Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 13;1-18

13  Ekem Abram ye n̄wan esie ye kpukpru se enye enyenede ye Lot emi odude ye enye ẹwọn̄ọ ke Egypt ẹka Negeb.+  Abram onyụn̄ enyene ata ediwak ufene ye silver ye gold.+  Ndien enye ọwọrọ ke Negeb onyụn̄ adan̄ ke nsio nsio itienna mbemiso edisịm Bethel, kpa ebiet emi tent esie okodude ke akpa, ke ufọt Bethel ye Ai,+  ebiet emi enye ọkọbọpde itieuwa ke akpa;+ ndien do ke Abram okokot enyịn̄ Jehovah.+  Lot emi asan̄ade ye Abram onyụn̄ enyene ediwak erọn̄ ye enan̄ ye mme tent.  Ndien isọn̄ oro ikemke mmọ ndidụn̄ ọtọkiet, koro inyene mmọ ẹwakde ndien mmọ ikemeke ndidụn̄ ọtọkiet.+  Ndien utọk asiaha ke ufọt mme ekpeme ufene Abram ye mme ekpeme ufene Lot; ini oro mbon Canaan ye mme Perizzite ẹkedụn̄ ke isọn̄ oro.+  Ntem Abram ọdọhọ Lot+ ete: “Mbọk, kûyak utọk aka iso ke ufọt mi ye afo ye ke ufọt mme ekpeme ufene mi ye mme ekpeme ufene fo, koro nnyịn idide nditọeka.+  Nte ofụri isọn̄ emi inaha fi ke iso? Mbọk, dian̄ade kpọn̄ mi. Edieke akade ufien, ami nyaka nnasia; edi edieke akade nnasia, ami nyaka ufien.”+ 10  Ntem ke Lot emenede enyịn ese ofụri Ikpehe Jordan,+ onyụn̄ okụt ke edi ikpehe emi mmọn̄ odude, ebiet in̄wan̄ Jehovah,+ onyụn̄ etie nte isọn̄ Egypt tutu esịm Zoar,+ mbemiso Jehovah okosobode Sodom ye Gomorrah. 11  Ndien Lot emek ofụri Ikpehe Jordan oro, Lot onyụn̄ ọkpọn̄ do adaha aka edem usiahautịn. Ntre ke mmọ ẹdian̄ade ẹkpọn̄ kiet eken. 12  Abram odụn̄ ke isọn̄ Canaan, edi Lot odụn̄ ke mme obio Ikpehe oro.+ Ke akpatre enye owụk tent ekpere Sodom. 13  Ndien mbon Sodom ẹkedi mme idiọkowo ẹnyụn̄ ẹnen̄ede ẹnam idiọkn̄kpọ ke iso Jehovah.+ 14  Ndien Jehovah ọdọhọ Abram ke Lot ama akadian̄ade ọkpọn̄ enye, ete: “Mbọk, da ke ebiet emi afo odude menede enyịn fo se edem edere ye edem usụk ye edem usiahautịn ye edem usoputịn,+ 15  koro nyada ofụri isọn̄ emi afo okụtde mi nnọ fi ye mfri fo ke nsinsi.+ 16  Ndien nyanam mfri fo awak nte ntan isọn̄, ndien edieke owo edikemede ndibat ntan isọn̄, do ẹyekeme ndibat+ mfri fo. 17  Daha ke enyọn̄ nyụn̄ san̄a ke ofụri isọn̄ emi, se uniọn̄ esie ye ubom esie, koro nyada enye nnọ fi.”+ 18  Ntem ke Abram odụn̄ ke tent. Ekem enye edidụn̄ ke ufọt ikpọ eto Mamre,+ emi ẹdude ke Hebron;+ enye onyụn̄ anam itieuwa do ọnọ Jehovah.+

Mme Ikọ Idakisọn̄