Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 9;1-11

9  Ndien enye ofiori ke ọkpọsọn̄ uyo esịn mi ke utọn̄, ete: “Nam mbon oro ẹsede ẹban̄a obio ẹsan̄a ẹkpere, owo kiet kiet akama n̄kpọekọn̄ esie ke ubọk man ada esịn nsobo!”  Ndien sese! owo itiokiet ẹto n̄kan̄ enyọn̄ enyọn̄+ inuaotop emi esede edem edere ẹdi, owo mmọ kiet kiet akama n̄kpọekọn̄ esie ke ubọk ndida nnuak; ndien owo kiet emi esịnede linen+ odu ke otu mmọ, nnụk mmọn̄n̄wed ewetn̄wed onyụn̄ etebe enye ke isịn, ndien mmọ ẹdụk ẹdi ẹdida ẹkpere itieuwa okpoho.+  Ndien ẹmen ubọn̄ Abasi Israel+ ẹdọk ẹkpọn̄ mme cherub+ emi enye okodorode ẹka asan̄udọk ufọk,+ ndien enye ofiori okot owo oro esịnede linen,+ emi nnụk mmọn̄n̄wed ewetn̄wed etebede enye ke isịn.  Ndien Jehovah ọdọhọ enye ete: “San̄a ke ufọt obio, ke ufọt Jerusalem be, nyụn̄ nịm idiọn̄ọ ke ọkpọiso mbon oro ẹsemede ẹnyụn̄ ẹtuan̄ade+ ẹban̄a kpukpru mbubiam n̄kpọ oro ẹnamde ke esịt esie.”+  Ndien enye ọdọhọ mbon eken ke utọn̄ mi ete: “Ẹtiene enye ẹsan̄a ẹbe ke obio ẹnyụn̄ ẹwot. Ẹkûyak enyịn mbufo atua mbọm, mbufo ẹkûnyụn̄ ẹtua owo ekededi mbọm.+  Mbufo ẹwot akani eren ye akparawa ye n̄kaiferi ye eyenọwọn̄ ye iban+—ẹsobo. Edi ẹkûsan̄a ẹkpere owo ekededi eke idiọn̄ọ odude enye ke idem,+ mbufo ẹnyụn̄ ẹtọn̄ọ ke edisana ebiet mi.”+ Ntre mmọ ẹtọn̄ọ ye n̄kani iren oro ẹdude ke iso ufọk.+  Ndien enye ọdọhọ mmọ ete: “Ẹsabade ufọk ẹnyụn̄ ẹwot mme owo ẹyọhọ mme okụre.+ Ẹwọrọ ẹka!” Ndien mmọ ẹwọrọ ẹka ẹkesobo obio.  Edikem, ke adan̄aemi mmọ ẹsụk ẹsobode, mmọ ẹyak mi nsụhọ, ndien ami nduọ n̄kịbi iso ke isọn̄+ nnyụn̄ mfiori nte: “O,+ Jehovah Akakan Ọbọn̄ Andikara! Nte afo ọmọn̄ osobo kpukpru nsụhọ Israel ke adan̄aemi afo an̄wan̄ade ifụtesịt fo ọduọk Jerusalem?”+  Ntre enye ọdọhọ mi ete: “Ndudue ufọk Israel ye eke Judah+ omokpon ata etieti,+ uduọkiyịp+ ọmọyọhọ isọn̄ ndien abian̄a omonyụn̄ ọyọhọ obio;+ koro mmọ ẹdọhọde ẹte, ‘Jehovah ọmọkpọn̄ isọn̄ emi,+ Jehovah inyụn̄ ikwe.’+ 10  Ndien amaedi ami n̄ko, enyịn mi idituaha mbọm,+ ami ndinyụn̄ n̄wụtke mbọm.+ Nyada usụn̄ mmọ ndori mmọ ke ibuot.”+ 11  Ndien, sese! owo oro esịnede linen, emi nnụk mmọn̄n̄wed etebede enye ke isịn, ada ikọ afiak edi, edidọhọ ete: “Mmanam kpa nte afo okowụkde mi.”+

Mme Ikọ Idakisọn̄