Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezra 10;1-44

10  Ndien ke ndondo oro Ezra okụrede ndibọn̄ akam+ onyụn̄ ayararede+ idiọkn̄kpọ ke adan̄aemi ọduọde+ ana ke iso ufọk+ ata Abasi atua, mbon Israel, kpa ata akwa esop, ẹsop idem ọtọkiet, iren ye iban ye nditọwọn̄, ẹtiene enye koro mme owo ẹketuade eyet etieti.  Ndien Shecaniah eyen Jehiel+ ke otu nditọ Elam+ ọbọrọ Ezra ete: “Nnyịn inamke akpanikọ inọ Abasi nnyịn, koro nnyịn ikọnọde isen iban mme idụt ebietidụn̄.+ Edi, ke emi, idotenyịn+ odu ọnọ Israel ke n̄kpọ emi.  Ndien, ke emi, yak nnyịn inam ediomi+ ye Abasi nnyịn ndision̄o+ kpukpru iban emi ye mbon emi mmọ ẹmande nte ekemde ye se Jehovah etemede ye eke mbon emi ẹnyekde+ idem ẹban̄a ewụhọ+ Abasi nnyịn, man ẹnam nte ekemde ye ibet.+  Daha ke enyọn̄, koro n̄kpọ emi obiomode fi ke idem, nnyịn inyụn̄ ida ye afo. Kop odudu nyụn̄ nam n̄kpọ.”  Ntem Ezra adaha ada onyụn̄ anam mbọn̄ oku, nditọ Levi ye ofụri Israel ẹda un̄wọn̄ọ+ ndinam se ẹtịn̄de emi. Ntem, mmọ ẹda un̄wọn̄ọ.  Ndien Ezra adaha ada ke iso ufọk ata Abasi onyụn̄ aka ufọk udia+ Jehohanan eyen Eliashib. Okposụkedi emi enye akakade do, enye ikadiaha udia+ ikonyụn̄ in̄wọn̄ke mmọn̄, koro enye akatuade+ aban̄a unana edinam akpanikọ mbon ntan̄mfep.  Ekem mmọ ẹnọ uyo ke ofụri Judah ye Jerusalem ẹte kpukpru n̄kani mbon ntan̄mfep+ ẹsop idem ọtọkiet ke Jerusalem;  ndien owo ekededi eke mîdidịghe+ ke ufan̄ usen ita kpa nte mbọn̄+ ye mbiowo ẹketemede—ẹyetan̄+ kpukpru inyene esie ẹnyụn̄ ẹsio+ enye ẹfep ke otu esop n̄kani mbon ntan̄mfep.  Ntre ofụri mbon Judah ye Benjamin ẹsop idem ọtọkiet ke Jerusalem ke ufan̄ usen ita, oro edi, ke ọyọhọ ọfiọn̄ usụkkiet+ ke ọyọhọ usen edịp ke ọfiọn̄ oro, kpukpru owo ẹnyụn̄ ẹsụhọde ẹtie ke okụre ufọk ata Abasi, ẹnyek ke ntak ikọ emi ye ke ntak edịm+ emi edepde. 10  Ekem Ezra oku adaha ada ọdọhọ mmọ ete: “Mbufo inamke akpanikọ koro mbufo ẹnọde isen iban+ ebietidụn̄ man ubiomikpe Israel etetịm okpon.+ 11  Ndien, ke emi, ẹyarade+ mme idiọkn̄kpọ mbufo ẹnọ Jehovah Abasi mme ete ete mbufo ẹnyụn̄ ẹnam se inemde+ enye esịt ẹnyụn̄ ẹdian̄ade idem ẹkpọn̄ mbio isọn̄ emi ye isen iban.”+ 12  Ntem ofụri esop ẹbọrọ ẹnyụn̄ ẹdọhọ ke ọkpọsọn̄ uyo ẹte: “Obiomo nnyịn ke idem ndinam kpa nte afo ọdọhọde.+ 13  Ndien sia mme owo ẹwakde, ini emi onyụn̄ edide ini edịm, owo idikemeke ndida ke an̄wa; ndien mbubehe emi idịghe n̄kpọ usen kiet m̀mê iba, koro nnyịn imọsọn̄ ibuot ibe nde ke n̄kpọ emi. 14  Ntre, mbọk yak mbọn̄+ nnyịn ẹda ke ibuot ofụri esop; ndien, amaedi kpukpru owo emi ẹnọde isen iban ebietidụn̄ ke mme obio nnyịn, yak mmọ ẹsan̄a ye mbiowo obio kiet kiet ye mme ebiereikpe mmọ ẹdi, tutu nnyịn