Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezra 4;1-24

4  Ke ini mme asua+ Judah ye Benjamin ẹkopde ke nditọ Ntan̄mfep+ ke ẹbọp temple ẹnọ Jehovah Abasi Israel,  mmọ ẹsọsọp ẹka ẹbịne Zerubbabel+ ye mme etubom+ ufọk mme ete mmọ ẹkedọhọ mmọ ẹte: “Ẹyak nnyịn itiene mbufo ibọp;+ koro, ukem nte mbufo, nnyịn n̄ko imoyom Abasi mbufo,+ enye ke nnyịn inyụn̄ iwa uwa inọ toto ke eyo Esar-haddon+ edidem Assyria, emi akadade nnyịn ọdọk edi mi.”+  Edi, Zerubbabel ye Jeshua+ ye mme etubom+ ufọk mme ete eken ke Israel ẹbọrọ mmọ ẹte: “Mbufo isan̄ake n̄kpọ ndomokiet ye nnyịn ke edibọp ufọk Abasi nnyịn,+ koro nnyịn ke idem nnyịn idibọp ufọk inọ Jehovah Abasi Israel, kpa nte Edidem Cyrus+ andikara Persia okowụkde nnyịn.”  Ntem mbon idụt oro ẹka iso ẹnam ubọk emem+ mbon Judah ẹnyụn̄ ẹnam esịt ọduọ mmọ man ẹtre ndibọp,+  ẹnyụn̄ ẹkpe+ mme ọnọitem ẹte ẹbiọn̄ọ mmọ ẹnyụn̄ ẹnam uduak mmọ okpu ke ofụri eyo Cyrus edidem Persia tutu esịm ini ukara Darius+ edidem Persia.  Ndien ke ini ukara Ahasuerus, ke ntọn̄ọ ini ukara esie, mmọ ẹwet edori ikọ+ ẹban̄a mme andidụn̄ Judah ye Jerusalem.  N̄ko, ke eyo Artaxerxes, Bishlam, Mithredath, Tabeel ye mme nsan̄a esie eken, ẹwet leta ẹnọ Artaxerxes edidem Persia, ndien ẹkewet leta emi ke abisi usem Aramaic ẹnyụn̄ ẹkabade enye ẹsịn ke usem Aramaic.+  Rehum akwa owo ukara ye Shimshai ewetn̄wed, ẹwet leta ẹban̄a Jerusalem ẹnọ Artaxerxes edidem, ẹte:  Rehum+ akwa owo ukara ye Shimshai ewetn̄wed ye mme nsan̄a mmọ eken, mme ebiereikpe ye n̄kpri mme andikara ke edem Akpa*+ oko, mme ewetn̄wed,+ mbon Erech,+ mbon Babylon,+ mme andidụn̄ Susa,+ oro edi, mbon Elam,+ 10  ye mbon idụt+ eken emi akwa Asenappar+ emi odotde ukpono akadade aka ntan̄mfep okonyụn̄ obonde ke mme obio Samaria,+ ye mbon eken emi ẹdude ke edem Akpa oko, ——; ndien 11  emi edi leta oro mmọ ẹkenọde ẹsọk enye: “Edidem Artaxerxes,+ nnyịn mme asan̄autom fo, mbon edem Akpa oko: Ndien ke emi 12  yak edidem ọfiọk ete ke mme Jew emi ẹketode edem fo ẹdi ẹbịne nnyịn ẹmedi ẹdisịm Jerusalem. Mmọ ke ẹbọp obio nsọn̄ibuot ye idiọk obio, ndien mmọ ẹkụre ndibọp mme ibibene+ esie ẹnyụn̄ ẹfiak ẹsịn itiat idakisọn̄ esie. 13  Ke emi, yak edidem ọfiọk ete ke edieke ẹfiakde ẹbọp obio emi ẹnyụn̄ ẹkụrede ibibene esie, mmọ idikpehe tax+ ye utomo+ ye etịbe, ndien emi eyesịn ntakurua ke ufọk ubon inyene+ ndidem. 14  Ndien adan̄a nte nnyịn idiade inụn̄ ufọk edidem, ifọnke nnyịn ndikụt nte n̄kpọ edidem abiarade, ntak edi oro nnyịn idọn̄de inyụn̄ inamde edidem ọfiọk n̄kpọ emi, 15  man ẹdụn̄ọde mme n̄wetnnịm n̄kpọ mme ete ete fo. Ndien afo oyokụt ke mme n̄wetnnịm n̄kpọ+ onyụn̄ ọfiọk ete ke obio oro edi obio nsọn̄ibuot emi esidade ntakurua ọsọk ndidem ye mme ikpehe obio ukara, ndien toto ke eset, mbon nsọn̄ibuot ẹsụk ẹdodu ke esịt. Ntak emi ekesịn obio emi ana ndon.+ 16  Nnyịn inam edidem ọfiọk nte ke edieke ẹfiakde ẹbọp obio oro ẹnyụn̄ ẹkụrede mme ibibene esie, afo udunyeneke udeme aba ke edem Akpa emi.”+ 17  Edidem ọnọ etop ẹsọk Rehum+ akwa owo ukara ye Shimshai ewetn̄wed ye mme nsan̄a+ mmọ eken emi ẹdụn̄de ke Samaria ye ke edem Akpa oko, ete: “Mmọkọm mbufo!+ Ndien ke emi 18  ẹtịm ẹkot leta emi mbufo ẹkenọde ẹsọk nnyịn ke iso mi. 19  Ntem mmọnọ ewụhọ, mmọ ẹnyụn̄ ẹdụn̄ọde+ ẹkụt ke toto ke eset obio emi esidaha ada an̄wana ye ndidem, onyụn̄ edi obio nsọn̄ibuot ye obio en̄wan.+ 20  Ndien n̄kpọsọn̄ ndidem+ ẹma ẹdu ke Jerusalem ẹnyụn̄ ẹkara ofụri edem Akpa+ oko, ẹkesinyụn̄ ẹkpe tax ye utomo ye etịbe ẹnọ mmọ.+ 21  Ke emi, mbufo ẹnọ mbon emi ewụhọ ẹte ẹtre utom, man ẹkûfiak ẹbọp obio oro tutu nnọ ewụhọ. 22  Ntre ẹtịm ẹkpeme, ẹkûtre ndinam n̄kpọ emi, man ẹkûdọdiọn̄ ẹbiat n̄kpọ ndidem.”+ 23  Ndien ke ẹma ẹkekot leta Edidem Artaxerxes ke iso Rehum+ ye Shimshai+ ewetn̄wed ye mme nsan̄a+ mmọ, mmọ ẹsọsọp ẹka Jerusalem ẹbịne mme Jew ẹkeda odudu ẹtre mmọ utom.+ 24  Ini oro ke utom ufọk Abasi, emi odude ke Jerusalem eketre; enye onyụn̄ ana tutu esịm ọyọhọ isua iba emi Darius edidem Persia akarade.+

Mme Ikọ Idakisọn̄

Oro edi, “Euphrates.”