Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 34;1-31

34  Ekem Dinah, adiaha Leah,+ emi enye akamande ọnọ Jacob, esika ekese+ nditọiban idụt oro.+  Ndien Shechem eyen Hamor, owo Hivite,+ ọbọn̄ obio oro, okụt enye onyụn̄ omụm enye adan̄ onyụn̄ asabade enye.+  Ndien ukpọn̄ esie eyịre ye Dinah, adiaha Jacob, enye onyụn̄ ama n̄kaiferi emi onyụn̄ eyịre ekpek enye.  Ekem Shechem ọdọhọ Hamor, ete esie,+ ete: “Da eyenan̄wan emi nọ mi ndọ.”+  Ndien Jacob okop ke enye ama asabade Dinah, adiaha imọ. Ndien nditọiren esie ẹkedu ye mme ufene esie ke in̄wan̄;+ edi Jacob isioroke uyo tutu mmọ ẹto ẹdi.+  Ekem Hamor, ete Shechem, aka edem Jacob ndikenyene nneme ye enye.+  Edi ke ndondo oro nditọ Jacob ẹkopde n̄kpọ emi, mmọ ẹto in̄wan̄ ẹdi; esịt onyụn̄ ayat mmọ etieti+ koro enye akanamde Israel n̄kpọ esuene ke ndidan̄ ye adiaha Jacob,+ kpa n̄kpọ eke owo mîkpanamke.+  Ndien Hamor ọdọhọ mmọ ete: “Shechem, eyen mi, ama eyen mbufo etieti.+ Mbọk, ẹda eyenan̄wan emi ẹnọ enye ọdọ,+  ẹnyụn̄ ẹnam ediomi ndọ ye nnyịn.+ Ẹnọ nnyịn nditọiban mbufo idọ, mbufo ẹnyụn̄ ẹdọ nditọiban nnyịn.+ 10  Ẹnyụn̄ ẹdụn̄ ye nnyịn, ndien isọn̄ emi oyodu ọnọ mbufo ndidụn̄ ke esịt. Ẹdụn̄ ẹnyụn̄ ẹnam mbubehe ẹnyụn̄ ẹnyene inyene ke esịt.”+ 11  Ekem Shechem ọdọhọ ete eyenan̄wan oro ye nditọeka esie iren ete: “Mbufo ẹyak mi n̄kụt mfọn ke iso mbufo, nyọnọ se ededi oro mbufo ẹdidọhọde mi nnọ. 12  Ẹsiak okụk ndọ ye enọ oro mbufo ẹyomde enen̄ede awak,+ ndien mmenyịme ndikpe kpa nte mbufo ẹdidọhọde; edi ẹkam ẹnọ mi n̄kaiferi emi ndọ.” 13  Edi nditọ Jacob ẹbre n̄kari ye Shechem ye Hamor, ete esie, mmọ ẹnam ntre koro enye akasabarede Dinah, eyeneka mmọ.+ 14  Ndien mmọ ẹdọhọ mmọ ete: “Nnyịn ikemeke ndinam utọ n̄kpọ oro, ndiyak adiaha eka nnyịn nnọ owo emi mîsịbeke edụt,+ koro emi edi n̄kpọ esuene ọnọ nnyịn. 15  Nnyịn ikeme ndinyịme se mbufo ẹtịn̄de edieke mbufo ẹtiede nte nnyịn, ke kpukpru irenowo mbufo ndina mbobi.+ 16  Ndien nnyịn iyọnọ mbufo nditọiban nnyịn, inyụn̄ idọ nditọiban mbufo, nnyịn iyonyụn̄ idụn̄ ye mbufo inyụn̄ ikabade idi kiet.+ 17  Edi edieke mbufo mîkopke se nnyịn itịn̄de inyụn̄ ina mbobi, nnyịn iyada eyen nnyịn inyọn̄.” 