Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 25;1-34

25  Ekem Abraham ọdọ n̄wan efen emi ekerede Keturah.+  Ndien enye aman Zimran ye Jokshan ye Medan ye Midian+ ye Ishbak ye Shuah+ ọnọ enye.  Jokshan obon Sheba+ ye Dedan.+ Ndien nditọ Dedan ẹkedi mme Asshurim ye mme Letushim ye mme Leummim.  Ndien nditọ Midian ẹkedi Ephah+ ye Epher ye Hanoch ye Abida ye Eldaah.+ Kpukpru emi ẹkedi nditọ Keturah.  Ekem Abraham ọnọ Isaac kpukpru inyene esie,+  edi amaedi nditọ ibanesa Abraham, Abraham ọnọ mmọ mme enọ.+ Ndien enye anam mmọ ẹdaha ẹkpọn̄ Isaac eyen esie,+ ke adan̄aemi enye osụk odude uwem, ẹnyọn̄ọ ẹka isọn̄ Edem Usiahautịn.+  Abraham okodu uwem isua ikie ye ata ye efịt.  Ekem Abraham ọduọk akpatre ibifịk onyụn̄ akpa, ke ama ọkọsọn̄ onyụn̄ oyụhọ, etiene orụk esie.+  Ntem Isaac ye Ishmael nditọ esie ẹbụk enye ke abaitiat Machpelah ke in̄wan̄ Ephron eyen Zohar eyen Hittite, emi asakde iso ese Mamre,+ 10  kpa in̄wan̄ emi Abraham ọkọbọde nditọ Heth edep. Do ke ẹkebụk Abraham, n̄ko ye Sarah, n̄wan esie.+ 11  Edikem ke Abraham ama akakpa, Abasi ọdiọn̄ Isaac eyen esie,+ adan̄aoro Isaac okodụn̄ ekpere Beer-lahai-roi.+ 12  Emi edi mbụk emi aban̄ade Ishmael+ eyen Abraham emi Hagar eyen Egypt, ofụn an̄wan Sarah, akamande ọnọ Abraham.+ 13  Mmọ emi ẹdi enyịn̄ nditọ Ishmael, ke enyịn̄ mmọ, ye ntọn̄ọ ubon mmọ: Akpan Ishmael ekedi Nebaioth,+ ekem Kedar+ ye Adbeel ye Mibsam+ 14  ye Mishma ye Dumah ye Massa, 15  ye Hadad+ ye Tema+ ye Jetur ye Naphish ye Kedemah.+ 16  Mmọ emi ẹkedi nditọ Ishmael, emi ẹnyụn̄ ẹdi enyịn̄ mmọ ke ebietidụn̄ mmọ ye ke itienna mmọ oro ẹbọpde ibibene ẹkanade:+ mbọn̄ duopeba nte ekemde ye ekpụk+ mmọ. 17  Ishmael okodu uwem isua ikie ye edịp ye efịteba. Ndien enye ọduọk akpatre ibifịk onyụn̄ akpa, etiene orụk esie.+ 18  Ndien mmọ ẹtọn̄ọ ndidụn̄ ke Havilah+ emi ekperede Shur,+ emi asakde iso ese Egypt, tutu esịm Assyria. Enye odụn̄ ke iso kpukpru nditọete esie.+ 19  Emi edi mbụk emi aban̄ade Isaac eyen Abraham.+ Abraham okobon Isaac. 20  Ndien Isaac ekedi isua aba ke ini ọdọde Rebekah eyen Bethuel+ owo Syria+ emi otode Paddan-aram, eyeneka Laban, owo Syria. 21  Ndien Isaac ekpe Jehovah ubọk akpan akpan aban̄a n̄wan esie,+ koro enye ekedide ada;+ ntre Jehovah okop n̄kpeubọk esie,+ ndien Rebekah n̄wan esie oyomo. 22  Ndien nditọ oro ẹdude enye ke idịbi ẹn̄wana ye kiet eken,+ enye onyụn̄ ọdọhọ ete: “Edieke etiede ntem, ntak emi ndude uwem?” Ntre enye aka okobụp Jehovah.+ 23  Ndien Jehovah ọbọrọ enye ete: “Idụt iba ẹdu fi ke idịbi,+ obio iba ẹyenyụn̄ ẹwọn̄ọ fi ke idịbi;+ obio kiet oyokop odudu akan enye eken,+ ndien akpan ayasan̄a utom ọnọ udọ.”+ 24  Ndien usen esie edikem enye ndiman eyen, ndien, sese! nditọ iba ẹdu enye ke idịbi.+ 25  Ekem akpa eyen amana, ofụri idem esie eyịbe onyụn̄ etie nte n̄kpọ eke enye esịnede idet idet ọfọn̄idem;+ ntre ẹsio enye enyịn̄ Esau.+ 26  Ke oro ebede eyeneka esie amana, ubọk esie onyụn̄ omụm nditịn̄ikpat Esau;+ ntem ẹsio enye enyịn̄ Jacob.+ Isaac ekedi isua ata ke ini n̄wan esie amande mmọ. 27  Nditọ emi ẹkọri ẹkponi, ndien Esau akabade edi atautop,+ awak ndidu ke ikọt, edi Jacob edi owo emi mînyeneke nduduọhọ+ onyụn̄ odụn̄ ke tent.+ 28  Isaac ama Esau, koro esitopde unam ọnọ enye ata, edi Rebekah ama Jacob.+ 29  Usen kiet ke ini Jacob osụk etemde udia, Esau ọnyọn̄ utop edi onyụn̄ akpa mba. 30  Ndien Esau ọdọhọ Jacob ete: “Mbọk, sọp di nọ mi ndatndat udia ndia—ndatndat udia oro odude do, koro mmakpa mba!” Ntak edi oro ẹkotde enye Edom.+ 31  Ndien Jacob ọdọhọ ete: “Nyam unen itie akpan fo nọ mi kan̄a!”+ 32  Ndien Esau ete: “Kamse, mmọn̄ n̄kpa, unen itie akpan ọfọn mi ke nso?” 33  Ndien Jacob adian do ete: “Bem iso n̄wọn̄ọ nọ mi!”+ Ndien enye ọn̄wọn̄ọ ọnọ Jacob onyụn̄ anyam unen itie akpan esie ọnọ enye.+ 34  Ekem Jacob ọnọ Esau uyo ye lentil, ndien enye adia onyụn̄ ọn̄wọn̄ n̄kpọ.+ Ekem enye adaha ọwọrọ. Ntem ke Esau esịn unen itie akpan esie ke ndek.+

Mme Ikọ Idakisọn̄