹkedi Teman+ ye Omar ye Zepho ye Gatam ye Kenaz.+ 12  Ndien Timna+ akabade edi n̄wanesa Eliphaz, eyen Esau. Ekem enye aman Amalek+ ọnọ Eliphaz. Emi ẹdi nditọiren Adah, n̄wan Esau. 13  Mmọ emi ẹdi nditọiren Reuel: Nahath ye Zerah ye Shammah ye Mizzah.+ Mmọ emi ẹkedi nditọiren Basemath,+ n̄wan Esau. 14  Ndien mmọ emi ẹkedi nditọiren Oholibamah eyen Anah, eyeyen Zibeon, n̄wan Esau, koro enye amande Jeush ye Jalam ye Korah+ ọnọ Esau. 15  Mmọ emi ẹdi mbọn̄+ ke otu nditọiren Esau: Nditọ Eliphaz, akpan Esau: Ọbọn̄ Teman+ ye ọbọn̄ Omar ye ọbọn̄ Zepho ye ọbọn̄ Kenaz, 16  ye ọbọn̄ Korah ye ọbọn̄ Gatam ye ọbọn̄ Amalek. Mmọ emi ẹdi mbonufọk Eliphaz+ emi ẹkedide mbọn̄ ke isọn̄ Edom. Mmọ emi ẹdi nditọiren Adah. 17  Mmọ emi ẹdi nditọiren Reuel, eyen Esau: Ọbọn̄ Nahath ye ọbọn̄ Zerah ye ọbọn̄ Shammah ye ọbọn̄ Mizzah. Mmọ emi ẹdi mbọn̄ ufọk Reuel ke isọn̄ Edom.+ Mmọ emi ẹdi nditọiren Basemath, n̄wan Esau. 18  Nditọiren Oholibamah n̄wan Esau ẹdi emi: Ọbọn̄ Jeush ye ọbọn̄ Jalam ye ọbọn̄ Korah. Mmọ emi ẹdi mbọn̄ emi Oholibamah eyen Anah, n̄wan Esau, akamande. 19  Mmọ emi ẹdi nditọiren Esau ye mbọn̄ mmọ. Enye edi Edom.+ 20  Mmọ emi ẹdi nditọiren Seir, owo Horite, emi ẹdụn̄de ke isọn̄ oro:+ Lotan ye Shobal ye Zibeon ye Anah+ 21  ye Dishon ye Ezer ye Dishan.+ Mmọ emi ẹdi mbọn̄ mme Horite, nditọ Seir, ke isọn̄ Edom. 22  Ndien nditọiren Lotan ẹkedi Hori ye Hemam; ndien eyeneka Lotan an̄wan ekedi Timna.+ 23  Mmọ emi ẹdi nditọiren Shobal: Alvan ye Manahath ye Ebal ye Shepho ye Onam. 24  Mmọ emi ẹdi nditọiren Zibeon: Aiah ye Anah. Enye edi Anah emi okokụtde idịm ufiop mmọn̄ ke wilderness, ke adan̄aemi enye ọbọkde mme ass Zibeon, ete esie.+ 25  Mmọ emi ẹdi nditọ Anah: Dishon ye Oholibamah eyen Anah an̄wan. 26  Mmọ emi ẹdi nditọiren Dishon: Hemdan ye Eshban ye Ithran ye Cheran.+ 27  Mmọ emi ẹdi nditọiren Ezer: Bilhan ye Zaavan ye Akan. 28  Mmọ emi ẹdi nditọiren Dishan: Uz ye Aran.+ 29  Mmọ emi ẹdi mbọn̄ mme Horite: Ọbọn̄ Lotan ye ọbọn̄ Shobal ye ọbọn̄ Zibeon ye ọbọn̄ Anah, 30  ye ọbọn̄ Dishon ye ọbọn̄ Ezer ye ọbọn̄ Dishan.+ Mmọ emi ẹdi mbọn̄ mme Horite nte mbọn̄ mmọ ẹdide ke isọn̄ Seir. 31  Ndien mmọ emi ẹdi ndidem emi ẹkekarade isọn̄ Edom+ mbemiso edidem ekededi akarade nditọ Israel.+ 32  Ndien Bela eyen Beor akara ke Edom,+ ndien enyịn̄ obio esie ekedi Dinhabah. 33  Ke ini Bela akpade, Jobab eyen Zerah emi otode Bozrah+ akara ke itie esie.+ 34  Ke ini Jobab akpade, Husham emi otode isọn̄ nditọ Teman+ akara ke itie esie.+ 35  Ke ini Husham akpade, Hadad, eyen Bedad, emi akakande mbon Midian+ ke in̄wan̄ Moab,+ akara ke itie esie, ndien enyịn̄ obio esie ekedi Avith.+ 36  Ke ini Hadad akpade, Samlah emi otode Masrekah akara ke itie esie.+ 37  Ke ini Samlah akpade, Shaul emi otode Rehoboth, ke mben Akpa, akara ke itie esie.+ 38  Ke ini Shaul akpade, Baal-hanan, eyen Achbor, akara ke itie esie.+ 39  Ke ini Baal-hanan, eyen Achbor akpade, Hadar akara ke itie esie; ndien enyịn̄ obio esie ekedi Pau, n̄wan esie okonyụn̄ ekere Mehetabel eyen Matred an̄wan, eyen Mezahab+ an̄wan. 40  Mmọ emi ẹdi enyịn̄ mbọn̄ ufọk Esau ke ubon mmọ ye ke ebietidụn̄ mmọ ye ke enyịn̄ mmọ: Ọbọn̄ Timna ye ọbọn̄ Alvah ye ọbọn̄ Jetheth,+ 41  ye ọbọn̄ Oholibamah ye ọbọn̄ Elah ye ọbọn̄ Pinon,+ 42  ye ọbọn̄ Kenaz ye ọbọn̄ Teman ye ọbọn̄ Mibzar,+ 43  ye ọbọn̄ Magdiel ye ọbọn̄ Iram. Mmọ emi ẹdi mbọn̄ nditọ Edom+ ke mme ebietidụn̄ mmọ ke isọn̄ mmọ.+ Esau edi ete nditọ Edom.+

Mme Ikọ Idakisọn̄