Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Galatia 1;1-24

1  Ami Paul,+ emi ndide apostle,+ emi mîtoho ubọk owo mînyụn̄ idịghe owo emek, edi otode Jesus Christ+ ye Abasi Ete,+ emi akanamde enye eset ke n̄kpa,+  ye kpukpru nditọete emi ẹdude ye ami,+ inọ n̄wed emi ẹsọk mme esop ke Galatia:+  Mfọnido oro owo mîdotke ye emem+ emi ẹtode Abasi Ete nnyịn ye Ọbọn̄ Jesus Christ ẹkpekam ẹdu ye mbufo.  Enye ọkọnọ idemesie kaban̄a mme idiọkn̄kpọ+ nnyịn man enye akpanyan̄a nnyịn osio ke idiọk editịm n̄kpọ+ oro odude ke emi nte asan̄ade ekekem ye uduak+ Abasi ye Ete nnyịn,  emi ubọn̄ enyenede enye ke nsinsi nsinsi.+ Amen.  Idem akpa mi nte ke mbufo ẹmewara ẹdian̄ade ẹkpọn̄ Enye+ emi akadade mfọnido Christ oro owo mîdotke+ okot mbufo, ẹnyụn̄ ẹwọn̄ọde ẹbịne orụk eti mbụk efen.+  Edi idịghe efen; n̄kukụre edi nte ke odu ndusụk owo emi ẹtịmerede+ mbufo ẹnyụn̄ ẹyomde ndiyụrọde eti mbụk emi aban̄ade Christ.+  Nte ededi, idem ekpedi nnyịn m̀mê angel oto heaven editan̄a n̄kpọ efen ọnọ mbufo nte eti mbụk okpụhọde ye se nnyịn ikatan̄ade nte eti mbụk inọ mbufo, osụk ọdọdiọk ọnọ enye.+  Nte nnyịn ikebemde iso itịn̄, mmafiak ntịn̄ ke emi nte, Owo ekededi eke atan̄ade n̄kpọ efen ọnọ mbufo nte eti mbụk okpụhọde ye se mbufo ẹkebọde,+ osụk ọdọdiọk ọnọ enye. 10  Nte ami ke emi ndomo ndikpek owo m̀mê ndikpek Abasi? Mîdịghe nte nyom ndinem owo esịt?+ Edieke n̄kposụk nnemde owo esịt,+ n̄kpedịghe ofụn Christ.+ 11  Koro nyom mbufo ẹfiọk, nditọete, ẹte ke eti mbụk emi ami n̄katan̄ade itoho owo;+ 12  koro n̄kọbọhọ enye ke ubọk owo, owo ikonyụn̄ ikpepke-kpep mi, edi Jesus Christ akayarade enye ọnọ mi.+ 13  Mbufo ẹma ẹkop ẹban̄a edu uwem mi mbemiso ke ido ukpono mme Jew,+ ẹte ke mma n̄kọbọ+ esop Abasi mbe nde nnyụn̄ nsobo enye,+ 14  mma nnyụn̄ nnam akwa n̄kọri ke ido ukpono mme Jew n̄kan ediwak ubọkn̄ka mi ke orụk mi,+ nnyụn̄ nnen̄ede nsịn ifịk+ mban̄a ido+ mme ete mi. 15  Edi ke ini Abasi, emi okosiode mi ke idịbi eka mi onyụn̄ okotde+ mi ebe ke mfọnido esie oro owo mîdotke,+ okụtde ete ọfọn 16  ndida mi nyarade Eyen esie,+ man n̄kpatan̄a eti mbụk emi aban̄ade enye nnọ mme idụt,+ n̄kodụkke ke nneme ini kiet ye obụk ye iyịp.+ 17  N̄konyụn̄ ndọkke n̄ka Jerusalem mbịne mbon oro ẹkebemde mi iso ẹdi mme apostle,+ edi n̄kadaha n̄ka Arabia, ekem mfiak nnyọn̄ ndi Damascus.+ 18  Ekem isua ita ke ukperedem ndọk n̄ka Jerusalem+ ndikese Cephas,+ nnyụn̄ ndan̄ do ye enye ke usen efịt. 19  Edi n̄kekwe owo ndomokiet ke otu mme apostle, ke mîbọhọke James+ eyeneka+ Ọbọn̄. 20  Sese, ndọhọ mbufo ke iso Abasi nte ke nsụhu nsu ke mme n̄kpọ oro n̄wetde nnọ mbufo.+ 21  Ke oro ama ekebe, mbe ndụk+ ikpehe Syria ye Cilicia. 22  Edi mme esop ke Judea emi ẹdude ke Christ ikọdiọn̄ọke mi iso;+ 23  mmọ n̄kukụre ẹkesikokop ẹte: “Owo emi ekesikọbọde+ nnyịn mbemiso ke atan̄a eti mbụk ke emi aban̄a ido ukpono emi enye okosobode-sobo.”+ 24  Ntre mmọ ẹtọn̄ọ ndinọ Abasi ubọn̄+ mban̄a mi.

Mme Ikọ Idakisọn̄