Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezra 8;1-36

8  Ndien mmọ emi ẹdi mme etubom ufọk mme ete+ mmọ ye mbon oro ẹkesịnde enyịn̄ mmọ ke n̄wed udịm ubon,+ emi ẹkesan̄ade ye ami ẹwọrọ ke Babylon ẹdọk ke ini ukara Edidem Artaxerxes:+  Ke otu nditọ Phinehas,+ Gershom; ke otu nditọ Ithamar,+ Daniel;+ ke otu nditọ David,+ Hattush;  ke otu nditọ Shecaniah ye ke otu nditọ Parosh,+ Zechariah, irenowo ikie ye aba ye duop emi ẹkesịnde enyịn̄ mmọ ke n̄wed ẹnyụn̄ ẹdu ye enye;  ke otu nditọ Pahath-moab,+ Elieho-enai eyen Zerahiah, irenowo ikie iba ẹnyụn̄ ẹdu ye enye;  ke otu nditọ Zattu,+ Shecaniah eyen Jahaziel, irenowo ikie ita ẹnyụn̄ ẹdu ye enye;  ndien ke otu nditọ Adin,+ Ebed eyen Jonathan, irenowo aba ye duop ẹnyụn̄ ẹdu ye enye;  ndien ke otu nditọ Elam,+ Jeshaiah eyen Athaliah, irenowo ata ye duop ẹnyụn̄ ẹdu ye enye;  ndien ke otu nditọ Shephatiah,+ Zebadiah eyen Michael, irenowo anan̄ ẹnyụn̄ ẹdu ye enye;  ke otu nditọ Joab, Obadiah eyen Jehiel, irenowo ikie iba ye efịteta ẹnyụn̄ ẹdu ye enye; 10  ndien ke otu nditọ Bani,+ Shelomith eyen Josiphiah, irenowo ikie ye ata ẹnyụn̄ ẹdu ye enye; 11  ndien ke otu nditọ Bebai, Zechariah eyen Bebai,+ irenowo edịp ye itiaita ẹnyụn̄ ẹdu ye enye; 12  ndien ke otu nditọ Azgad,+ Johanan eyen Hakkatan, irenowo ikie ye duop ẹnyụn̄ ẹdu ye enye; 13  ndien ke otu nditọ Adonikam,+ enyịn̄ mmọ emi ẹkedide mme ekperedem ẹdi emi: Eliphelet, Jeiel ye Shemaiah, irenowo ata ẹnyụn̄ ẹdu ye mmọ; 14  ndien ke otu nditọ Bigvai,+ Uthai ye Zabbud, irenowo ata ye duop ẹnyụn̄ ẹdu ye mmọ. 15  Ndien ami n̄kot mmọ mbon ọtọkiet ke mben akpa+ emi ewetde aka Ahava;+ nnyịn inyụn̄ inam nna do usen ita, man ndụn̄ọde mme owo+ ye mme oku,+ edi n̄kwe nditọ Levi+ ndomokiet do. 16  Ntre ami ndọn̄ ẹkot Eliezer, Ariel, Shemaiah ye Elnathan ye Jarib ye Elnathan ye Nathan ye Zechariah ye Meshullam, kpa mme etubom, nnyụn̄ ndọn̄ ẹkot Joiarib ye Elnathan, kpa mme anditeme.+ 17  Ekem n̄wụk mmọ nte ẹka ẹbịne Iddo emi edide etubom ke ebiet emi ẹkotde Casiphia, nnyụn̄ nsịn mmọ ikọ+ ke inua eke mmọ ẹditịn̄de ye Iddo ye nditọete esie, mme Nethinim,+ ke ebiet emi ẹkotde Casiphia, man mmọ ẹda mme asan̄autom+ ufọk Abasi ẹsọk nnyịn. 18  Ntre, nte ekemde ye eti ubọk+ Abasi emi odude ye nnyịn, mmọ ẹda owo emi enyenede mbufiọk+ ẹsọk nnyịn ke otu nditọ Mahli+ eyeyen Levi+ eyen Israel, oro edi, Sherebiah+ ye nditọ esie ye nditọete esie, owo efịteta; 19  ye Hashabiah, ndien Jeshaiah emi otode ke otu nditọ Merari,+ ye nditọete esie, ye nditọ mmọ, owo edịp ẹnyụn̄ ẹdu ye enye. 20  Ndien ke otu mme Nethinim, emi David ye mbọn̄ ẹkenọde ndinam utom nditọ Levi, emi ẹkesiakde enyịn̄, kpukpru mmọ ẹkedi Nethinim ikie iba ye edịp. 21  Ndien ami ndori utreudia do ke mben Akpa Ahava, man