Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Genesis 12;1-20

12  Ndien Jehovah ọdọhọ Abram ete: “Wọrọ kpọn̄ obio fo ye iman fo ye ufọk ete fo nyụn̄ ka obio oro ndiwụtde fi;+  ndien nyanam akwa idụt oto fi ọwọrọ, nyonyụn̄ ndiọn̄ fi, nnyụn̄ nnam enyịn̄ fo okpon; afo oyonyụn̄ akabade edi edidiọn̄+ ọnọ mbon efen.  Ndien nyọdiọn̄ mmọ eke ẹdiọn̄de fi, nyonyụn̄ nsụn̄i owo eke osụn̄ide fi,+ ndien kpukpru ubon ke isọn̄ ẹyebọ edidiọn̄ ke ntak fo.”+  Ntre Abram ọtọn̄ọ isan̄ kpa nte Jehovah ọkọdọhọde enye, Lot onyụn̄ etiene enye. Abram ekedi isua ata ye efịt ke ini enye ọkọkpọn̄de Haran.+  Ndien Abram ada Sarai n̄wan+ esie ye Lot eyen eyeneka+ esie ye kpukpru inyene oro mmọ ẹkekọde+ ye mme ukpọn̄ oro mmọ ẹkenyenede ke Haran aka isọn̄ Canaan.+ Ekem mmọ ẹdisịm isọn̄ Canaan.  Ndien Abram asan̄a tutu esịm n̄kan̄ ikpehe Shechem,+ emi ekperede ikpọ eto Moreh;+ ini oro mbon Canaan ẹkedu ke obio oro.  Ndien Jehovah owụt Abram idem onyụn̄ ọdọhọ ete: “Nyọnọ mfri+ fo isọn̄+ emi.” Ekem enye ọbọp itieuwa do ọnọ Jehovah emi okowụtde enye idem.  Ekem enye ọkpọn̄ do aka obot obot ikpehe edem usiahautịn Bethel+ onyụn̄ okowụk tent esie do, Bethel odu ke edem usoputịn, Ai+ onyụn̄ odu ke edem usiahautịn. Ndien enye ọbọp itieuwa do ọnọ Jehovah+ onyụn̄ ọtọn̄ọ ndikot enyịn̄ Jehovah.+  Ekem Abram ọwọrọ idụn̄ onyụn̄ adan̄ ke nsio nsio itienna mbemiso ebede ekesịm Negeb.+ 10  Ekem akan̄ odu ke idụt oro ndien Abram osụhọde aka Egypt ndidụn̄ nte esenowo,+ koro akan̄ ọkọsọn̄de ubọk ke idụt oro.+ 11  Ekem nte enye asan̄ade ekpere isọn̄ Egypt, enye ọdọhọ Sarai n̄wan esie ete: “Mbọk! mmọfiọk ke afo edi ediye an̄wan.+ 12  Ntre nditọ Egypt ẹyekụt fi ẹnyụn̄ ẹdọhọ ẹte, ‘N̄wan esie edi emi.’ Ndien mmọ ẹyewot mi, edi ẹnịm fi uwem. 13  Mbọk dọhọ ke afo edi eyeneka mi an̄wan,+ man n̄kpọ ọfọn ye ami ke ntak fo, ndien ukpọn̄ mi oyodu uwem ke ntak fo.”+ 14  Edikem ke ndondo oro Abram odụkde Egypt, nditọ Egypt ẹkụt ke n̄wan emi eye etieti. 15  Mbọn̄ Pharaoh n̄ko ẹkụt enye ẹnyụn̄ ẹketoro enye ẹnọ Pharaoh, ndien ẹda n̄wan oro ẹka ufọk Pharaoh. 16  Ndien enye ọfọn ido ye Abram ke ntak n̄wan esie, enye onyụn̄ edinyene ediwak erọn̄ ye enan̄ ye ass ye ifịn iren ye ifịn iban ye uman ass ye camel.+ 17  Ndien Jehovah amia Pharaoh ye mbonufọk esie ata akamba ufen+ ke ntak Sarai, n̄wan Abram.+ 18  Ntem Pharaoh okot Abram onyụn̄ obụp ete: “Nso ke afo anam ntem ye ami? Ntak mûkọdọhọke mi ke enye edi n̄wan fo?+ 19  Ntak emi ọkọdọhọde ete, ‘Enye edi eyeneka mi an̄wan,’+ tutu n̄kpere ndida enye ndọ? Se n̄wan fo mi. Da enye nyọn̄!” 20  Ndien Pharaoh ọnọ mme owo ewụhọ aban̄a enye, ndien mmọ ẹda enye ye n̄wan esie ye kpukpru se enye enyenede ẹkeyak.+

Mme Ikọ Idakisọn̄