Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Galatia 4;1-31

4  Edi ndọhọ nte adan̄a nte ada udeme nnyene edide eyenọwọn̄, enye ikpụhọkede ye ofụn+ ke usụn̄ ndomokiet, okposụkedi enye edide ọbọn̄ ke kpukpru n̄kpọ,  edi enye esịne ke idak mme esenyịn+ ye ke idak mme akama-ukpọhọde tutu esịm usen emi ete esie ekebemde iso emek enịm.  Kpasụk ntre, ke ini ikedide nditọwọn̄, mme akpa+ n̄kpọ ererimbot ẹma ẹka iso ẹsịn nnyịn n̄ko ke ufụn.  Edi ke ekemde uyọhọ ini,+ Abasi osio Eyen esie ọdọn̄,+ n̄wan aman enye,+ enye onyụn̄ edidu ke idak ibet,+  man enye ekpedep+ mbon oro ẹdude ke idak ibet+ osio ke ufụn, man nnyịn, n̄ko, ikpọbọ itie nditọ inyene.+  Edi sia mbufo ẹdide nditọ, Abasi ama ọdọn̄ spirit+ Eyen esie edidu nnyịn ke esịt, enye onyụn̄ ofiori ete: “Abba, Ete!”+  Ntre, ndien, afo udịghe aba ofụn edi edidi eyen; ndien edieke edide eyen, Abasi anam fi edi ada udeme nnyene n̄ko.+  Edi, ke ini mbufo mîkọfiọkke Abasi,+ adan̄aoro mbufo ẹkedụk ufụn ẹnọ mbon oro mîdịghe abasi+ ke uduot mmọ.  Edi ke emi mbufo ẹma ẹkedifiọk Abasi, n̄kpakam ndọhọ, ke emi Abasi ama ekedifiọk mbufo,+ nso inam mbufo ẹfiakde ẹbịne mme mmeme+ akpa+ n̄kpọ oro mînyeneke ufọn, ẹnyụn̄ ẹyomde nditọn̄ọ ntak ndụk ufụn nnọ mmọ?+ 10  Mbufo ke ẹsịn idem ẹnịm mme usen+ ye mme ọfiọn̄+ ye mme ini ye mme isua. 11  Mmokop ndịk mban̄a mbufo, nte ndusụk n̄kakpa utom ikpîkpu+ ke idem mbufo. 12  Nditọete, mmekpe mbufo ubọk nte, Ẹkabade ẹtie nte ami ntiede,+ koro ami n̄ko mma nsitie nte mbufo ẹtiede.+ Mbufo inamke mi baba idiọkn̄kpọ kiet.+ 13  Edi mbufo ẹmefiọk ẹte ke okoto ke udọn̄ọ mi ke obụkidem ke ami n̄katan̄a eti mbụk nnọ mbufo ke akpa ini.+ 14  Ndien se ikedide idomo inọ mbufo ke obụkidem mi, mbufo ikesehe ke ndek m̀mê ndifiari etap nte n̄kpọ itekesịt; edi mbufo ẹma ẹdara mi nte angel+ Abasi, nte Christ Jesus.+ 15  Enye inemesịt oro mbufo ẹkenyenede?+ Koro ndi ntiense nnọ mbufo nte, edieke ẹkpekekemede, mbufo ẹkpekewụbede enyịn mbufo ẹsio ẹnọ mi.+ 16  Ndi mmakabade ndi asua+ mbufo koro ntịn̄de akpanikọ nnọ mbufo?+ 17  Mmọ ẹsịn ifịk ẹyom mbufo,+ idịghe ke eti usụn̄, edi mmọ ẹyom ndibahade mbufo n̄kpọn̄ mi, man mbufo ẹkpesịn ifịk ẹyom mmọ.+ 18  Edi, ọfọn ẹsịn ifịk ẹyom mbufo kpukpru ini ke se ifọnde,+ idịghe n̄kukụre ke ini ami ndude+ ye mbufo, 19  n̄kpri nditọ mi,+ emi ami ntọn̄ọde ntak ndu ke ubiak uman tutu Christ oboro mbufo ke esịt.+ 20  Edi ọdọn̄ mi ndidu ye mbufo kpa idahaemi+ nnyụn̄ ntịn̄ n̄kpọ ke isio isio usụn̄, koro ekikere etịmede+ mi aban̄a mbufo. 21  Ẹsian mi, mbufo emi ẹyomde ndidu ke idak ibet,+ Nte mbufo ikopke Ibet?+ 22  Ke uwụtn̄kpọ, ẹwet ẹte ke Abraham ekenyene nditọiren iba, kiet oto ofụn an̄wan,+ kiet onyụn̄ oto n̄wan emi edide amanaisọn̄;+ 23  edi enye emi otode ofụn an̄wan akamana ke ido obụkidem,+ enye eken emi okotode n̄wan emi edide amanaisọn̄ akamana oto un̄wọn̄ọ.+ 24  N̄kpọ emi enyene se adade aban̄a;+ koro iban emi ẹda ẹban̄a ediomi iba,+ kiet oto Obot Sinai,+ emi amande nditọ ọdọn̄ ke ufụn, emi onyụn̄ edide Hagar. 25  Hagar emi ada aban̄a Sinai,+ obot emi odude ke Arabia, ndien enye asan̄a ekekem ye Jerusalem mfịn, koro enye odu ke ufụn+ ye nditọ esie. 26  Edi Jerusalem+ emi odude ke enyọn̄ edi amanaisọn̄, ndien enye edi eka nnyịn.+ 27  Koro ẹwet ẹte: “Dara, afo ada emi mûmanke eyen; bụmede nyụn̄ fiori, afo n̄wan emi mûkopke ubiak uman; koro nditọ ikpọn̄-an̄wan ẹwakde ẹkan eke n̄wan oro enyenede ebe.”+ 28  Edi, nditọete, nnyịn idi nditọ un̄wọn̄ọ kpa nte Isaac ekedide.+ 29  Edi kpa nte ekedide ke ini oro, enye emi akamanade ke ido obụkidem ọtọn̄ọ ndikọbọ+ enye emi akamanade ke ido eke spirit, kpa ntre ke edi ke emi.+ 30  Edi, nso ke N̄wed Abasi ọdọhọ? “Bịn ofụn an̄wan oro ye eyen esie sio, koro eyen ofụn an̄wan iditieneke eyen n̄wan emi edide amanaisọn̄ idi ada udeme nnyene ke baba usụn̄ kiet.”+ 31  Ntem, nditọete, nnyịn idịghe nditọ ofụn an̄wan,+ edi idi nditọ n̄wan emi edide amanaisọn̄.+

Mme Ikọ Idakisọn̄