nnyịn isụhọde idem+ ke iso Abasi nnyịn, ibụp enye nnennen usụn̄+ eke nnyịn ye n̄kpri nditọ+ nnyịn ye kpukpru inyene nnyịn ikpasan̄ade. 22  Koro bụt akanamde mi ndiben̄e edidem nte ọnọ nnyịn mbonekọn̄+ ye mme awat enan̄-mbakara+ man ẹn̄wam nnyịn ndin̄wana ye mme asua ke usụn̄, koro nnyịn ikọdọhọde edidem ite: “Ubọk+ Abasi nnyịn odu ye kpukpru mbon emi ẹyomde mfọn esie,+ edi enye ada odudu esie ye iyatesịt+ esie an̄wana ye kpukpru mbon emi ẹkpọn̄de enye.”+ 23  Ntem nnyịn itie utreudia+ inyụn̄ iben̄e+ Abasi n̄kpọ emi, ndien enye okop n̄kpeubọk+ nnyịn. 24  Ndien ndian̄ade owo duopeba ke otu mme etubom oku nnịm, oro edi, Sherebiah,+ Hashabiah,+ ọkọrọ ye owo duop ke otu nditọete mmọ. 25  Ndien ndomo silver ye gold ye n̄kpoduoho+ nnọ mmọ, kpa etịbe ufọk Abasi nnyịn emi edidem+ ye mme ọnọitem+ esie ye mbọn̄ esie ye kpukpru nditọ Israel+ oro ẹdude ẹketịpde. 26  Ntre ndomo talent silver ikie itiokiet ye aba ye duop ye n̄kpoduoho silver+ ikie emi edide talent iba, ye talent gold ikie, 27  ye n̄kpri usan gold edịp, emi edide daric tọsịn kiet ọkọrọ ye ndatndat edisem n̄kpoduoho eti okpoho iba, emi ẹyede nte gold. 28  Ekem ndọhọ mmọ nte: “Mbufo ẹdi edisana+ ikọt Jehovah, n̄kpoduoho+ ẹnyụn̄ ẹdi ndisana n̄kpọ, ndien silver ye gold ẹdi enọ unyịmesịt emi ẹnọde Jehovah Abasi mme ete ete mbufo. 29  Mbufo ẹdemede ẹnyụn̄ ẹdu ke ukpeme tutu mbufo ẹdomo+ mmọ ke iso mme etubom oku ye nditọ Levi ye mbọn̄ mme ete Israel ke Jerusalem, ke ufọk udia+ emi odude ke ufọk Jehovah.” 30  Ndien mme oku ye nditọ Levi ẹbọ silver ye gold ye n̄kpoduoho emi ẹdomode, man ẹda mmọ ẹdi ufọk Abasi+ nnyịn ke Jerusalem. 31  Ekem nnyịn idaha ke mben Akpa Ahava+ ke ọyọhọ usen duopeba ke akpa ọfiọn̄+ ika Jerusalem, ndien ubọk Abasi nnyịn odu ye nnyịn, ntre enye anyan̄a+ nnyịn osio ke ubọk mme asua nnyịn ye mbon udịbe emi ẹkedude ke usụn̄. 32  Ntre nnyịn idi idisịm Jerusalem+ inyụn̄ idu do usen ita. 33  Ndien ke ọyọhọ usen inan̄ nnyịn idomo silver ye gold+ ye n̄kpoduoho+ ke ufọk Abasi isịn ke ubọk Meremoth+ eyen Urijah oku ọkọrọ ye Eleazar eyen Phinehas emi odude ye enye ye Jozabad+ eyen Jeshua ye Noadiah eyen Binnui+ kpa nditọ Levi emi ẹdude ye mmọ, 34  kpukpru n̄kpọ ke ibat ye ke udomo mmọ, ekem ẹwet kpukpru udomo emi ẹsịn ke n̄wed ke ini oro. 35  Mbon emi ẹtode ntan̄mfep ẹwọn̄ọ ẹdi, kpa n̄kani mbon ntan̄mfep,+ ẹnọ Abasi Israel edifọp uwa,+ nyara enan̄+ duopeba ke ibuot ofụri Israel, okukịm+ erọn̄ anan̄ ye efịtekiet, nyara nditọerọn̄ ata ye efịteba, okpo ebot+ duopeba nte uwa idiọkido, kpukpru n̄kpọ emi nte edifọp uwa Jehovah. 36  Ekem nnyịn inọ mme satrap+ edidem ye mme andikara+ edem Akpa*+ oko mme ibet+ edidem, ndien mmọ ẹn̄wam mme owo+ ẹnyụn̄ ẹn̄wam ufọk ata Abasi.

Mme Ikọ Idakisọn̄

Oro edi, “Euphrates.”