Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 8;1-18

8  Edikem ke ọyọhọ isua itiokiet, ke ọyọhọ ọfiọn̄ itiokiet, ke ọyọhọ usen ition ke ọfiọn̄ oro, ami ntie ke ufọk mi, mbiowo Judah ẹnyụn̄ ẹtie mi ke iso,+ ndien ubọk Jehovah Akakan Ọbọn̄ Andikara ọduọ mi ke idem do.+  Ndien sese! ami n̄kụt n̄kpọ eke etiede nte ikan̄;+ ikan̄ odu ọtọn̄ọde ke se ibietde isịn esie sụhọde,+ ndien n̄kpọ eke etiede nte uyama, emi etiede nte uyama mbuaha gold ye silver, odu ọtọn̄ọde ke se ibietde isịn esie dọk.+  Ndien enye anyan n̄kpọ eke ebietde ubọk+ omụm mi ke ebok idet ibuot, ndien spirit+ emen mi akama ufụm onyụn̄ ada mi ke n̄kukụt Abasi+ edi Jerusalem, edisịm enyịnusụn̄ inuaotop+ emi odude ke esịt esịt oro esede edem edere, emi ebietidụn̄ idiọn̄ọ ufụp oro anamde ẹfịbe ufụp,+ odude.  Ndien, sese! ubọn̄ Abasi Israel odu do,+ ebiet n̄kpọ oro n̄kokụtde ke unaisọn̄ itịghede.  Ndien enye ọdọhọ mi ete: “Eyen owo, mbọk, menede enyịn fo se n̄kan̄ edem edere.” Ntre ami mmenede enyịn mi nse n̄kan̄ edem edere, ndien, sese! ke n̄kan̄ edere inuaotop itieuwa, idiọn̄ọ ufụp+ emi odu ke enyịnusụn̄.  Ndien enye ọdọhọ mi ete: “Eyen owo, nte afo omokụt ikpọ mbubiam n̄kpọ oro mmọ ẹnamde,+ mme n̄kpọ oro ufọk Israel ẹnamde ke ebiet emi man nda nsannsan n̄kpọn̄ edisana ebiet mi?+ Ndien afo ọmọn̄ ọtọn̄ọ ntak okụt ikpọ mbubiam n̄kpọ.”  Mmọdo enye ada mi edi inuaotop okụre, ndien ami n̄kụt, ndien, sese! odudu kiet odu ke ibibene.  Ndien enye ọdọhọ mi ete: “Eyen owo, mbọk, tịbi ibibene.”+ Ndien ami ntịbi ibibene, ndien, sese! enyịnusụn̄ kiet odu.  Ndien enye ọdọhọ mi ete: “Be dụk nyụn̄ kese idiọk mbubiam n̄kpọ oro mmọ ẹnamde ke ebiet emi.”+ 10  Ntre ami mbe ndụk nnyụn̄ n̄kụt, ndien, sese! kpukpru mbiet+ n̄kpọ eke ẹnyọnide ye mme unam eke ẹtekde owo esịt,+ ye kpukpru mbubiam n̄kpọ ufọk Israel,+ ẹkap mmọ ẹyọhọ ibibene. 11  Ndien irenowo ata ye duop+ emi ẹdide mbiowo ufọk Israel, ye Jaazaniah eyen Shaphan+ emi adade ke ufọt mmọ, ẹda ke iso mmọ, owo kiet kiet akama n̄kpọ ufọp incense esie ke ubọk, ndien ufuọn̄ nsụn̄ikan̄ incense ke ọdọk.+ 12  Ndien enye ọdọhọ mi ete: “O eyen owo, nte afo omokụt se mbiowo ufọk Israel ẹnamde ke ekịm,+ owo kiet kiet ke esịt esịt ubet mbiet n̄kpọ esie? Koro mmọ ẹdọhọde ẹte, ‘Jehovah ikwe nnyịn.+ Jehovah ọmọkpọn̄ isọn̄ emi.’” 13  Ndien enye ọdọhọ mi ete: “Afo ọmọn̄ ọtọn̄ọ ntak okụt ikpọ mbubiam n̄kpọ oro mmọ ẹnamde.”+ 14  Ntre enye ada mi edi enyịnusụn̄ inuaotop ufọk Jehovah, emi odude ke n̄kan̄ edem edere, ndien, sese! iban ke ẹtie do ẹtuan̄a abasi Tammuz. 15  Ndien enye ọdọhọ mi ete: “O eyen owo, nte afo omokụt emi? Afo ọmọn̄ ọtọn̄ọ ntak okụt ikpọ mbubiam n̄kpọ+ eke ẹdiọkde ẹkan mmọ emi.” 16  Ntre enye ada mi edi okụre ufọk Jehovah+ oro odude ke esịt esịt, ndien, sese! ke enyịnusụn̄ temple Jehovah, ke ufọt etehe ye itieuwa,+ n̄kpọ nte irenowo edịp ye ition+ ẹkpa edem mmọ ẹwụt temple Jehovah,+ iso mmọ ẹnyụn̄ ẹse edem usiahautịn, ndien mmọ ẹnụhọ ẹse edem usiahautịn, ẹnụhọ ẹnọ utịn.+ 17  Ndien enye ọdọhọ mi ete: “O eyen owo, nte afo omokụt emi? Nte edi ekpri n̄kpọ ufọk Judah ndinam mme mbubiam n̄kpọ oro mmọ ẹnamde mi, esịnde mmọ ẹda afai+ ẹyọhọ isọn̄ ẹnyụn̄ ẹtọn̄ọ ntak ẹyat mi esịt, ndien sese mmọ ke ẹnyan mi n̄kọketo ke ibuo? 18  Ndien ami n̄ko nyanam n̄kpọ ke ifụtesịt.+ Enyịn mi idituaha mbọm, ami ndinyụn̄ ntuaha mbọm.+ Ndien mmọ ẹyefiori ke ọkpọsọn̄ uyo ẹsịn mi ke utọn̄, edi ami ndikopke mfiori mmọ.”+

Mme Ikọ Idakisọn̄