18  Ndien ikọ mmọ enem Hamor ye Shechem, eyen Hamor,+ 19  akparawa oro inyụn̄ ibiatke ini ndinam n̄kpọ emi,+ koro enye amade adiaha Jacob, enye okonyụn̄ edi owo oro ẹkponode ẹkan+ ke ofụri ufọk ete esie.+ 20  Ntre Hamor ye Shechem, eyen esie, ẹwọrọ ẹka inuaotop obio mmọ ẹkedọhọ irenowo obio mmọ+ ẹte: 21  “Mbon emi ẹtie emem emem ye nnyịn.+ Ntem ẹyak mmọ ẹdụn̄ ke isọn̄ emi ẹnyụn̄ ẹnam mbubehe ke esịt, koro isọn̄ emi odude mmọ ke iso okponde.+ Nnyịn imekeme ndidọ nditọiban mmọ, imonyụn̄ ikeme ndinọ mmọ nditọiban nnyịn ẹdọ.+ 22  Edi mmọ ẹdinyịme ndidụn̄ ye nnyịn ẹnyụn̄ ẹkabade ẹdi kiet ye nnyịn edieke nnyịn inamde n̄kpọ kiet emi kpọt, edieke kpukpru irenowo nnyịn ẹnade mbobi kpa nte mmọ ẹnamde.+ 23  Adan̄aoro, nte inyene mmọ ye kpukpru ufene mmọ ididịghe eke nnyịn?+ Ẹyak nnyịn ikam inyịme ndinam se mmọ ẹtịn̄de man mmọ ẹdụn̄ ye nnyịn.”+ 24  Ndien kpukpru mmọ oro ẹsan̄ade ke inuaotop obio esie ẹwọn̄ọ ẹkop uyo Hamor ye eke Shechem, eyen esie, kpukpru irenowo ẹnyụn̄ ẹna mbobi, kpa kpukpru mmọ eke ẹsan̄ade ke inuaotop obio esie ẹwọn̄ọ. 25  Edikem ke ọyọhọ usen ita, ke ini mmọ ẹkopde ọkpọsọn̄ ubiak,+ nditọ Jacob iba, Simeon ye Levi,+ nditọeka Dinah,+ ẹda akan̄kan̄ mmọ ẹsan̄a ẹdụk obio oro ke usụn̄ emi owo mîfiọkke uduak mmọ ẹnyụn̄ ẹwot kpukpru irenowo.+ 26  Mmọ ẹnyụn̄ ẹwot Hamor ye Shechem, eyen esie, ke iso akan̄kan̄.+ Ndien mmọ ẹmụm Dinah ẹwọrọ ke ufọk Shechem.+ 27  Nditọiren Jacob eken ẹn̄wana ye mmọ emi ẹkedade ata idiọk unan ẹnyụn̄ ẹdụk ẹbụme obio oro, koro mmọ ẹkesabarede adiaha eka mmọ.+ 28  Ndien mmọ ẹtan̄ mme erọn̄ mmọ ye mme enan̄ mmọ ye mme ass mmọ ye se ikodude ke obio ye se ikodude ke in̄wan̄.+ 29  Ndien mmọ ẹtan̄ kpukpru se mmọ oro ẹkedade ẹdu uwem ẹnyụn̄ ẹmụm kpukpru n̄kpri nditọ mmọ ye iban mmọ, ẹnyụn̄ ẹbụme kpukpru se ikodude ke ufọk mmọ.+ 30  Ndien Jacob ọdọhọ Simeon ye Levi+ ete: “Mbufo ẹmesịn mi ke afanikọn̄ ke ndinam mi ndi n̄kpọ itekesịt+ ke iso mme andidụn̄ obio emi ye ke iso mbon Canaan ye mme Perizzite; ami n̄wakke,+ ndien mmọ ẹyesop idem ọtọkiet ẹdin̄wana ye ami ẹnyụn̄ ẹsobo mi ye ofụri ufọk mi.” 31  Ndien mmọ ẹdọhọ ẹte: “Nte owo ekededi ekeme ndinam n̄kpọ ye adiaha eka nnyịn nte anam ye n̄wan akpara?”+

Mme Ikọ Idakisọn̄