Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Galatia 5;1-26

5  Christ okosio nnyịn ke ufụn esịn ke utọ ifụre oro.+ Ke ntre ẹsọn̄ọ ẹda,+ ẹkûnyụn̄ ẹyak ẹtọn̄ọ ntak ẹkọmọ mbufo ke ọkpọnọ ufụn.+  Sese! Ami, Paul, ndọhọ mbufo nte edieke mbufo ẹnade mbobi,+ Christ idinyeneke baba ufọn kiet inọ mbufo.  Akan oro, mmọtọn̄ọ ntak nti owo ekededi emi anade mbobi nte ke obiomo enye ndinịm ofụri Ibet.+  Mbufo emi ẹdomode ndida ibet mbat idem ke edinen, inamke n̄kpọ m̀mê mbufo ẹdi mmanie, ẹmebahade ẹkpọn̄ Christ;+ mbufo ẹmeduọn̄ọ ẹkpọn̄ mfọnido esie oro owo mîdotke.+  Koro nnyịn ida mbuọtidem itie ke spirit ibet edinen ido oro idoride enyịn ndinyene.+  Koro ke Christ Jesus edina mbobi inyeneke ufọn, editre ndina mbobi inyụn̄ inyeneke ufọn,+ edi mbuọtidem+ emi anamde utom ebe ke ima enyene ufọn.+  Mbufo ẹma ẹfehe nte ọfọnde.+ Anie ọkọbiọn̄ọ mbufo ndika iso nsụk ibuot nnọ akpanikọ?+  Utọ mbukpek emi itoho Enye emi okotde mbufo.+  Esisịt leaven ananam ofụri ebok uyo ofụt.+ 10  Mmenyene mbuọtidem+ nte ke mbufo emi ẹbuanade n̄kpọ+ ye Ọbọn̄ idikereke n̄kpọ ke usụn̄ efen; edi owo eke etịmerede+ mbufo oyobiom ubiomikpe esie,+ inamke n̄kpọ m̀mê enye edi anie. 11  Amaedi ami, nditọete, edieke nsụk n̄kwọrọde edina mbobi, ntak ẹsụk ẹkọbọde mi? Mmọdo, ndien, ẹbiat+ n̄kpọ iduọ+ eto ndutụhọ+ ẹfep. 12  Ọdọn̄ mi nte mbon oro ẹdomode nditịmede mbufo+ ẹkpekam ẹnam idemmọ ibak.*+ 13  Nditọete, ke akpanikọ, ẹkekot mbufo ẹte ẹdinyene ifụre;+ edi ẹkûda ifụre emi nte n̄kpọ ndida nnam se idọn̄de obụkidem,+ edi ẹdụk ufụn ẹnọ kiet eken ke ima.+ 14  Koro ofụri Ibet osu+ ke ikọ kiet, oro edi: “Afo enyene ndima mbọhọidụn̄ fo nte idemfo.”+ 15  Nte ededi, edieke mbufo ẹkade iso ndidom nnyụn̄ nta kiet eken,+ ẹkpeme mbak mbufo ẹdikụt nsobo ke ubọk kiet eken.+ 16  Edi ndọhọ nte, Ẹka iso ẹsan̄a ke spirit+ ndien mbufo idinamke baba n̄kpọ kiet emi ọdọn̄de obụkidem.+ 17  Koro obụkidem ada udọn̄ esie an̄wana ye spirit,+ spirit onyụn̄ an̄wana ye obụkidem; koro mmọ emi ẹbọbiọn̄ọ kiet eken, man mbufo ẹkûnam mme n̄kpọ oro mbufo ẹkpemade ndinam.+ 18  N̄ko-n̄ko, edieke spirit adade mbufo usụn̄,+ mbufo idụhe ke idak ibet.+ 19  Edi mme utom obụkidem ẹyarade,+ ndien mmọ ẹdi use,+ mbubiam ido, obukpo ido,+ 20  ukpono ndem, ubụpekpo,+ usua, utọk, ufụp, obom obom iyatesịt, ndomoidem, ubahade, isio n̄ka, 21  isịnenyịn, mbun̄wọn̄i,+ uyom uyom usọrọ, ye mme n̄kpọ eke ẹbietde mmọ emi. Kaban̄a mme n̄kpọ emi mmebem iso ntọt mbufo, kpa nte mma n̄kebebem iso ntọt mbufo, nte ke mbon oro ẹkade iso ẹnam+ utọ mme n̄kpọ emi ididaha obio ubọn̄ Abasi inyene.+ 22  Ke n̄kan̄ eken, mbun̄wụm+ spirit edi ima, idatesịt, emem, anyanime, mfọnido, eti ido,+ mbuọtidem, 23  ifụre ifụre ido, mfara ke idem.+ Ibet ndomokiet ibiọn̄ọke orụk edu emi.+ 24  Akan oro, mbon oro ẹdide eke Christ Jesus ẹma ẹkọn̄ obụkidem ye udọn̄ ye idiọkitọn̄ obụkidem ke eto ẹwot.+ 25  Edieke nnyịn idude uwem ke spirit, ẹyak nnyịn ika iso ida spirit n̄ko isan̄a ke nde ke nde.+ 26  Ẹyak nnyịn ikûtan̄ idem, ikûmia mbuba+ ye kiet eken, ikûsịn kiet eken enyịn.+

Mme Ikọ Idakisọn̄

At. Ed., “ẹkpekam ẹsio idemmọ osio.”