inam ikan̄-ikan̄ iyatesịt Abasi nnyịn ọwọn̄ọde ọkpọn̄ nnyịn, ke n̄kpọ emi.” 15  (Nte ededi, Jonathan eyen Asahel ye Jahzeiah eyen Tikvah ẹdaha ẹda ẹn̄wana+ ẹban̄a n̄kpọ emi, ndien edi Meshullam ye Shabbethai+ kpa nditọ Levi ẹken̄wam mmọ.) 16  Ndien n̄kani mbon ntan̄mfep+ ẹnam ntem; ndien Ezra oku ye iren emi ẹdide etubom mme ete ẹnọ ufọk mme ete mmọ,+ kpukpru mmọ nte enyịn̄ mmọ ẹdide, ẹdian̄ade idemmọ, ẹnyụn̄ ẹsụhọde ẹtie ndidụn̄ọde n̄kpọ+ emi ke akpa usen ke ọyọhọ ọfiọn̄ duop;+ 17  ekem mmọ ẹkụre ye kpukpru iren emi ẹkenọde isen+ iban ebietidụn̄ etisịm akpa usen ke akpa ọfiọn̄. 18  Ndien ẹkụt ke ndusụk nditọ mme oku+ ẹma ẹnọ isen iban ebietidụn̄; ke otu nditọ Jeshua+ eyen Jehozadak+ ye nditọete esie, Maaseiah ye Eliezer ye Jarib ye Gedaliah. 19  Edi mmọ ẹn̄wọn̄ọ ndinam iban mmọ ẹnyọn̄ọ ke ndikọm ubọk, ye nte ke sia mmimọ inyenede ubiomikpe,+ ke inyene ndisio okukịm+ erọn̄ ke otu ufene n̄wa ke ntak ubiomikpe mmimọ. 20  Ndien ke otu nditọ Immer,+ Hanani ye Zebadiah ẹma ẹdu; 21  ke otu nditọ Harim,+ Maaseiah ye Elijah ye Shemaiah ye Jehiel ye Uzziah; 22  ke otu nditọ Pashhur,+ Elioenai, Maaseiah, Ishmael, Nethanel, Jozabad ye Eleasah. 23  Ke otu nditọ Levi, Jozabad ye Shimei ye Kelaiah (oro edi, Kelita), Pethahiah, Judah ye Eliezer; 24  ke otu mme ọkwọikwọ, Eliashib; ke otu mme ekpeme-inuaotop, Shallum ye Telem ye Uri. 25  Ndien ke otu Israel, eke nditọ Parosh,+ Ramiah ye Izziah ye Malchijah ye Mijamin ye Eleazar ye Malchijah ye Benaiah ẹma ẹdu; 26  ke otu nditọ Elam,+ Mattaniah, Zechariah ye Jehiel+ ye Abdi ye Jeremoth ye Elijah; 27  ke otu nditọ Zattu,+ Elioenai, Eliashib, Mattaniah ye Jeremoth ye Zabad ye Aziza; 28  ke otu nditọ Bebai,+ Jehohanan, Hananiah, Zabbai, Athlai; 29  ke otu nditọ Bani, Meshullam, Malluch ye Adaiah, Jashub ye Sheal ye Jeremoth; 30  ke otu nditọ Pahath-moab,+ Adna ye Chelal, Benaiah, Maaseiah, Mattaniah, Bezalel, Binnui ye Manasseh; 31  ke otu nditọ Harim,+ Eliezer, Isshijah, Malchijah,+ Shemaiah, Shimeon, 32  Benjamin, Malluch ye Shemariah; 33  ke otu nditọ Hashum,+ Mattenai, Mattattah, Zabad, Eliphelet, Jeremai, Manasseh ye Shimei; 34  ke otu nditọ Bani, Maadai, Amram ye Uel, 35  Benaiah, Bedeiah, Cheluhi, 36  Vaniah, Meremoth, Eliashib, 37  Mattaniah, Mattenai ye Jaasu; 38  ndien ke otu nditọ Binnui, Shimei 39  ye Shelemiah ye Nathan ye Adaiah, 40  Machnadebai, Shashai, Sharai, 41  Azarel ye Shelemiah, Shemariah, 42  Shallum, Amariah, Joseph; 43  ke otu nditọ Nebo, Jeiel, Mattithiah, Zabad, Zebina, Jaddai ye Joel ye Benaiah. 44  Kpukpru mmọ emi ẹma ẹdọ isen iban,+ ndien mmọ ẹnọ iban emi ẹnyọn̄ọ ọkọrọ ye nditọ mmọ.

Mme Ikọ Idakisọn̄