Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezra 7;1-28

7  Ndien ke mme n̄kpọ emi ẹma ẹkebe ke ini ukara Artaxerxes+ edidem Persia, Ezra+ eyen Seraiah+ eyen Azariah eyen Hilkiah+  eyen Shallum+ eyen Zadok eyen Ahitub+  eyen Amariah+ eyen Azariah+ eyen Meraioth+  eyen Zerahiah+ eyen Uzzi+ eyen Bukki+  eyen Abishua+ eyen Phinehas+ eyen Eleazar+ eyen Aaron+ ọbọn̄ oku+  Ezra emi oto Babylon ọdọk; ndien enye ekedi ata osion̄o-n̄wed+ ibet Moses,+ kpa ibet emi Jehovah Abasi Israel ọkọnọde, ntre edidem anam kpukpru eben̄e esie, koro ubọk Jehovah Abasi esie okodude ye enye.+  Mmọdo ndusụk ke otu nditọ Israel ye mme oku+ ye nditọ Levi+ ye mme ọkwọikwọ+ ye mme ekpeme-inuaotop+ ye mme Nethinim+ ẹdọk ẹka Jerusalem ke ọyọhọ isua itiaba emi Edidem Artaxerxes+ akarade.  Ekem Ezra edisịm Jerusalem ke ọyọhọ ọfiọn̄ ition, oro edi, ke ọyọhọ isua itiaba emi edidem akarade.  Koro ke akpa usen ke akpa ọfiọn̄, enye ebiere ndito Babylon ndọk, ndien ke akpa usen ke ọyọhọ ọfiọn̄ ition enye edi edisịm Jerusalem, koro eti ubọk Abasi esie okodude ye enye.+ 10  Koro Ezra ama etịm+ esịt esie ndidụn̄ọde ibet Jehovah+ man anam enye,+ onyụn̄ ekpep+ Israel ewụhọ+ ye unenikpe.+ 11  Ndien emi edi leta oro Edidem Artaxerxes ọkọnọde Ezra oku, kpa osion̄o-n̄wed,+ emi okosion̄ode ikọ ibet Jehovah ye mme ewụhọ emi enye ọkọnọde Israel: 12  “Artaxerxes,+ edidem ndidem,+ ewet n̄wed emi ọnọ Ezra oku, kpa osion̄o-n̄wed ibet Abasi enyọn̄:+ Afo akpakam enyene emem.+ Ndien ke emi 13  ami mmọnọ ewụhọ+ nte kpukpru owo ke idak ukara+ mi emi ẹdide mbon Israel ye mme oku mmọ ye nditọ Levi emi ẹnyịmede nditiene fi n̄ka Jerusalem, ẹka.+ 14  Koro edidem ye mme ọnọitem+ esie itiaba ẹma ẹnọ ewụhọ ẹte afo anam ndụn̄ọde+ ke ibet+ Abasi+ fo emi odude fi ke ubọk aban̄a Judah ye Jerusalem, 15  onyụn̄ ada silver ye gold oro edidem ye mme ọnọitem esie, ke edinyịme esịt, ẹnọde+ Abasi Israel emi ebietidụn̄ esie odude ke Jerusalem,+ 16  ye kpukpru silver ye gold emi afo okụtde ke ofụri ikpehe obio ukara Babylon ọkọrọ ye enọ emi mme owo+ ẹnọde ye enye emi mme oku ẹnọde ufọk Abasi+ mmọ ke Jerusalem ke edinyịme esịt; 17  ndien afo ayawara ada okụk emi edep nyara enan̄,+ mme okukịm+ erọn̄, nditọerọn̄+ ye uwa n̄kpasịp+ mmọ ye edin̄wọn̄ uwa+ mmọ, afo oyonyụn̄ awa mmọ ke itieuwa ufọk Abasi+ mbufo emi odude ke Jerusalem.+ 18  “Ndien se ededi emi ọfọnde fi ye nditọete fo ke enyịn ndida silver ye gold+ emi ẹsụhọde nnam, nte ekemde ye uduak+ Abasi mbufo, mbufo ẹnam.+ 19  Ndien tan̄ kpukpru n̄kpoduoho+ oro ẹnọde fi ndida nnam utom ufọk Abasi fo ka iso Abasi ke Jerusalem.+ 20  Ndien amaedi mme n̄kpọ efen emi ẹdiyomde ke ufọk Abasi fo emi afo enyenede ndinọ, sio ke ufọk ubon inyene edidem nọ.+ 21  “Ndien ami, Edidem Artaxerxes, mmọnọ ewụhọ+ ẹsọk kpukpru mme akama-inyene+ emi ẹdude ke edem Akpa+ oko, nte kpukpru se Ezra+ oku, kpa osion̄o-n̄wed ibet Abasi enyọn̄, oyomde oto mbufo, mbufo ẹwara ẹnọ enye, 22  idem ọkpọkọm oyom se isịmde talent+ silver ikie ye cor+ wheat ikie ye aban̄+ wine+ ikie ye aban̄ aran+ ikie, ye inụn̄+ eke mînyeneke udomo. 23  Yak ẹsịn ifịk+ ẹnam kpukpru se Abasi enyọn̄ owụkde+ aban̄a ufọk Abasi enyọn̄,+ mbak iyatesịt edisịm mme ikpehe obio ukara edidem ye nditọ esie.+ 24  Ndien mbufo ẹfiọk emi ẹte ke amaedi mme oku+ ye nditọ Levi,+ ye mme ebre ikwọ,+ ye mme ekpeme-usụn̄,+ ye mme Nethinim,+ ye mme anamutom ke ufọk Abasi emi, owo inyeneke ndinam mmọ ẹkpe tax, utomo+ m̀mê etịbe.+ 25  “Ndien afo, Ezra, nte ekemde ye ọniọn̄+ Abasi emi odude ye afo, mek mme ekpeikpe obio ye mme ebiereikpe man mmọ ẹkpe ikpe+ ẹnọ kpukpru mbon edem Akpa oko, idem ye kpukpru mbon oro ẹfiọkde mme ibet Abasi mbufo; ndien owo ekededi eke mîfiọkke, mbufo ẹyeteme mmọ.+ 26  Ndien owo ekededi eke mînamke ibet Abasi+ fo mînyụn̄ inịmke ibet edidem, yak ẹsọsọp ẹbiere ikpe ẹnọ enye, edide n̄kpa+ onyụn̄ edide edibịn nsio ke obio,+ m̀mê edibọ isop okụk,+ m̀mê n̄kpọkọbi.” 27  Itoro enyene Jehovah Abasi mme ete ete nnyịn,+ emi esịnde utọ n̄kpọ emi ke esịt+ edidem, ete abana+ ufọk Jehovah emi odude ke Jerusalem! 28  Enye omonyụn̄ owụt mi ima-mfọnido+ ke iso edidem ye ke iso mme ọnọitem+ esie ye ke iso kpukpru ikpọ mbọn̄ edidem. Ndien amaedi ami, mmọsọn̄ọ ubọk mi ke ntak ubọk+ Jehovah Abasi mi oro odude ye ami, ndien ami nda kpukpru mme etubom ke Israel man mmọ ẹtiene mi ẹdọk.

Mme Ikọ Idakisọn̄